1 Sunda Hamuleinid’a 6:8 - Bible azumeina

⁸ Ahitup mi vut Sadok, Sadok mi vut Ahimas,

1 Sunda Hamuleinid’a 6:8 ပူးပေါင်းရင်းမြစ်များ

2 Samuel 15:27

Amulâ mi de mi ma ngat buzuna Sadok ala: Angî ma nga wahle suma a nga mbana d’uo zu? Agi ki Abiyatar agi hulongôgi avo ki halasa ki grogi suma mbàna, nala, Ahimas azi ki Jonatan.

2 Samuel 17:15

Husai mi de mi suma ngat buzuna Sadok azi ki Abiyatar ala: Ahitofel mi de d’alâ mi Apsalom ki suma nglo suma Israel-lâ hina hina, wani an dazi d’al mana hina hina mi.

2 Samuel 17:17

Jonatan azi ki Ahimas a nga ni kaka En-Rogel. Gor weid’a mba d’i dazi zlad’a ala ni azi ba, a i de zla ndata mamulâ David. Wani azi ndak á tak tazi woi kur azì ma ngolâ d’i, abo mandarâ.

2 Samuel 17:20

Azungeîna hi Apsalom-ma a kal avo kur azì matna, a djobot ala: Ahimas azi ki Jonatan a nga ni lara ge? Atcha ndata ti hulong dazi ala: A djak wa mbina. A halaziya, a fazi nga d’i, a hulong avo Jerusalem.

2 Samuel 18:19

Ahimas Sadok goroma mi de mi Jowap ala: Aran an ring gen amulâ, ni dum zla d’a djivid’a ala Ma didina mi kam ini sariya mamba, mi prud’um mbei abo mam suma djangûna da’.

2 Samuel 18:22

Ata yi máma Ahimas Sadok goroma mi de mi Jowap kua ala: Le mba ni zla me pî, an ring bugol ma Etiyopi máma. Jowap mi dum ala: Gorona, ni kayam me ba, ang ring i mbeî ge? Ni zla d’a djivi d’a ang mba fe va kuad’a d’i!

2 Samuel 20:25

Seva ni ma b’ir mbaktumba; Sadok azi ki Abiyatar ni suma ngat buzuna.

2 Samuel 8:17

Sadok Ahitup goroma azi ki Ahimelek Abiyatar goroma ni suma a ngat buzuna mAlonina. Seraya ni ma b’ir mbaktumba.

1 Amuleina 1:34

Ata yi máma Sadok ma ngat buzuna ki Natan ma djok vun Alona a vom mbulâ kamu, a tinim iram vam á kak amula yam Israel-lâ. Ata yi máma agi bugi adifa, agi eregi ad’ugi akulo ala: Amulâ Salomon, ar va mi lang ngi!

1 Amuleina 1:44

Wani David mi he vuna mi Sadok ma ngat buzuna ki Natan ma djok vun Alona ki Benaya Jehojada goroma ki suma Keret-na ki suma Pelet-na ala a i ki Salomon, a hlum a tinim yam koro ma amula.

1 Amuleina 1:8

Wani ma ngat buzuna Sadok ki Benaya Jehojada goroma ki ma djok vun Alona Natan ki Simei ki Rei ki azigar suma a nga ngom David tambina pet a nga zlapa ki Adoniya d’i.

1 Amuleina 2:35

Amulâ Salomon mi vrak Benaya balum Jowap yam azigarâ, mi vrak Sadok balum Abiyatar ma ngat buzuna mi.

1 Sunda Hamuleinid’a 12:28

Sadok azigar ma azong ma gangrangâ zlapa ki suma avok sum mamina dok mbà yam mbà.

1 Sunda Hamuleinid’a 24:3

David mi tin andjafâ hi Aron-na yam sun mazi d’a led’a teteng. Sadok ma ad’u andjafâ hi Elazar-râ ki Ahimelek ma ad’u andjafâ hi Itamar-râ ni suma a ndjunuma.

1 Sunda Hamuleinid’a 6:7

Merayot mi vut Amariya, Amariya mi vut Ahitup,

1 Sunda Hamuleinid’a 6:9

Ahimas mi vut Azariya, Azariya mi vut Johanan,

2 Sunda Hamuleinid’a 31:10

Ata yi máma ma ngol ma ngat buzuna Azariya ma ad’u andjafâ hi Sado’â mi hulong dum ala: Kid’a a tinï ad’ud’a á mba kahlena kur gong nga kud’ora hi Ma didinid’a deid’a, ami nga tamiya, ami nga hobomiya, ad’uzi ti ar mola didivir wana, kayam Ma didina mi b’e vunam yam sum mama. Gola! Ahle suma didivir ndazina, ad’uzi d’a ar molid’a ba wana!