1 Sunda Hamuleinid’a 29:9 - Bible azumeina

⁹ Suma a le furîd’a yam he d’a hawa d’a a hat kur min mazid’id’a, kayam a hat mi Ma didina ni ki hur ma tuna bei gigrita. Amulâ David pî mi le furîd’a ngola mi.

1 Sunda Hamuleinid’a 29:9 ပူးပေါင်းရင်းမြစ်များ

1 Amuleina 8:61

Ar agi kagagi suma d’engzengâ avok Ma didina Alo meina, ar agi gagi yagi kä ad’u gat mamba ki vun mam ma hed’a d’igi agi nga lagi ini na.

1 Sunda Hamuleinid’a 29:10

David mi subur Ma didina avok ablaud’a pet ala: Ma didina Alona habumi ngolo Jakob-ma, ang ndak á giled’a kur atchogoi d’a kala ki d’a tchetchemba gak didin.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

2 Sunda Hamuleinid’a 17:16

Ma ngol ma kam á hindid’ina ni Amasiya Zikri gorom ma mi he tam mi Ma didina kur min mambina. Azigar suma gangrang suma a nga ki sed’ema a ni 200.000.

2 Sunda Hamuleinid’a 24:10

Suma avok suma kablaud’a pet a le furîd’a, a mba ki beged’a, a tchugut kur zandu’â gak mi oyâ.

2 Sunda Hamuleinid’a 31:8

Ezekiyas ki suma nglo suma sunda a mba gol mola hahle ndazinid’a, a le mersi mi Ma didina, a b’e vunazi yam mam suma Israel-lâ.

Esdras 1:6

Ndrozi sumazina a ndjunuzi kahle suma sunda, lora kahlena teteng, d’uwarâ kahle suma guzuzi ngolina bei ndum he d’a hawa d’a kur min mazid’id’a ba mi.

Sawal la giled’a 110:3

Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

Buzuk ka Abud’a 35:29

Israel-lâ ki zla tazi pet, andjofâ karop suma huruzi djivid’a á le sun nda Ma didina mi he vuna kat mi Moise-sina, a mba ki he d’a hawa d’a azi hat kur min mazid’id’a mi Ma didina.

Wana ni Zla d’a Djivi d’a Luc mi b’irita 15:6

Ata yima mi kal avo hatama, mi yi buniyôma ki ndroma, mi dazi ala: Agi mbeyegïya! Agi lagi furîd’a zlapa ki sed’enu, kayam an fe wa timi man ma vit teina da’.

Jean 15:11

An dagi ahle ndazina kayam agi lagi furîd’a kanu, kayam furî magid’a ndak memet mi.

2 Korente-na 8:12

Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

2 Korente-na 8:3

An nga ni le glangâsâ kazi ala azi he ndak ata ad’eng mazid’a, wani a he kal yam ad’eng mazid’a mi. Kur min mazid’a azi tchenemi ngola ala

Filip-ma 4:1

Kayam ndata, b’oziyon suma od’a, an nga ni hat hurun ngola á wagiya, kayam agi ni furî manda ki subur manda. Buniyôn suma od’a, ar agi kagagi ngingring kur tit magid’a zlapa ki Salad’a.

Filip-ma 4:10

Wani an nga ki furîd’a yam Salad’a, kayam bugol burâ ablaud’a, agi hulong djib’eregi kanu. Kayam agi nga ki djib’era kan adjewe, wani agi fagi nga lovota á ndjunun ndi.

Suma ka sariyad’a 5:9

An hurun mi zlap tu kamuleina hi Israel-lîna, ki suma a he tazi kur min mazid’a aduk sumina. Agi gilegi Ma didina!