1 Tasaloni’â 4:16 - Bible azumeina

¹⁶ Ei mba humi yid’a ki vun ma hed’a ki dela hi ma ngolâ hi malaikanina kadif fa bud’a hAlonid’a. Salad’a tamba mba mi tchugï asem kä kur akulod’a. Suma a he gagazid’a yam Jesus suma a bona a mba tchol akulo avok kikidji.

1 Tasaloni’â 4:16 ပူးပေါင်းရင်းမြစ်များ

Sawal la giled’a 47:1

Ni sawal la Kore groma a hlat a hat mi ma ngolâ hi suma hle sawalina.

Sawal la giled’a 47:5

Mi manei andaga d’a djivid’a, tei nga lei djivid’a kad’u, ei nandjafâ hi Jakob ma mam le kama. Tchol ndjö

Buzuk ka Abud’a 19:16

Kur bur ma hindina ki yorogod’a, d’ugul la wura d’a i’îlika ti nga yam ahina d’a Sinai-d’a, alona mi wile mi breî mi. Adifa tchi ad’enga, suma pet suma a nga kur kangîna a nde zlaka.

Buzuk ka Abud’a 20:18

Israel-lâ pet a hum breîd’a halonid’a ki tchina hadifina, a we wiled’a kandos ma nga mi d’us yam ahinad’ina, a nde zlaka abo ahle ndazina, a tchol sä woi hina dei.

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Joel 2:11

Ma didina mi de zlad’a woi avok adesâ hi azigar mamina, kayam ades azigar mama mi kal ablaud’a heî, ni vama mandarâ mi. Gagazi, burâ hi Ma didinina ni bur ma ngolâ, ni vama mandarâ mi. Ni nge ba, mba mi tchol kur bur máma ge?

Zakari 4:7

Ma didina mi de kua ala: Ndak ahina d’a ngola, nda’î nge ba, mba d’i tchol avok Zorobabel ge? Mam mba mi blazak kä woyo, mam mba mi tin ahina d’a kal teglesa akulo kak ki furîd’a, a mba de kat ala: Ti djif heî! Ti djif heî!

Zakari 9:14

Ma didina mba mi ndeï akulo woi yam sum mama, yeû mamba mba d’i djang d’igi wiled’a halonid’a na, Salad’a Ma didina mba mi bu adifa, mba mi mbeï aduk babar ma ngolâ abo ma sutna.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Ndumba 23:21

Mi we nga tchod’a ata andjafâ hi Jakob-ma d’i. Mi we nga bei d’ingêra ata Israel-lâ d’uo mi. Ma didina Alo mazina mi nga ki sed’eziya. A nga hum del la subur amulâ nadigaziya.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Matiye 16:28

Gagazi, an nga ni dagiya, suma dingâ a nga aduk suma tchola kä wana a mba bo d’i, gak azi mba wan an Gor Sana mba ni mbeï kamul manda.

Matiye 25:31

Jesus mi had’azi kua ala: Fata an Gor Sana mba ni mbeï kamul manda zlapa ki malaikana peta, ata yi máma, an mba ni kak yam zlam man nda amul la subura.

Matiye 26:64

Jesus mi dum ala: Ang de wa da’. Wani an nga ni dagiya, ki tchetchemba agi mba wagi an Gor Sana ni sä kaka ata bik ka ndjufa hAlo ma ad’engîd’a, agi mba wan an mbeï kur d’ugula mi.

Sunda hi suma a sunuzinid’a 1:11

a dazi ala: Agi suma Galile-na, ni kayam me ba, agi tchologi á gol akulod’a ge? Ni Jesus ma Alona hlum sä akulo adigagina, mba mi hulongî ni d’igi agi golom i mam mba sä akulod’a na mi.

1 Korente-na 15:18

Le ni na, suma a he gagazid’a yam Christ suma a bona, a ba ni woyo.

1 Korente-na 15:20

Wani ki tchetchemba, Alona mi tchol wa Christ akulo aduk suma matna. Mam mi Ma tchol akulo avok aduk suma a bona.

1 Korente-na 15:23

Wani nge nge pî mba mi tchol ni ki yi mama; Christ ni ma avogozina pet, bugola, suma ala ni mama na a mba fe arid’a kur bur ma mam mba mi hulong kuana.

1 Tasaloni’â 1:10

á djup Gorom ma nga mi tcholï akulo mi mba na ge. Ni Goroma Jesus ma mam tcholom akulo aduk suma matnina, ni Ma nga mi sud’i woi kur ayîna hAlona ma nga mi mbana.

1 Tasaloni’â 3:11

Ar Alona Abui tamba ki Saleina Jesus a malami lovota avoromi á iza hatagiya.

2 Tasaloni’â 1:7

Agi suma nga fagi ndakina, agi mba tugugi tagi zlapa ki sed’emiya, kayam fata Salad’a Jesus mi nde woi kur akulod’a ki malaika mam suma ad’engâ

2 Tasaloni’â 2:1

B’oziyomina, ami nga tchenegi yam mbad’a hi Salad’a Jesus Christ-sa, yam tok meid’a ki sed’emba mi.

2 Pierre 3:10

Wani burâ hi Salad’ina mba mi mba ni d’igi sama kula na. Kur bur máma akulod’a mba d’i kal lei ki siwel la ngola, ahle suma akulona pet akud’a mba d’i b’lagazi woyo. Andagad’a kahle suma kurutna pet a mba ngal lei mi.

Jude 1:9

Wani ata yima Michel ma ngolâ hi malaikanina tamba mi nga mi yal ki Diable ata yima a tchi tazi tuguyod’a yam mad’a Moise-sâ, mi kam nga sariya d’a tchod’a kam mbi, wani mi dum ala: Ar Ma didina mi ngobongû.

Vama ndum mbeina 1:10

Kur burâ hi Salad’ina, Muzuk ma bei tchod’a ba na mi vanu. An hum del la ngola ei blogonu; ti tchi d’igi adifa na.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!

Vama ndum mbeina 14:13

An hum dela ti tcholï akulo, ti dan ala: Ang b’ir kur mbaktumba ala: Suma a nga bo kur sunda hi Salad’id’a ki tchetchembina, a mba le furîd’a. Muzu’â hAlonina mi de na ala: Gagazi, azi ndak á tuk tazi kur sun mazi d’a kaud’a, kayam sun mazi d’a djivid’a nga d’i tit ad’uziya.

Vama ndum mbeina 8:13

An gola, an hum dela hagigilau ma pirï akulo kur simetnina nga mi de ki delem akulo ala: Ni zla d’a hohoud’a, ni zla d’a hohoud’a, ni zla d’a hohoud’a yam suma a nga kaka yam andagad’ina, fata malaika suma hindina a bu adif mazid’id’a.

Vama ndum mbeina 8:2

Ata yi máma, an we malaikana kid’iziya a nga tchola avok Alona. A hazi adifa kid’iziya mi.