1 Sunda Hamuleinid’a 25:6 - Bible azumeina

⁶ Azi pet nad’u vun ma hed’a habuzina á hle sawala kur gong nga kud’ora hi Ma didinid’a ki tchigiyeud’a kading ma nglona kading ma gureina á le sunda kur gonga hAlonid’a. Asaf azi ki Jedutun ki Heman, azi ni suma ad’u vun ma hed’a hamulîna mi.

1 Sunda Hamuleinid’a 25:6 ပူးပေါင်းရင်းမြစ်များ

2 Samuel 6:5

David ki Israel-lâ pet a nga lü avok Ma didina kandjaf ahle suma bud’a teteng suma a minizi kagu siprenina, ading ma nglona ki ma gureina, daliyâd’a, tchuguyod’a ki ndendeta mi.

1 Amuleina 10:12

Amulâ Salomon mi min agu sandalâ apei yima a djak kakulo yam gong nga kud’ora hi Ma didinid’ina, yam gong mam mba amula mi, mi gan ading ma gureina kading ma nglona mi suma hle sawala mi. Kur bur máma dei gak ini sa nga bei mi we sa mi mba kagu sandalâ avo Israel hina ba.

1 Sunda Hamuleinid’a 15:16

David mi de mi suma avok suma hi Levi-nina ala: A ndjar b’oziyozi suma hle sawala kandjaf ahle suma bud’a teteng, nala, ading ma nglona kading ma gureina ki tchigiyeud’a, ar a hle sawala ki delezi akulo á tak furî mazid’a woyo.

1 Sunda Hamuleinid’a 15:19

Suma hle sawala Heman, Asaf ki Etan a nga ki tchigiyeu d’a kawei ma hleuna abozi á bud’a.

1 Sunda Hamuleinid’a 15:22

Kenaniya ni ma avok suma hi Levi-nina, ni ma tak lovota á hle sawalina, kayam mam mi ma tak lovot ta hle sawalina, kayam mam mi ma d’al ma we lovot ta hle sawala heîna.

1 Sunda Hamuleinid’a 23:5

mi tin suma gile Ma didina kahle suma bud’a d’igi mam minizi á gilem hina na 4000 mi.

2 Sunda Hamuleinid’a 20:28

A kal avo Jerusalem, a nga bu ading ma nglona kading ma gureina kaduveina gak a mbaza avun gong nga kud’ora hi Ma didinid’a.

2 Sunda Hamuleinid’a 23:13

ti mbeï gen suma kur gong nga kud’ora hi Ma didinid’ina, ti gola. Ti wamulâ mi nga tchola ata yima nding ma avun agre’îna, suma nglona ki suma a bu aduveina a nga tchola gen amulâ. Suma kur ambasina pet a nga le furîd’a, suma a nga bu aduveina, suma hle sawala a nga kahle suma bud’a aboziya, a nga tak lovota á hle sawal la giled’a. Ata yi máma Atali ti haû baru matna woyo, ti er ad’ut akulo ala: Ihî ni mbut ira! Ihî ni mbut ira!

2 Sunda Hamuleinid’a 29:13

Suma ad’u andjafâ hi Elisafan-na ba wana: Simri ki Jeyel; Suma ad’u andjafâ hi Asaf-fâ ba wana: Zakari ki Mataniya;

2 Sunda Hamuleinid’a 29:25

Amulâ mi tin suma hi Levi-na kur gong nga kud’ora hi Ma didinid’a ki tchigiyeud’a kading ma nglona kading ma gureina abozi yam vun ma hed’a hi David-na, yam vun ma hed’a hi Gad ma wahle suma a nga mbana hamulîna, yam vun ma hed’a hi Natan ma djok vun Alonina, kayam ni vun ma he ma Ma didina mi hum avun mam suma djok vunina.

Nehemi 11:17

Mataniya ni ma Asaf gorom ngolonina. Asaf mi vut Zapdi, Zapdi mi vut Mika ma Mataniya abuma. Mataniya ni ma hle sawal la giled’a ata yima tchendina. Mi nga ki sed’ezi zlapa ki wiyema Bakbukiya ni ma mbàna ki Abada ma Jedutun gorom ngolonina. Jedutun mi vut Galal, Galal mi vut Samuwa ma Abada abuma.

Nehemi 12:24

Suma hi Levi suma avok sumina ba wana: Hasabiya, Serebiya ki Josue Kadamiyel goroma ki b’oziyozi suma ding suma a tinizi adesâ adesâ yam tazi á gile Ma didina ki sawala d’igi David sana hAlonina mi he vuna na na.

Nehemi 12:46

Kayam adjeu kur atchogoid’a hi David ki Asaf-fa, suma avok suma hle sawala ki suma a nga hle sawal la giled’a a le mersi mAlona ki hud’ina a nga.

Sawal la giled’a 68:25

Alo mana, Amul mana, suma pet a we mba mang nga ei ata yima kus ayînid’a, a we kal mang nga kur gong mang nga kud’orid’a mi.

Efes-sâ 5:19

Ar agi dagi zlad’a ata tagi ni ki sawal la giled’a ki sawala hAlonid’a ki sawala hi Muzuk mamid’a mi. Agi gagi sawala, ar agi gilegi Salad’a kurugi mi.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.