1 Sunda Hamuleinid’a 5:2 - Bible azumeina

² Juda ni ma gangrangâ aduk b’oziyoma, nad’u andjavam ba, amulâ mi nde kua. Wan pî, ngola a hat ni mandjafâ hi Josef-fâ.

1 Sunda Hamuleinid’a 5:2 ပူးပေါင်းရင်းမြစ်များ

Ad’u Tinda 25:31

Wani Jakob mi hulong de mi Esau ala: Ang han ngol manga tua.

Ad’u Tinda 35:23

Lea grotna ni Ruben ni Jakob gorom ma ngolâ, Simeon, Levi, Juda, Isakar ki Zabulon.

Ad’u Tinda 48:5

Ki tchetchemba, grong suma mbà suma ang vud’uzi ka hî kur ambas sa Ezipte-d’a avok an bei mbad’a tua d’ina, azi ni mana. Efraim azi ki Manase ni mana d’igi Ruben azi ki Simeon na.

Ad’u Tinda 49:26

B’e vun ma an b’angzi kangâ, mi kal b’e vuna habuyona, mba mi kak didin d’igi ahuniyô suma a nga adjeu dei gak didina na. Ar b’e vun máma pet mi kak yam Josef, yam ma an tinim iram vam aduk b’oziyomina.

2 Samuel 8:15

David mi te yam Israel-lâ pet, nga mi ka sariyad’a yam sum mama pet ki d’ingêra.

1 Sunda Hamuleinid’a 28:4

Wani Ma didina Alona hi Israel-lîna mi manan aduk suma habuna pet á kak amula yam Israel-lâ gak didin. Mi man Juda á tak lovota mi Israel-lâ. Bugola, mi man suma habuna aduk suma hi Juda-na. Bugola, aduk suma habuna mi manan an á tamula yam Israel-lâ pet mi.

Sawal la giled’a 108:8

Alona, ang deï zlad’a kur gong mang nga kud’ora ala: Ayî ma kusa ni mana, an mba ni b’rau Sikem mbeyo, an mba ni nga hor ra Sukot-ta ni an mi.

Sawal la giled’a 60:7

Kayam suma ang le kazina a sud’a d’a, ang humumiya, ang sud’umi kad’eng manga.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Ndumba 2:3

Ades ma dur ayî ma zlap kades ma dur ayîna hi Juda-nina, mi ve kang mama abo ma yorogona hi zlub’ud’ina. Ma ngol ma avok andjafâ hi Juda-nina ni Nason Aminadap goroma.

Ndumba 7:12

A mba ki sed’et d’igi Ma didina mi he vuna na. Kur bur ma avok kikidjina, Nason Aminadap gorom ma ad’u andjafâ hi Juda-nina, mi mba ki mamba. Kur bur ma mbàna, Netanel Suwar gorom ma ad’u andjafâ hi Isakar-rîna, mi mba ki mamba. Kur bur ma hindina, Eliyap Helon gorom ma ad’u andjafâ hi Zabulon-nina, mi mba ki mamba. Kur bur ma fid’ina, Elisur Sedewur gorom ma ad’u andjafâ hi Ruben-nina, mi mba ki mamba. Kur bur ma vahlâ Selumiyel Surisadai gorom ma ad’u andjafâ hi Simeon-nina, mi mba ki mamba. Kur bur ma karagayana, Eliyasaf Dewel gorom ma ad’u andjafâ hi Gad-nina, mi mba ki mamba. Kur bur ma kid’iziyana, Elisama Amihut gorom ma ad’u andjafâ hi Efraim-mina, mi mba ki mamba. Kur bur ma klavandina, Gamliyel Pedasur gorom ma ad’u andjafâ hi Manase-nina, mi mba ki mamba. Kur bur ma zlengîna, Abidan Gidoni gorom ma ad’u andjafâ hi Benjamin-nina, mi mba ki mamba. Kur bur ma dogona, Ahiyezer Amisadai gorom ma ad’u andjafâ hi Dan-nina, mi mba ki mamba. Kur bur ma dogo yam tuna, Pagiyel Okran gorom ma ad’u andjafâ hi Aser-rîna, mi mba ki mamba. Kur bur ma dogo yam mbàna, Ahira Enan gorom ma ad’u andjafâ hi Neftali-nina, mi mba ki mamba. Nge nge pî mi mba ki he d’a hawa mamba ni na: Hal ma kawei ma hap ma anegem ndak ir grama 1300-na ki taza ma kawei ma hap ma halhal ma anegem ndak ir grama 700 suma anegezi ndak ir bege d’a a ngat á hed’a yam zlub’u d’a kud’orid’a. Ahle suma mbà ndazina a ni oîd’a kafut ta adiged’i d’a a tib’eget ki mbulâ yam he d’a hawa d’a afutid’a. Kop ma lor ma anegem ndak ir grama 100 mi ni oîd’a ki dubang ma his djivid’ina á ngala. Amuhlâ tu ki timi ma bizam tuna tu mi ngad’a yam vama ngat buzu ma ngala. Mbekmberena tu ngad’a yam vama ngat buzu ma zlup yam tchod’a. Amuzleina mbà, gamlâna vahl, mbekmberena vahl ki tumiyô suma bizazi tutuna vahl ngad’a yam vama ngat buzu ma zlap darigïd’a.

