1 Sunda Hamuleinid’a 28:11 - Bible azumeina

¹¹ Ata yi máma David mi he ngad’a hi gulumuna ki hur gongîyo suma tetengâ ki hur gongîyo suma ngom ahlena ki hur gongîyo suma yam ndrozina akulona ki hur gongîyo suma adu’â ki gong nga a mba tin zanduk ma a tinim iram vama kuad’a mi Salomon.

1 Sunda Hamuleinid’a 28:11 ပူးပေါင်းရင်းမြစ်များ

1 Amuleina 6:10

Gongîyo suma a minizi huyok gong nga kud’orina d’a lara pî, fiyagat ta akulod’a ni metred’a mbà ki nusa, agu sedre ma katna mi ka’î yam dalalâ hi gong nga ngolina.

1 Amuleina 6:3

Gong nga avunata bubuwat ni metred’a dogo d’igi gonga bubuwat na; hurut ma krovona ni metred’a vahl mi.

1 Sunda Hamuleinid’a 28:12

Mi hum nga d’a mam ngat kurumba pet hi gulumuna hi gong nga kud’ora hi Ma didinid’a ki hur gongîyo suma nguyut suma kazi irazi vazi á ngom ahle suma kur gonga hAlonid’ina ki gong nga ngom ahle suma ndjondjoî suma a tinizi irazi vazi mAlona kuad’a.

1 Sunda Hamuleinid’a 28:19

David mi dala: Ma didina mi tagan nga d’a pet ta mam b’irindji kabomba tala an le sunda yam nga d’a mam ngata d’a.

2 Sunda Hamuleinid’a 5:7

Bugola, suma ngat buzuna a i ki zanduk ma vun ma djinda hi Ma didinina mi nga kuana ata yima a tinim iram vam ma kal teglesâ krovo kur gonga kä ad’u giging tcherebêna.

Nehemi 13:5

mi hum hur gong nga ngol la avok a nga tchuk he d’a hawad’a kuad’a, nala, ahle suma a pad’azi vunazi yam suma ngat buzunina, dubang ma his djivid’ina, ahle suma sun suma kur gong nga kud’ora hAlonid’ina, dim ma awuna, süm ma bei ned’a ki mbulâ. Azi nahle suma a he vuna kazi á hazi mi suma hi Levi-na ki suma hle sawala ki suma ngom vun gongîyonina.

Buzuk ka Abud’a 25:40

Moise, ang gol tang djiviya, ang i lahle ndazina dedege d’igi an tagangzï akulo yam ahinad’a ka hî na.

Buzuk ka Abud’a 25:9

Agi lagizi kahle suma a le ki sunda kurutna pet d’igi an nga ni tagagizi na.

Buzuk ka Abud’a 26:30

Moise, ang ve zlub’u ndata akulo d’igi an tagangzi ka hî yam ahinad’a na.

Jeremi 35:2

Ang i ata suma hi Rekap-ma, ang dazi ala a i ki sed’eng kur gong nga kud’ora hi an Ma didinid’a hurut ma ding tu, ang hazi süm guguzlud’a á tched’a.

Ezekiyel 40:15

Tchol avun agre’â abo hî gak ndeza woi abo hî ni metred’a dok mbà yam vahl.

Wana ni Zla d’a Djivi d’a Luc mi b’irita 21:1

Jesus mi hle iram akulo nga mi gol suma ndjondjoîna a nga tchuk he d’a hawa mazid’a kur zandu’â kur gong nga kud’ora hAlonid’a.

Hebre-na 8:5

Kayam suma a nga le sunda hahle ndazinina, ni vama taka yam angus vama akulona. Ata yima Moise mi nga mi min á ve zlub’ud’ina, Alona mi dum ala: Ang gol tang djivi ang lahle ndazina pet dedege d’igi an tagangzï akulo yam ahinad’a na.