1 Sunda Hamuleinid’a 16:41 - Bible azumeina

⁴¹ Suma a nga zlapa ki sed’ezina ni Heman, Jedutun ki suma ding suma suma a manazi á gile Ma didina yam o mam mba bei dabid’a ba d’ina.

1 Sunda Hamuleinid’a 16:41 ပူးပေါင်းရင်းမြစ်များ

1 Sunda Hamuleinid’a 12:31

Suma ad’u abo andjafâ hi Manase suma abo ma fladegenina a ni 18.000, ni suma a manazi á tin David amulina.

1 Sunda Hamuleinid’a 15:17

Suma hi Levi-na a ndjaraziya, a tin Heman Joel goroma; aduk b’oziyoma, a tin Asaf Berekiya goroma; aduk b’oziyom suma hi Merari-na, a tin Etan Kusaya goroma mi.

1 Sunda Hamuleinid’a 16:34

Agi gilegi Ma didina, kayam mam mi ma djivina, kayam o mamba ni d’a didinda!

1 Sunda Hamuleinid’a 16:37

David mi tin Asaf azi ki b’oziyoma avun zanduk ma vun ma djinda hi Ma didinina mi nga kuana á lum sunum teteu d’igi a ngat á led’a burâ ki burâ na.

1 Sunda Hamuleinid’a 6:33

Suma a nga le sunda zlapa ki grozinina ba wana: Aduk andjafâ hi Kehat-na, ma hle sawala ni Heman, abuyom ngolo ni Joel, Samuel,

2 Sunda Hamuleinid’a 20:21

Bugola, mi ndjak vunam ki suma, mi tin suma hle sawal suma a tchuk ahle suma djif suma a tinizi irazi vazina atazi a nga tit avok azigarâ á gile Ma didina ala: Agi gilegi Ma didina, kayam o mamba nga d’i dap pi!

2 Sunda Hamuleinid’a 5:13

Suma bu aduveina ki suma hle sawala, a tok tu á gile Ma didina, a subur Ma didina kaduveina ki tchigiyeud’a kahle suma bu suma dingâ teteng. A nga gile Ma didina kayam mam mi sama djivina, kayam o mamba nga d’i dap pi. Ata yi máma d’ugula ti oî hur gonga, gong nga kud’ora hi Ma didinid’a.

2 Sunda Hamuleinid’a 7:3

Israel-lâ pet a waku d’a tcholï akulod’a ki subura hi Ma didina d’a yam gongid’a, a hud’o kä, a grif kä ki irazi andaga hur gonga, a kud’or Ma didina, a gilem ala: Mam mi Ma djivina. O mamba nga d’i dap pi.

Esdras 3:11

A nga hle sawala, a nga gile Ma didina, a nga suburum ki delezi akulo ala: Mam mi Ma djivina, kayam we hohou mam mba yam Israel-lîd’a nga d’i dap pi. Suma pet a nga gile Ma didina ki delezi akulo ki furîd’a, kayam suma sunda a gum ad’u gong mamba kä da’.

Esdras 8:20

zlapa ki suma Netin suma David ki suma nglona a tinizi adjeu á le sunda mi suma hi Levi-nina, azi ni 220, a yazi pet ni ki simiyêzi gagang.

Sawal la giled’a 103:17

Wani od’a hi Ma didinid’a ti nga ni yam suma a nga ringîm mandarama hina gak didin; d’ingêr mamba ti nga yam grozina ki grozi ngolona,

Sawal la giled’a 106:1

Agi gilegi Ma didina! Agi gilegi Ma didina, kayam mam mi ma djivina, kayam o mamba ni d’a didinda!

Sawal la giled’a 136:1

Agi gilegi Ma didina, kayam mam mi ma djivina. O mamba nga d’i dap pi.

Sawal la giled’a 39:1

Ni sawal la David mi hlat mi hat mi ma ngolâ hi suma hle sawalina ki Jedutun.

Sawal la giled’a 77:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Jeremi 33:11

sawal la hur ma hapma ki sawal la furîd’a. A mba hum sawala hi ma tel atchad’a awilina ki sawala hi d’a a telet awilid’a kur ambas sa wanda. A mba hum dela hi suma a hle sawal la wandina ala: Agi gilegi Ma didin ma ad’engêm kal petna, kayam Ma didina ni ma djivina, kayam o mamba nga d’i dap pi. A mba hum dela hi suma a nga hahle suma ngat buzu suma le mersid’ina kur gong man nda kud’ora. Kayam an mba hulongî ki suma a yozi magomba kur ambas sa wandina, an mba ni kagazi blangâzi d’igi adjeu deid’a na. An Ma didina ni de na.

Ezekiyel 40:44

Sa máma mi in kur atrang nga krovod’a. Gongîyona mbà a nga kua. Ta tud’a ti ni gen vun agrek ma abo ma norîna, irat nabo ma sutna. Ta mbàd’a ti ni gen vun agrek ma abo ma sutnina, irat nabo ma norâ mi.

Ndumba 1:17

Moise azi ki Aron a yo suma a yazi ki simiyêzina.

Wana ni Zla d’a Djivi d’a Luc mi b’irita 1:50

Kur atchogoi d’a lara ge pet mam mba mi we hohowa suma a nga lum mandarama.