1 Sunda Hamuleinid’a 22:18 - Bible azumeina

¹⁸ Mi dazi ala: Ma didina Alo magina mi nga ki sed’egi d’uo zu? Ni mam ba, mi hagi tuk tad’a ata yina pet tuo zu? Kayam ni mam ba, mi han suma a nga kaka yam ambasa adjeuna abonu. A ge yazi kä avok Ma didina, avok sum mama mi.

1 Sunda Hamuleinid’a 22:18 ပူးပေါင်းရင်းမြစ်များ

2 Samuel 7:1

Ma didina mi pat amulâ David tei abo mam suma djangû suma a nguyuma, mi hum tuk tad’a. David mi nga kaka kur aziyam ma amula.

1 Sunda Hamuleinid’a 22:9

Wani ang mba vut gorâ, mba mi ka’î sama halasâ. An mba ni hum tuk tad’a, an mba ni pad’am mbei abo mam suma djangû suma a nguyum pet, a mba yum ala Salomon. Kur atchogoi mamba, an mba ni he lovota mi Israel-lâ a mba kak ki halasa bei va mi lazi ba.

1 Sunda Hamuleinid’a 23:25

Kayam David mi dala: Ma didina Alona hi Israel-lîna, mi he wa tuk tad’a mi sum mama, mba mi kak Jerusalem burâ ki burâ mi.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Gat ta a hat á mbàd’id’a 20:4

Kayam Ma didina Alo magina nga mi tit ki sed’egi á dur magi suma djangûna kagi á sud’ugiya.

Josue 10:42

Josue mi hlambasa kamulei matna pet ni kur nde d’a mi ndeza durâ yam tu ndata, kayam Ma didina Alona hi Israel-lîna nga mi dur kaziya.

Josue 22:4

Ki tchetchemba, Ma didina mi he wa yima tuk tad’a mi b’oziyogina d’igi mi dazi na. Ki tchetchemba, agi igi ata yagi ma kaka yam ambas magi d’a Moise mi hagizi sä abo alum ma Jurdê-na woi hid’a.

Josue 23:1

Bugol la Ma didina mi he yima tuk tad’a mi Israel-lâ ata yima mi prud’uzi woi abo suma djangû suma a nguyuzina peta, bizad’a kal ngola. Josue mi djeng mamara kikra, bizam kal lei ablaud’a mi.

1 Samuel 25:28

An nga ni tchenengû, ang vat hurung ngei yam tchod’a hi an wei mangid’a. Kayam an we tetet ala Ma didina mba mi he lovota mi sum mangâ á te leud’a teteu, kayam ang nga kur ayîna hi Ma didinina. Kur kak mang nga yam andagad’id’a, a mba fe vama tcho atang ngi.