1 Sunda Hamuleinid’a 25:1 - Bible azumeina

¹ David ki suma nglo suma avok azigarîna a tin suma hi Asaf-fâ, suma hi Heman-na ki suma hi Jedutun-na irazi vazi yam sun nda kud’or Alona á djok vun Alona woi kading ma nglona kading ma gureina ki tchigiyeud’a mi. Ablau suma a nga le sun ndatina ba wana:

1 Sunda Hamuleinid’a 25:1 ပူးပေါင်းရင်းမြစ်များ

1 Amuleina 10:12

Amulâ Salomon mi min agu sandalâ apei yima a djak kakulo yam gong nga kud’ora hi Ma didinid’ina, yam gong mam mba amula mi, mi gan ading ma gureina kading ma nglona mi suma hle sawala mi. Kur bur máma dei gak ini sa nga bei mi we sa mi mba kagu sandalâ avo Israel hina ba.

2 Amuleina 3:15

Wani mi de kua ala: Ki tchetchemba, agi yanï sama bu adingâ. Ata yima sama bu adingâ mi nde bu adingîna, ad’enga hi Ma didinid’a ti mba yam Elise.

1 Sunda Hamuleinid’a 12:28

Sadok azigar ma azong ma gangrangâ zlapa ki suma avok sum mamina dok mbà yam mbà.

1 Sunda Hamuleinid’a 13:8

David ki Israel-lâ pet a nga lü avok Alona kad’engêzi pet, a nga hle sawala kandjaf ahle suma bud’a teteng, nala, ading ma nglona ki ma gureina, daliyâd’a, tchuguyod’a, ndendeta kadifa mi.

1 Sunda Hamuleinid’a 15:28

Israel-lâ pet a hleï zandu’â hi Ma didinina ki siwela gandjau, a nga bu aduvei suma nglona ki suma gureina ki tchigiyeud’a, a nga bu ading ma nglona ki ma gureina mi.

1 Sunda Hamuleinid’a 23:2

Mi tok nglo suma avok Israel-lîna, suma ngat buzuna ki suma hi Levi-na.

1 Sunda Hamuleinid’a 25:2

Asaf groma ni Zakur, Josef, Netaniya ki Asarela. Nabuzi Asaf ba, nga mi tagazi lovota á djok vun Alona woi ki sawala d’igi amulâ mi he vuna na.

1 Sunda Hamuleinid’a 25:3

Jedutun groma ni Gedaliya, Seri, Isai, Hasabiya, Matitiya ki Simei. Azi pet ni karagaya. Nabuzi Jedutun ba, nga mi tagazi lovota á djok vun Alona woi ki sawala kading ma ngolâ á subur Ma didina, á gilem mi.

1 Sunda Hamuleinid’a 25:9

Suma a tinizi kur sunda ki toginina ba wana: 1 Josef Asaf goroma 2 Gedaliya 3 Zakur 4 Jiseri 5 Netaniya 6 Bukiya 7 Jesarela 8 Isai 9 Mataniya 10 Simei 11 Azarel 12 Hasabiya 13 Subayel 14 Matitiya 15 Jeremot 16 Hananiya 17 Josbekasa 18 Hanani 19 Maloti 20 Eliyata 21 Hotir 22 Gidalti 23 Mahaziyot 24 Romamti-Ezer. Nge nge pî ki sum mama ni dogo yam mbàmbà.

1 Sunda Hamuleinid’a 6:16

Levi groma ba wana: Gerson, Kehat ki Merari.

1 Sunda Hamuleinid’a 6:33

Suma a nga le sunda zlapa ki grozinina ba wana: Aduk andjafâ hi Kehat-na, ma hle sawala ni Heman, abuyom ngolo ni Joel, Samuel,

1 Sunda Hamuleinid’a 6:39

Asaf ma mi nga tchola yam wiyema Haman bigam mba ndjufina abuyom ngolo ba wana: Berekiya, Samma,

1 Sunda Hamuleinid’a 6:44

B’oziyozina Merari groma a nga yam bigam mba gulad’a, ma avorozina ni Etan. Abuyom ngolo ni Kisi, Abadi, Maluk,

1 Sunda Hamuleinid’a 9:33

Suma nglo suma avok suma hle sawala ni suma hi Levi-na, ni suma a nga kaka kur gongîyonina. Sun nda ding nga kazi á led’a d’i, kayam azi nga le sunda andjege ki faleya.

