1 Sunda Hamuleinid’a 22:5 - Bible azumeina

⁵ David mi dala: Gorona Salomon mi ni gogorâ tua, mi ne nga d’uo tua mi, wani gong nga a mba minit mi Ma didinid’a, simiyêt mba mi nde yina ki subura yam andagad’a pet. Ni kayam ndata ba, an min minim ahlena kad’u. Ni hina ba, David mi min ahlena ngola avok mat mama.

1 Sunda Hamuleinid’a 22:5 ပူးပေါင်းရင်းမြစ်များ

1 Amuleina 3:7

Ki tchetchemba, Ma didina Alo mana, ni ang ba, vragan amula balum abun David. Wani an ni gogor ma gorâ tua, an ndak nga á le sun ndata d’i.

1 Amuleina 9:8

Fata suma a kal gen gong nga ngol la ndandal ndatid’a, a mba le atchap, a mba le mandarâ, a mba djop tazi ala: Ni kayam me ba, Ma didina mi le zla ndata kambas ndata ki gong nga kud’or ndata na ge?

1 Sunda Hamuleinid’a 29:1

Amulâ David mi de mablaud’a suma pet suma a nga ata yi mámina ala: Ni gorona Salomon ba, Alona mi manamu, wani mi ni gogorâ tua, mi ne nga d’uo tua mi, wani sun ndata ti kal ngola heî. Kayam gong nga djif fa a mba minit ndata nga ni mi sa d’i, wani ni mi Ma didina Alona.

2 Sunda Hamuleinid’a 13:7

Suma yazi nga d’uo suma hawa ya’â a tok ad’umu, a kus yam Robowam Salomon goroma, kayam Robowam mi ni gogorâ bei ned’a, mi ndak á tchol avorozi ngingring ngi.

2 Sunda Hamuleinid’a 2:4

Gola! An nga ni min gonga mi Ma didina Alo mana á tinit irat vat á ngal dubang ma his djivid’ina avoromu, á ndjar avungôna avorom teteu, á hahle suma ngat buzu suma ngala yorogo ki fladege burâ ki burâ, kur bur ma sabatna, kur deîd’a hi tilîd’a, kur bur ma vun tilâ hi Ma didina Alo mamina d’igi mi he gat ta didinda mi Israel-lâ na.

2 Sunda Hamuleinid’a 2:5

Gong nga an nga ni minita ni gong nga ngola, kayam Alo mamina nAlo ma ngol ma kal alona petna.

2 Sunda Hamuleinid’a 2:8

Ang sununï agu ma Liban-na, nala, agu sedrena, agu siprena kagu sandalâ mi, kayam an we sum mangâ a we lovota á ka agu ma Liban-na. Gola! Azungeî mana a mba i kazungeî mangâ mi.

2 Sunda Hamuleinid’a 7:21

Fata suma a kal gen gong nga ngol la ndandal ndatid’a, a mba le atchap, a mba djop tazi ala: Ni kayam me ba, Ma didina mi le zla ndata kambas ndata ki gong nga kud’or ndata na ge?

Esdras 3:12

Wani ablau suma ngat buzuna ki suma hi Levi-na ki suma nglo suma momorogei suma a we gong nga avokina, ata yima a ge ad’u gonga kä irazina, a nde tchina ki delezi akulo ngola. Suma dingâ ablaud’a a nga er ad’uzi akulo ki furîd’a mi.

Zla d’a d’ogolâ 4:3

Adjeu an ni gor ma abun le kan heîna, an ni ma gor ma abo asun van tuna.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Isai 64:11

Ma didina, hina pet ni ang mba le va tu d’uo zu? Ang mba kak hawa hina mudjuk, ang ar ahle ndazina a kal yam ad’eng mamid’a zu?

Ezekiyel 7:20

Azi subur tazi yam ahle mazi suma ndjondjoî suma djifâ, a yorozi filei mazi ma ndjendjed’a. Ni kayam ndata ba, an mba ni mbud’uzi ahle suma ndjendjed’a iraziya.

Wana ni mbaktumba hi Aze-d’a 2:3

Ni nge adigagi ba, mi we gong nga wanda kur subur mat ta avoka ge? Ki tchetchemba, agi wat ni nana, ni d’igi vama hawana na iragi d’uo zu?

Wana ni mbaktumba hi Aze-d’a 2:9

Ni kayam ndata ba, subura hi gong nga danandid’a mba d’i kal la avoka. Ni kur yima wana ba, an mba ni hagi b’leng nga halasa. Wana ni zla d’a an Ma didin ma ad’engên kal petna ni data.

Wana ni Zla d’a Djivi d’a Luc mi b’irita 21:5

Suma hiuna a nga de tazi yam gong nga kud’ora hAlonid’a, yam min nda a minit kahina d’a djifa azi ki he d’a hawa d’a suma a he mAlonid’a mi. Ata yi máma, Jesus mi dazi ala:

Jean 13:1

Avok vun til ma Pa’â, ata yima Jesus mi we ler mam mba mba go á ar duniyad’a á hulong gen Abuma, mi le yam mam suma kur duniyad’ina le d’a kal papad’a.

Jean 3:30

Mbeî mam mbut ma ngol ma kalâ, an mbut ma gor ma kalâ.

Jean 9:4

Kid’a afata nga tua d’a, mbeî ei lei sunda hi mam ma sununïna, kayam andjeged’a nga d’i mba, sa ndak á le sunda kurut ti.