1 Sunda Hamuleinid’a 22:19 - Bible azumeina

¹⁹ Ki tchetchemba, agi hagi tagi ki hur ma tuna á hal Ma didina Alo magina, agi tchologi akulo, agi minigi gong nga kud’ora hi Ma didina Alonid’a, agi mbagi ki zanduk ma vun ma djinda hi Ma didinina mi nga kuana kahle suma a tinizi irazi vazi mAlonina kur gong nga a mba minit ki simiyê Ma didina ndata.

1 Sunda Hamuleinid’a 22:19 ပူးပေါင်းရင်းမြစ်များ

1 Amuleina 5:3

Ang we, abun David mi ndak nga á min gong nga kud’ora mi Ma didina Alo mama abo mam suma djangû suma á nga durum ayîna abo hî abo hî na d’i, gak Ma didina Alo mama mi hum ad’enga, mi kus kaziya.

1 Amuleina 8:21

An min wa yina yam zanduk ma vun ma djinda hi Ma didinina mi nga kuana. Ni vun ma djin ma Ma didina mi djinim kabuyoi ngolo ata yima mi buzuguzï woi kur Ezipte-na.

1 Amuleina 8:6

Bugola, suma ngat buzuna a i ki zanduk ma vun ma djinda hi Ma didinina mi nga kuana ata yima a tinim iram vam ma kal teglesâ krovo kur gonga kä ad’u giging tcherebêna.

1 Sunda Hamuleinid’a 16:10

Ar agi suburugi tagi yam simiyê Ma bei tchod’a ba na. Agi suma nga halagi Ma didinina, agi lagi furîd’a kurugi krovo.

1 Sunda Hamuleinid’a 16:11

Agi halagi Ma didin ma ad’engêm kal petna, agi halagi á wum iram teteu mi.

1 Sunda Hamuleinid’a 22:16

Lora, kawei ma hapma, kawei ma hleuna ki kawei ma wurana, a ndak á ndumba d’i. Ang tchola, ang le sunda ki sed’eziya! Ar Ma didina mi kak ki sed’eng mi!

1 Sunda Hamuleinid’a 22:7

mi dum ala: Gorona, an tan djib’er ala an min gonga ki simiyê Ma didina Alo mana.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

2 Sunda Hamuleinid’a 20:3

Josafat mi mbut mandarâ, mi nga hurum á djop Ma didina, mi he vuna mi suma Juda-na pet ala a d’el tazi bei te tena.

2 Sunda Hamuleinid’a 5:7

Bugola, suma ngat buzuna a i ki zanduk ma vun ma djinda hi Ma didinina mi nga kuana ata yima a tinim iram vam ma kal teglesâ krovo kur gonga kä ad’u giging tcherebêna.

2 Sunda Hamuleinid’a 6:11

An tin wa zanduk ma vun ma djinda hi Ma didina ma mi djinim ki Israel-lîna kä kur gong ndata mi.

Sawal la giled’a 119:2

Suma a nga ngom vun mam ma hed’a suma a nga halam ki huruzi petna, a le furîd’a mi.

Sawal la giled’a 14:2

Ma didin ma sä kaka akulona, nga mi gol suma kä yam andagad’ina á we sama ne ma halam mam Alonina nga zu?

Sawal la giled’a 27:4

An nga ni tchen Ma didina yam vama an nga ni halam ki hur ma hatina: Nala, an min kak kur gong nga kud’ora hi Ma didinid’a teteu gak mat mana á gol subur mamba, á gol gong mam mba kud’ora ki furîd’a mi.

Buzuk ka Abud’a 25:8

Azi minin zlub’u d’a kud’ora tala an kak adigaziya d’a.

Isai 60:1

Ndak Jerusalem, ndak tchol akulo, ndak wile kayam b’o maka nga d’i nde woyo, subura hi Ma didinid’a nga d’i tchol akulo kagu, nga d’i b’o kak d’igi afat ta ti deî d’a na.

Jeremi 29:13

Agi mba halanu, agi mba fanu, kayam agi mba halan ki hur ma tuna.

Daniel 9:3

An d’el tan bei te tena, an tchuk baru d’a ndjondjorod’a atanu, an tchuk butna kanu, an mbut iran gen Salad’a Alona á tchenem ki labiyad’a.

Wana ni mbaktumba hi Aze-d’a 1:5

Ki tchetchemba, Ma didin ma ad’engêm kal petna mi de kua ala: Agi djib’eregi yam tit magid’a.

Wana ni mbaktumba hi Aze-d’a 1:8

Agi i djagagi yam ahinad’a, agi kagï aguna, agi minigi gong manda. Hina wani, tan mba d’i lan djivid’a, a mba suburun mi.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 22:16

Ki tchetchemba, ang djup mi me d’ei ge? Ang tchol akulo, ang le batemba, ang yi simiyê Salad’a, mi mbuzung tcho manga woyo.

Gat ta a hat á mbàd’id’a 4:29

Nata yi máma ba, agi mba halagi Alo magina. Le agi halagizi ki hurugi tu ki djib’er magid’a ped’u ni, agi mba fumu.