1 Sunda Hamuleinid’a 6:32 - Bible azumeina

³² Azi nga kur sun nda hle sawala avun zlub’u d’a ngaf tad’a gak Salomon mi min gong nga kud’ora hi Ma didinid’a avo Jerusalem. A nga kur sun mazid’a teteu d’igi a hazi vuna na.

1 Sunda Hamuleinid’a 6:32 ပူးပေါင်းရင်းမြစ်များ

1 Sunda Hamuleinid’a 6:10

Johanan mi vut Azariya, ni ma mi le sun nda ngat buzuna kur gong nga kud’or ra Salomon mi minit avo Jerusalem-mbina,

1 Sunda Hamuleinid’a 6:31

Wana ni suma David mi tinizi á hle sawala kur gong nga kud’ora hi Ma didinid’a ata yima a tin zandu’â kä kua ki iram fafatna.

1 Sunda Hamuleinid’a 6:33

Suma a nga le sunda zlapa ki grozinina ba wana: Aduk andjafâ hi Kehat-na, ma hle sawala ni Heman, abuyom ngolo ni Joel, Samuel,

1 Sunda Hamuleinid’a 9:33

Suma nglo suma avok suma hle sawala ni suma hi Levi-na, ni suma a nga kaka kur gongîyonina. Sun nda ding nga kazi á led’a d’i, kayam azi nga le sunda andjege ki faleya.

2 Sunda Hamuleinid’a 31:2

Ezekiyas mi tin suma ngat buzuna ki suma hi Levi-na ad’u adezezi ad’u adezeziya, nge nge pî, kur sun mamba, suma ngat buzuna ki suma hi Levi-na, á he he d’a hawa d’a ngala ki d’a ngat buzu d’a zlap darigïd’a, á le sunda, á le mersi, á gile Ma didina, á suburum avun agre’â hi kang mamina mi.

2 Sunda Hamuleinid’a 35:15

Suma hle sawala andjafâ hi Asaf-fâ a nga tchola ata yazi ma sunda d’igi David azi ki Asaf, Heman ki Jedutun ma wahle suma a nga mbana hamulîna a he vuna na. Suma ngom vun gongîyona a nga tchola ata vun agrek ma lara pî gagang. Suma hle sawala ki suma ngom vun gongîyona, sa mi djok nga ad’um mbei ata yam ma sunda d’i, kayam b’oziyozi suma hi Levi-na a nga min tena kaziya.

Esdras 6:18

A tin suma ngat buzuna ki suma hi Levi-na ad’u adezezi ad’u adezezi á le sunda hAlonid’a avo Jerusalem d’igi a b’ir kur gata hi Moise-sa na.

Ezekiyel 40:44

Sa máma mi in kur atrang nga krovod’a. Gongîyona mbà a nga kua. Ta tud’a ti ni gen vun agrek ma abo ma norîna, irat nabo ma sutna. Ta mbàd’a ti ni gen vun agrek ma abo ma sutnina, irat nabo ma norâ mi.