1 Sunda Hamuleinid’a 5:1 - Bible azumeina

¹ Ruben Israel gorom ma ngolâ groma ba wana: Kayam Ruben ni gor ma ngolâ, wani kid’a mi bur katchad’a habumid’a, ahle suma ngad’a kam yam ngol mambina a hazi woi mi Josef ma Israel goromina groma. Ni hina ba, a b’ir nga simiyê Ruben ngad’a yam ngol mamba d’uo ni na.

1 Sunda Hamuleinid’a 5:1 ပူးပေါင်းရင်းမြစ်များ

Ad’u Tinda 25:23

Ma didina mi hulong dat ala: Andjaf suma mbà a nga kurugu; andjaf suma mbà ndazina a mba wal woi ni kuruk dei. Ma dingâ mba mi kal ndrama kad’enga, ma ngolâ mba mi ge yam kä ad’u ma gorâ.

Ad’u Tinda 25:31

Wani Jakob mi hulong de mi Esau ala: Ang han ngol manga tua.

Ad’u Tinda 29:32

Lea ti ve wirâ, ti vut gor mandjufâ, ti yum ala Ruben, kayam ti dala: Ma didina mi we las manda; ki tchetchemba, ndjuvun mba mi le kanu.

Ad’u Tinda 35:22

Wani ata yima Israel mi nga kaka kur ambas ndata tua na, Ruben mi i mi bur ki Bilha amam mba gora; Israel mi hum mi. Jakob groma ni dogo yam mbà.

Ad’u Tinda 46:8

Wana ni simiyê Israel suma a mba Ezipte-na, nala Jakob ki groma: Gorom ma ngolâ ni Ruben.

Ad’u Tinda 48:5

Ki tchetchemba, grong suma mbà suma ang vud’uzi ka hî kur ambas sa Ezipte-d’a avok an bei mbad’a tua d’ina, azi ni mana. Efraim azi ki Manase ni mana d’igi Ruben azi ki Simeon na.

1 Sunda Hamuleinid’a 2:1

Israel groma ba wana: Ruben, Simeon, Levi, Juda, Isakar, Zabulon,

1 Sunda Hamuleinid’a 26:10

Suma ad’u andjafâ hi Merari-na ba wana: Hosa. Gorom ma ngolâ ni Simri. Mi nga ni ma vut avo’â d’i, wani abum tinim avok b’oziyoma.

Buzuk ka Abud’a 6:14

Wana ni suma nglo suma yam aziyazina: Ruben Israel gorom ma ngolâ groma ba wana: Enok, Palu, Hesron ki Karmi. Wana nadesâ hi Ruben-na.

Sunda hi suma hi Levi-nid’a 18:8

Ar ang bur katchabunga d’i, kayam ang mbut nabung zulona.

Sunda hi suma hi Levi-nid’a 20:11

Le sana mi bur katchabumba ni, mi lasî abumu. Sa máma katcha ndata djak, a tchazi woyo. Buzuwazi mba mi hulong kaziya.

Ndumba 1:5

Wana ni simiyê suma agi yozina: Ad’u andjafâ hi Ruben-na ni Elisur Sedewur goroma;

Ndumba 16:1

Ma ad’u andjafâ hi Levi ma a yum ala Kore-na ni Jisar goroma, ni ma ad’u adesâ hi Kehat-nina, mi yo suma hi Ruben-na ad’um hindi, nala, Datan azi ki Abiram Eliyap goroma ki On Pelet goroma mi.

Ndumba 26:5

Wana ni suma a ndumuzina: Ruben Israel gorom ma ngolâ groma ba wana: Suma Eno’â nandjafâ hi Eno’â, suma Palu-na nandjafâ hi Palu-na,

1 Korente-na 5:1

Ami humumi ata yina pet ala mizeuna nga adigagiya. Aduk andjaf suma dingâ pî, andjaf mizeu ma hina na nga adigazi d’i. A nga dala sama dingâ adigagi mi vatchad’a habumba.

Gat ta a hat á mbàd’id’a 21:17

Wani mi he b’raud’a hi gor ma ngolîd’a mi gorom ma hamam mba mam nga mi le kat tuo d’a yam mbà, kayam gor máma nad’eng mam mba avoka, b’raud’a hi gor ma ngolîd’a ni mamba mi. Gor ma bei hum vuna

Gat ta a hat á mbàd’id’a 27:20

Sama mi bur katchad’a habumbina, Ma didina mi gum vuna, kayam mi mbut nabum zulona! Ablau suma petna a hulong ded’a ala: Amin!

Gat ta a hat á mbàd’id’a 33:17

A he ngola mi Josef! Mam mi ma ad’enga d’igi gor amuhlâ na na, ma d’igi avün ma avok dedeina na na. Mi nga kadif ma ad’engâ kam mbà, nadif ma mam mba mi tchok kandjaf suma, mba mi digizi gak mi izi avun dabid’a handagad’id’a. Adif ma tuna nablaud’a hi Efraim-mba, adif ma dingâ ni branga hi suma dudubuna hi Manase-nina mi.

Kolos-sâ 1:15

Christ ma ei wum mi hle tam dedege d’igi Alo ma bei wum ki ira na na, mam mi Gor ma a vud’um avo’â, ni ma avok ahlena pet suma Alona mi lazina.

Josue 14:6

Bur tu suma hi Juda-na a mba gen Josue avo Gilgal. Kalep Jefune gorom ma ad’u andjafâ hi Kenas-sâ, mi dum ala: Ang tanga we vama Ma didina mi dum mi Moise sana hAlonina kan an ki ang avo Kades-Barneya-na.