1 Sunda Hamuleinid’a 17:16 - Bible azumeina

¹⁶ Ata yi máma amulâ David mi i avok Ma didina, mi dum ala: Ma didina Alo mana, an ki sum mana ni me ko ba, ang i gak dan yam ahle ndazina ge?

1 Sunda Hamuleinid’a 17:16 ပူးပေါင်းရင်းမြစ်များ

Ad’u Tinda 32:10

an kid’ak kei ata djivi manga ki d’engzeng manga pet suma ang lazi ki an azong mangîna. Adjeu an djak alum ma Jurdê-na ni ki totogod’a abonu; ki tchetchemba, an nga kadesâ mbà.

2 Samuel 7:18

Ata yi máma amulâ David mi i avok Ma didina, mi dum ala: Salad’a, Ma didina, an ki sum mana ni me ko ba, ang i gak dan yam ahle ndazina ge?

2 Amuleina 19:14

Wani Ezekiyas mi ve mbaktumba abo suma sun suma Asiri-na, mi ndumud’u. Ata yi máma mi i kur gong nga kud’ora hi Ma didinid’a, mi malat tei avok Ma didina.

1 Sunda Hamuleinid’a 17:15

Natan mi mba mi väd’u zla d’a Alona mi ndumzi woid’a mi David pet.

1 Sunda Hamuleinid’a 17:17

Alo mana, ni zla d’a akid’eid’a irang á de zlad’a yam andjafâ hi an azong mangâ yam vama sä avo’â d’igi an ni sama kal suma dingîna na zu? Ma didina Alo mana,

1 Sunda Hamuleinid’a 29:14

An ni va d’i, sum mana ni va d’uo mi. Nga ni kad’eng mamid’a ba, ami hang he d’a hawa d’a wanda d’i. Ahlena pet a tcholï natangû. Nahle suma ang hamizina ba, ami hangzi wana!

2 Sunda Hamuleinid’a 1:8

Salomon mi hulong dum ala: Ang le yam abun David ngola, ang tinin wa á vrak tamula blangâmu.

Sawal la giled’a 144:3

Ma didina, sana ni nge ba, ang wum ge? sana goroma ni nge ba, ang djib’er kam ge?

Sunda hi suma a sunuzinid’a 26:22

Wani Alona mi ndjunun gak ini. An nga tchola á le glangâs mana avok suma pet, nala, avok suma nglona, avok gugureina mi. An de nga vama ding ngi; ni vama suma djok vun Alona azi ki Moise a dum mbei ala mba mi mba na hol.

2 Korente-na 1:10

Mam ma sud’umi woi avun matnina, mba mi sud’umi woi kua. Ami tinimi hurumi kam ala mam mba mi sud’umi woi kua d’ei.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Suma ka sariyad’a 6:15

Zedeyon mi hulong dum ala: Salad’a, an mba ni sut Israel-lâ woi ni ki me ge? Simiyên ni suma hou suma kala aduk andjafâ hi Manase-na, an ni ma gor ma danana aduk suma habuna mi.

1 Samuel 7:12

Samuel mi hle ahinad’a, mi pat aduk Mispa ki Sen, mi yat ala Ebenezer, mi dala: Gak ini Ma didina nga mi ndjuniya.

1 Samuel 9:21

Saul mi hulong dum ala: An ni ma Benjamin-na; andjavan nandjaf ma akid’eina aduk Israel-lâ; sum mana ni suma akid’eina aduk suma hi Benjamin-na pet mi d’uo zu? Ni nana ba, ang dan ahle ndazina hina ge?