2 Sunda Hamuleinid’a 23:1

Kur biza d’a kid’iziyad’a, ma ngat buzuna Jehojada mi ve tam ad’enga, mi djin vunam ki azigar suma nglo suma avok azigar suma kikisâ, nala, Azariya Jeroham goroma, Ismael Johanan goroma, Azariya Obed goroma, Mäseya Adaya goroma ki Elisafat Zikri goroma mi.

2 Sunda Hamuleinid’a 23:13

ti mbeï gen suma kur gong nga kud’ora hi Ma didinid’ina, ti gola. Ti wamulâ mi nga tchola ata yima nding ma avun agre’îna, suma nglona ki suma a bu aduveina a nga tchola gen amulâ. Suma kur ambasina pet a nga le furîd’a, suma a nga bu aduveina, suma hle sawala a nga kahle suma bud’a aboziya, a nga tak lovota á hle sawal la giled’a. Ata yi máma Atali ti haû baru matna woyo, ti er ad’ut akulo ala: Ihî ni mbut ira! Ihî ni mbut ira!

2 Sunda Hamuleinid’a 23:18

Jehojada mi he sun nda kur gonga hi Ma didinid’id’a abo suma hi Levi suma ngat buzuna d’igi David mi tinizi adesâ adesâ á hahle suma ngala mi Ma didina ki furîd’a ki sawala, d’igi a b’ir kur gata hi Moise-sa na.

2 Sunda Hamuleinid’a 23:9

Ma ngat buzuna Jehojada mi he asubiyona ki mboriyo suma nglona ki mboriyo suma gurei suma amulâ David mi tchuguzi kur gong nga kud’ora hAlonid’ina abo azigar suma nglo ndazina.

2 Sunda Hamuleinid’a 29:13

Suma ad’u andjafâ hi Elisafan-na ba wana: Simri ki Jeyel; Suma ad’u andjafâ hi Asaf-fâ ba wana: Zakari ki Mataniya;

2 Sunda Hamuleinid’a 29:14

Suma ad’u andjafâ hi Heman-na ba wana: Jehiyel ki Simei; Suma ad’u andjafâ hi Jedutun-na ba wana: Semaya ki Uziyel.

2 Sunda Hamuleinid’a 31:2

Ezekiyas mi tin suma ngat buzuna ki suma hi Levi-na ad’u adezezi ad’u adezeziya, nge nge pî, kur sun mamba, suma ngat buzuna ki suma hi Levi-na, á he he d’a hawa d’a ngala ki d’a ngat buzu d’a zlap darigïd’a, á le sunda, á le mersi, á gile Ma didina, á suburum avun agre’â hi kang mamina mi.

2 Sunda Hamuleinid’a 34:12

Sum ndazina a le sun mazid’a ni ki hur ma tuna, ad’u vun ma hed’a hi suma hi Levi-nina, nala, Jahat ki Obadiya suma ad’u andjafâ hi Merari-na ki Zakari ki Mesulam suma ad’u andjafâ hi Kehat-na. Suma hi Levi suma ding suma a we hle sawala kahle suma bud’a heîna a ni suma a gol sundina,

2 Sunda Hamuleinid’a 35:15

Suma hle sawala andjafâ hi Asaf-fâ a nga tchola ata yazi ma sunda d’igi David azi ki Asaf, Heman ki Jedutun ma wahle suma a nga mbana hamulîna a he vuna na. Suma ngom vun gongîyona a nga tchola ata vun agrek ma lara pî gagang. Suma hle sawala ki suma ngom vun gongîyona, sa mi djok nga ad’um mbei ata yam ma sunda d’i, kayam b’oziyozi suma hi Levi-na a nga min tena kaziya.

