1 Sunda Hamuleinid’a 18:11 - Bible azumeina

¹¹ David mi tinizi irazi vazi mi Ma didina zlapa ki kawei ma hapma ki lora suma mam yozï abo andjaf suma pet suma mam kus kazina, nala, suma Edom-ma, suma Mowap-ma, suma Amon-na, suma Filistê-na ki suma Amale’â mi.

1 Sunda Hamuleinid’a 18:11 ပူးပေါင်းရင်းမြစ်များ

1 Amuleina 7:51

Kid’a amulâ Salomon mi dap sunda hi gong nga kud’ora hi Ma didinid’a peta, mi yoï kawei ma hapma ki lora kahlena teteng suma abum David mi tinizi irazi vazi mi Ma didinina, mi tchuguzi kur gong nga ngom ndjondjoî d’a kur gong nga kud’ora hi Ma didinid’a.

2 Amuleina 12:18

Ata yi máma na wat, Jowas mi yo ahle suma mam kabuyom ngolo amulei suma Juda-na Josafat ki Joram ki Ahaziya a tinizi irazi vazina pet ki lor ra nga tinda kur gong nga ngom ndjondjoî d’a kur gong nga kud’ora hi Ma didinid’a ki d’a nga kur azì ma amulid’a pet mi. Mi yot mi it mamulâ Hazayel pet. Ni kayam ndata ba, Hazayel mi ar Jerusalem bei durâ.

1 Sunda Hamuleinid’a 18:10

Mi sun goroma Hadoram gen amulâ David á gum depa, á suburum mi, kayam dur ma mam dur ki Hadadezer mi kus kama, kayam Tohu mi dur ayîna ki Hadadezer mi. Tohu mi sunum ahle suma a lazi ki lora, ki kawei ma hapma ki kawei ma hleunina mi.

1 Sunda Hamuleinid’a 18:12

Abisai Seruya gorotna, mi tchi suma Edom-ma kur hor ra ndjuvuna 18.000.

1 Sunda Hamuleinid’a 22:14

Wana nahle suma an minizi ata ad’eng manda á min gonga mi Ma didina, nala, lora tonna 3000 ki kawei ma hapma tonna 30.000 zlapa ki kawei ma hleuna ki kawei ma wurana ablaud’a a ndak nga á ndumba d’i. An min aguna kahinad’a mi. Ang mba tchuk kazi kua mi.

1 Sunda Hamuleinid’a 26:20

Ma aduk andjafâ hi Levi-na, Ahiya ni ma a tinim á ngom ahle suma kur gong nga kud’ora hAlonid’ina kahle suma a tinizi irazi vazi mAlonina.

1 Sunda Hamuleinid’a 29:14

An ni va d’i, sum mana ni va d’uo mi. Nga ni kad’eng mamid’a ba, ami hang he d’a hawa d’a wanda d’i. Ahlena pet a tcholï natangû. Nahle suma ang hamizina ba, ami hangzi wana!

2 Sunda Hamuleinid’a 5:1

Kid’a amulâ Salomon mi dap sunda hi gong nga kud’ora hi Ma didinid’a peta, mi yoï kawei ma hapma ki lora kahlena teteng suma abum David mi tinizi irazi vazi mi Ma didinina, mi tchuguzi kur gong nga ngom ndjondjoîd’a kur gong nga kud’ora hAlonid’ina.

Buzuk ka Abud’a 35:5

Agi pad’agi vun ahle magina mi Ma didina. Suma pet suma a nga ki hur ma djivinina a mba ki he d’a hawa d’a teteng nga azi pad’at mi Ma didina ndata, nala, lora, kawei ma hapma, kawei ma hleuna,

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.

Josue 6:19

Bege d’a hapa ki lora kahle suma a lazi ki kawei ma hleunina d’oze suma a lazi ki kawei ma wuranina nahle suma a tinizi irazi vazi mi Ma didinina, a mba tchuguzi ni kur yi mam ma ngom ahlena.

Josue 6:24

A ngal azì ma ngol máma woi kahle suma kuruma pet; a arî bege d’a hapa ki lora kahle suma a lazi ki kawei ma hleunina d’oze ahle suma a lazi ki kawei ma wuranina hol, a tchuguzi kur yima ngom ahlena hi Ma didinina.

1 Samuel 30:13

David mi dum ala: Angî sana hi nge ge? Ang tcholï nara? Mi hulong dum ala: An ni gor ma Ezipte-na magoma hi ma Amale’â. Gola! Ini ni bur ma hindina salana aran ndeyo, kayam an tugud’eid’a.

1 Samuel 30:20

David mi yoï d’uwar ma gureina ki ma nglona pet. Suma a nga tit avok d’uwarîna a nga dala: Wana nahle suma David mi prud’uzïna!