Matiye 2:6

Ang azì ma Betelehem ma yam ambas sa Juda-d’ina, ang nga gogora aduk azì ma Juda-na d’i, kayam ma te yamba mba mi ndeï ni kurungû, mba mi pol man suma Israel-lâ.

Romê-na 8:29

Kayam suma Alona mi manazi avok deina, mi nga hurum avok á mbud’uzi d’igi Goroma na, kayam Goroma mi ka’î Ma avo’â aduk b’oziyoma ablaud’a.

Gat ta a hat á mbàd’id’a 21:17

Wani mi he b’raud’a hi gor ma ngolîd’a mi gorom ma hamam mba mam nga mi le kat tuo d’a yam mbà, kayam gor máma nad’eng mam mba avoka, b’raud’a hi gor ma ngolîd’a ni mamba mi. Gor ma bei hum vuna

Gat ta a hat á mbàd’id’a 33:17

A he ngola mi Josef! Mam mi ma ad’enga d’igi gor amuhlâ na na, ma d’igi avün ma avok dedeina na na. Mi nga kadif ma ad’engâ kam mbà, nadif ma mam mba mi tchok kandjaf suma, mba mi digizi gak mi izi avun dabid’a handagad’id’a. Adif ma tuna nablaud’a hi Efraim-mba, adif ma dingâ ni branga hi suma dudubuna hi Manase-nina mi.

Hebre-na 7:14

Kayam ei wei tetet ala Saleina mi ndeï nad’u andjafâ hi Juda-na, wani Moise mi de zlad’a hi suma ngat buzunid’a ni yam andjaf máma d’i.

Josue 14:6

Bur tu suma hi Juda-na a mba gen Josue avo Gilgal. Kalep Jefune gorom ma ad’u andjafâ hi Kenas-sâ, mi dum ala: Ang tanga we vama Ma didina mi dum mi Moise sana hAlonina kan an ki ang avo Kades-Barneya-na.

Vama ndum mbeina 5:5

Ma dingâ tu aduk suma nglona mi dan ala: Ang tchi d’i, ang gola! Azlo ma ad’u andjafâ hi Juda-nina, ni ma ad’u andjafâ hamulâ David-na mi, mi kus ayîna. Kayam ndata, mi ndak á hô dubang ma kid’iziyana woi á mal mbaktum ndata woi mi.

Suma ka sariyad’a 1:2

Ma didina mi hulong dazi ala: Nandjafâ hi Juda-na ba, mi iya, kayam an hum ambasa abumu.

1 Samuel 16:1

Ma didina mi de mi Samuel ala: Ni mindja ba, ang mba ar bei tchi yam Saul ma an pad’am mbei ala mi kak amul ma Israel-lâ d’uo na ge? Ang hle gugur mang nga mbulâ abongû, ang tchola; an nga ni sunung avo hi Jesse ma Betelehem-ma, kayam an fe nga amul ma nde irana aduk groma.

1 Samuel 16:10

Jesse mi de mi grom suma kid’iziyana á kal avok Samuel tutu pet, wani Samuel mi de mi Jesse ala: Ma didina mi man nga sa adigazi tu d’i.

1 Samuel 16:12

Jesse mi mbam eya. David ni sama afefetna, mi djif ir suma heî mi. Ma didina mi de mi Samuel ala: Ni mamu! Ang tchola, ang vo mbulâ kam á tinim amula.