1 Tasaloni’â 4:14 - Bible azumeina

¹⁴ Le ei nga hei gagazid’a ala Jesus mi mid’a mi tchol akulo aduk suma matna miyu ni, hina mi, ei hei gagazid’a ala suma a he gagazid’a yam Jesus suma a bona, Alona mba mi hulongôzi arid’a zlapa ki Jesus mi.

1 Tasaloni’â 4:14 ပူးပေါင်းရင်းမြစ်များ

Ad’u Tinda 49:19

Gad, suma kula a mba nguyum á durâ, wani mam mba mi tchol ki sed’eziya, mba mi b’rawazi woi yayak.

Isai 26:19

Magi suma matna a mba hulong zlit akulo, mad’a sum mana a mba tchol akulo. Suma a nga kaka kä aduk andaga d’a gugud’upina, a mba hulong zlit akulo, a mba er ad’uzi akulo ki furîd’a. D’igi mbad’ï magid’a ti d’idje andagad’a ahlena a gra na, andagad’a mba d’i hulong tchol ki suma a bona akulo hina mi.

Zakari 14:15

Tugud’ei d’a tum suma ndata mba d’i tum akulumeina, koro ma akulumei akulumeina, djambala, korona kahle suma abageina pet.

Matiye 24:31

An mba ni sun malaika mana, a mba bu adif fa ngola, a mba tok suma an manazina abo yima fid’ina gak ata avun dabid’a handagad’id’a pet mi.

Romê-na 14:9

Kayam ndata, Christ mi mid’a, mi tchol akulo aduk suma matna karid’a á mbut Sala suma matna ki suma arina mi.

Romê-na 8:11

Wani le Muzu’â hAlona ma mi tchol Jesus akulo aduk suma matnina mi nga kaka kurugiya ni, Alo ma mi tchol Christ akulo aduk suma matnina mba mi hagi arid’a ata hliwigi ma matna ni yam Muzuk mam ma nga kaka kurugina mi.

1 Tasaloni’â 3:13

Hina wani, mba mi siragi ngingring kur lovot ta d’ingêra bei zlad’a kagi ba avok Alona Abui kur bur ma Saleina Jesus mba mi mba zlapa ki malaika mama petna.

1 Tasaloni’â 4:13

B’oziyomina, ami minimi ala agi kagagi kur vita yam suma matna d’i. Ar agi yorogi tagi kazi d’igi suma hiu suma bei hur ma tinda ba na na d’i.

1 Tasaloni’â 4:17

Bugola, ei suma arei ki irei tua na, Alona mba mi zlabei yod’a ki sed’ezi tu sä akulo kur d’ugula á d’ugol Salad’a akulo kur simetna. Hina wani, ei mba kagei ki Salad’a gak didin.

2 Tasaloni’â 2:1

B’oziyomina, ami nga tchenegi yam mbad’a hi Salad’a Jesus Christ-sa, yam tok meid’a ki sed’emba mi.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.

Vama ndum mbeina 14:13

An hum dela ti tcholï akulo, ti dan ala: Ang b’ir kur mbaktumba ala: Suma a nga bo kur sunda hi Salad’id’a ki tchetchembina, a mba le furîd’a. Muzu’â hAlonina mi de na ala: Gagazi, azi ndak á tuk tazi kur sun mazi d’a kaud’a, kayam sun mazi d’a djivid’a nga d’i tit ad’uziya.