1 Sunda Hamuleinid’a 11:22 - Bible azumeina

²² Benaya Jehojada ma Kapsel-lâ goroma ni sama zlam nde yina ki sun mam mba ndandal la mi lata heîna. Mi tchi suma Ariyel suma Mowap-ma mbà. Bur ma dingâ mi tchazlona kur golonga kur bur ma alona mi se nesâ kuana.

1 Sunda Hamuleinid’a 11:22 ပူးပေါင်းရင်းမြစ်များ

2 Samuel 1:23

Kid’a Saul azi ki Jonatan a nga ki irazi tua d’a, a le yam tazi heî, kur mat mazina a wal nga woi d’uo mi. Azi afefeta kal b’aruna, azi ad’enga kal azlona.

2 Samuel 20:23

Jowap ni ma te yam azigar suma Israel-lâ petna. Benaya Jehojada goroma ni ma te yam suma Keret-na ki suma Pelet-nina.

2 Samuel 8:18

Benaya Jehojada goroma ni ma ngolâ hi suma Keret-na ki suma Pelet-na. David groma a nga kad’enga yam ahlena teteng mi.

1 Amuleina 1:38

Sadok ma ngat buzuna ki Natan ma djok vun Alona ki Benaya Jehojada goroma zlapa ki suma a nga ngom azì ma amula suma Keret-na ki suma Pelet-na, a i gen Salomon, a hlum a tinim yam koro d’a amula hi David-ta, a i ki sed’em Gihon.

1 Amuleina 1:8

Wani ma ngat buzuna Sadok ki Benaya Jehojada goroma ki ma djok vun Alona Natan ki Simei ki Rei ki azigar suma a nga ngom David tambina pet a nga zlapa ki Adoniya d’i.

1 Amuleina 2:30

Benaya mi i kur zlub’ud’a, mi de mi Jowap ala: Amulâ ala ang nde woi ata yi máma. Jowap mi dum ala: Hawa! An mit ni ka hî. Benaya mi hulong avo gen amulâ, mi dum zla d’a Jowap mi data.

1 Sunda Hamuleinid’a 11:21

Subur mamba kal suma dok hindina; ni hina ba, a tinim ngol mazid’a, wani mi ndak nga ki suma hindi suma avok ndazina d’i.

1 Sunda Hamuleinid’a 12:28

Sadok azigar ma azong ma gangrangâ zlapa ki suma avok sum mamina dok mbà yam mbà.

1 Sunda Hamuleinid’a 12:8

Suma aduk andjafâ hi Gad suma a wal ki Saul á i ad’u David kur yima ad’eng ma abagei hur fulîna, azi ni grang suma a we durîna, ni suma a dur ki mbareid’a kasapina. A hle tazi ni d’igi azlona na, a ring afefeta ni d’igi duguyo suma yam ahuniyônina na mi.

Josue 15:21

Azì ma nglo ma yam ambas sa abo ma sutnid’a avun dabid’a handjafâ hi Juda-nid’a go ki Edom-mba ni Kapsel, Eder, Jagur,