Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Sunda Hamuleinid’a 17:21 - Bible azumeina

21 Andjaf ma ding ma yam andagad’a ma d’igi Israel-lâ na na nga d’i. Ni mam ba, ang i pad’am mbei abo Ezipte suma a nga djobom vunama, ang mbud’um andjaf mangâ á suburung simiyêngû, ang lahle suma atchapma kahle suma mandarâ kam kur ambas manga á dik andjaf suma dingâ woi avorom mi.

အခန်းကိုကြည့်ပါ။ ကော်ပီ




1 Sunda Hamuleinid’a 17:21
29 ပူးပေါင်းရင်းမြစ်များ  

Ma didina, ma hle tam d’igi ang na na nga d’i. Alo ma ding ma d’igi ang na na nga d’uo d’igi ami humumi ini ki humami na.


Ang mbud’um andjaf mangâ, kayam mi ka’î mangâ gak didin. Ma didina, ang arî Alo mama.


Ang tak ahle suma yoyou suma ndandalâ woi ata Faron, ata azungeî mama, ata suma yam ambas mambina pet mi, kayam ang we murud’um mba ngol la azi lat mabuyomi ngolod’a, ang tak subur manga woi atazi d’igi ini na mi.


Ar suma Ma didina mi prud’uzi woina a de na! Ar suma mi prud’uzi woi abo mazi suma djangûna,


Ma didina mi sunï á sut sum mama, mi djin vunam ki sed’eziya. Simiyêm ala ma bei tchod’a ma suma a lum mandarama.


Mi le nga hina kandjaf suma dingâ pet ti, a we nga nga hur mama d’uo mi. Agi gilegi Ma didina!


Sama ang manam á kak ki sed’engâ, mi le furîd’a, mba mi kak kur gulumun mangâ. Ami mba hobomi kahle suma djivi suma kur gong mangina, nala, kur gong mang nga a tinit irat vata.


Angî Alo ma lahle suma atchapmina, ang tak sib’ik manga woi aduk andjaf suma dingâ mi.


Kayam ndata, ang i de mi Israel-lâ ala: Alona mi dala: An Ma didina nga ni pad’agi woi kur sun nda anek ka Ezipte-na a tinigizi kagid’a, an nga ni pad’agi woi kur magom mba a nga lagizid’a mi. An mba ni ngobozi ngop pa tchod’a, an mba ni prud’ugi woi ki bigan nda zid’a kan akulo zid’a,


Wani ni kayam simiyên ba, an d’el vun ayî mana; ni yam gile d’a ndak kan á giled’id’a ba, an ve tan kagi tala an dabagi woi d’uo d’a.


Mam ma mi tit yam bik ka ndjufa hi Moise-sa ki sib’ik mambina mi nga ni lara ge? Ni mam ma wal mbina woi aduk mbà avorozi tala simiyêm mi yi gak didinu d’a.


Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.


Sa mi hum nga zla d’a de d’oze mi we nga alo ma ding ma d’igi ang na ma mi lahle suma hina na yam sama nga mi djubuma yam tu d’i.


Ang buzugï mang suma Israel-lâ woi kur ambas sa Ezipte-d’a kahle suma yoyouna kahle suma atchapma ki sib’ik mang nga kal teglesa ki bigang nga zid’a kang akulo zid’a, ang lahle suma mbut suma mandarâ mi.


Agi djib’eregi ala adjeu agi ei ni magomba kur ambas sa Ezipte d’a Ma didina Alo magina mi tchugugï woi akulo kura. Ni kayam ndata ba, an hagi ini vun ma he ma wana wana.


Nandjaf ma ngol ma lara ma nga kalona go ki sed’em d’igi Ma didina mi nga ki sed’ei ata yima lara ma ei nga yuma na ge?


Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.


Josue mi hlambasa kamulei matna pet ni kur nde d’a mi ndeza durâ yam tu ndata, kayam Ma didina Alona hi Israel-lîna nga mi dur kaziya.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