1 Sunda Hamuleinid’a 28:12 - Bible azumeina

¹² Mi hum nga d’a mam ngat kurumba pet hi gulumuna hi gong nga kud’ora hi Ma didinid’a ki hur gongîyo suma nguyut suma kazi irazi vazi á ngom ahle suma kur gonga hAlonid’ina ki gong nga ngom ahle suma ndjondjoî suma a tinizi irazi vazi mAlona kuad’a.

1 Sunda Hamuleinid’a 28:12 ပူးပေါင်းရင်းမြစ်များ

1 Amuleina 14:26

Mi yo ndjondjoî d’a kur gong nga kud’ora hi Ma didinid’id’a ki ndjondjoî d’a kur azina hamulîd’a pet, mi yo mboriyo suma lor suma Salomon mi yorozina pet mi.

1 Amuleina 15:15

Nga mi mba ki he d’a hawa d’a abum mi tinit irat vata ki he d’a hawa mamba tata kur gong nga kud’ora hi Ma didinid’a, nala, kawei ma hapma ki lora kahle suma djivi suma kal teglesâ teteng mi.

1 Amuleina 15:18

Kayam ndata Asa mi yo kawei ma hapma ki lora suma a nga kur gong nga ngom ndjondjoîd’a kur gong nga kud’ora hi Ma didinid’ina, ki d’a nga kur azì ma amulid’a, mi hat abo azungeî mama á it mi Ben-Hadat Tabrimon gorom ma Heziyon gorom ngolona amul ma Siri ma nga kaka Damas-sâ, mi hum sun ndata, mi dum ala:

1 Amuleina 7:51

Kid’a amulâ Salomon mi dap sunda hi gong nga kud’ora hi Ma didinid’a peta, mi yoï kawei ma hapma ki lora kahlena teteng suma abum David mi tinizi irazi vazi mi Ma didinina, mi tchuguzi kur gong nga ngom ndjondjoî d’a kur gong nga kud’ora hi Ma didinid’a.

2 Amuleina 16:8

Ata yi máma mi yo kawei ma hapma ki lora suma a nga kur gong nga kud’ora hi Ma didinid’ina ki suma a nga kur gong nga ngom ndjondjoî d’a kur azì ma amulid’ina, mi sunuzi he d’a hawad’a mamul ma Asiri-na.

2 Amuleina 18:15

Ezekiyas mi yo kawei ma hap ma nga kur gong nga kud’ora hi Ma didinid’ina ki ma nga kur gong nga ngom ndjondjoî d’a kur azì ma amulîd’a pet mi.

1 Sunda Hamuleinid’a 26:20

Ma aduk andjafâ hi Levi-na, Ahiya ni ma a tinim á ngom ahle suma kur gong nga kud’ora hAlonid’ina kahle suma a tinizi irazi vazi mAlonina.

1 Sunda Hamuleinid’a 28:11

Ata yi máma David mi he ngad’a hi gulumuna ki hur gongîyo suma tetengâ ki hur gongîyo suma ngom ahlena ki hur gongîyo suma yam ndrozina akulona ki hur gongîyo suma adu’â ki gong nga a mba tin zanduk ma a tinim iram vama kuad’a mi Salomon.

1 Sunda Hamuleinid’a 28:19

David mi dala: Ma didina mi tagan nga d’a pet ta mam b’irindji kabomba tala an le sunda yam nga d’a mam ngata d’a.

Buzuk ka Abud’a 25:40

Moise, ang gol tang djiviya, ang i lahle ndazina dedege d’igi an tagangzï akulo yam ahinad’a ka hî na.

Buzuk ka Abud’a 31:2

Gola! An man Besalel Uri gorom ma Hur gorom ngolo ma ad’u andjafâ hi Juda-nina.

Jeremi 35:2

Ang i ata suma hi Rekap-ma, ang dazi ala a i ki sed’eng kur gong nga kud’ora hi an Ma didinid’a hurut ma ding tu, ang hazi süm guguzlud’a á tched’a.

Ezekiyel 40:2

Ata yi máma vana nde tam mbei iran mi hlan mi in yam andaga d’a Israel-la sä hî, mi tinin kä yam ahina d’a fiyaka ka ked’iwurenga. Ata abot ma sutna an we gongîyona a nga minda teteng d’igi azì ma ngolâ na.

Ezekiyel 40:38

Hur gong nga abo ma yam hur gong nga ngol la ngagad’a yam vun agrek ma abo ma norîd’a ni gong nga a mbus hliwa vama a hum he d’a hawa d’a vama ngat buzu ma ngala kuana.

Hebre-na 8:5

Kayam suma a nga le sunda hahle ndazinina, ni vama taka yam angus vama akulona. Ata yima Moise mi nga mi min á ve zlub’ud’ina, Alona mi dum ala: Ang gol tang djivi ang lahle ndazina pet dedege d’igi an tagangzï akulo yam ahinad’a na.