2 Sunda Hamuleinid’a 5:12

Suma hi Levi suma hle sawala zla tazi pet, nala, Asaf, Heman ki Jedutun zlapa ki grozina ki b’oziyozina, a tchuk baru d’a luluî d’a lalavata ataziya, a nga tchola ata yima ngal ahle suma ngat buzuna abom ma yorogona ki tchigiyeud’a kading ma nglona kading ma gureina aboziya. Suma ngat buzuna kis kam dok mbà a nga tchola gevezi a nga bu aduveina mi.

2 Sunda Hamuleinid’a 8:14

Mi tinizi d’igi abum David mi tin suma ngat buzuna adesâ teteng kur sun mazid’a na. Mi tin suma hi Levi-na kur sun mazid’a á gile Ma didina, á le sun mazid’a avok suma ngat buzuna d’igi a he vuna á lat burâ ki burâ na. Mi tin suma ngom vun agre’â a i avun agre’â ad’u ades mazina ad’u ades mazina d’igi David sana hAlonina mi he vuna na mi.

Esdras 2:41

Andjaf suma hle sawala ba wana: Adesâ hi Asaf-fâ ni 128,

Esdras 6:18

A tin suma ngat buzuna ki suma hi Levi-na ad’u adezezi ad’u adezezi á le sunda hAlonid’a avo Jerusalem d’igi a b’ir kur gata hi Moise-sa na.

Nehemi 11:17

Mataniya ni ma Asaf gorom ngolonina. Asaf mi vut Zapdi, Zapdi mi vut Mika ma Mataniya abuma. Mataniya ni ma hle sawal la giled’a ata yima tchendina. Mi nga ki sed’ezi zlapa ki wiyema Bakbukiya ni ma mbàna ki Abada ma Jedutun gorom ngolonina. Jedutun mi vut Galal, Galal mi vut Samuwa ma Abada abuma.

Nehemi 12:24

Suma hi Levi suma avok sumina ba wana: Hasabiya, Serebiya ki Josue Kadamiyel goroma ki b’oziyozi suma ding suma a tinizi adesâ adesâ yam tazi á gile Ma didina ki sawala d’igi David sana hAlonina mi he vuna na na.

Nehemi 12:27

Kid’a a dap gulumun ma Jerusalem-ma dapa, a i halï suma hi Levi-na ata yima azi nga kaka kuana pet, a mba ki sed’ezi Jerusalem á le furîd’a á tin gulumuna iram vam mAlona, á hle sawala giled’a ki tchigiyeud’a kading ma nglona ki ma gureina mi.

Sawal la giled’a 81:2

Agi hlagi sawala ki furîd’a mAlo mala nad’eng meid’a na, agi hlagi sawala ki furîd’a mAlona hi Jakob-ma.

Sawal la giled’a 81:3

Agi hlagi sawala, agi bugi tchigiyeud’a, agi bugi ading ma nglona kading ma gurei ma delem tchi djivid’ina.

Ezekiyel 40:44

Sa máma mi in kur atrang nga krovod’a. Gongîyona mbà a nga kua. Ta tud’a ti ni gen vun agrek ma abo ma norîna, irat nabo ma sutna. Ta mbàd’a ti ni gen vun agrek ma abo ma sutnina, irat nabo ma norâ mi.

1 Samuel 10:5

Mi dum kua ala: Bugola, ang mba mbaza avo Gibeya-Elohim ata yima Filistê-na a nga ki kangâ kuana. Ata yima ang mbaza go ki vun azinina, ang mba ngaf kadesâ hi suma djok vun Alonina, a nga tchugï asezi kä woi yam yima nding ma a tinim iram vama. Suma a nga lü kadingâ, daliyâd’a, taulâd’a ki gangad’a avoroziya, azi tazi a nga djok vun Alona woi mi.