1 Sunda Hamuleinid’a 11:14 - Bible azumeina

¹⁴ Elazar máma ki sum mama a tchol kur asinena, a ngomomu, a dur suma Filistê-na. Ma didina mi hazi ad’enga á kus ayîna yam suma Filistê-na.

1 Sunda Hamuleinid’a 11:14 ပူးပေါင်းရင်းမြစ်များ

2 Samuel 23:10

Elazar mi ar tchola ngingring, mi tchi Filistê-na baba abom mi ar ngrufa ata mbigeu mam mba fiyaka ngingi. Ma didina mi hum ad’enga mi kus ayîna kur bur máma. Israel-lâ a hulongî blogom ná hurum ahlena hi suma mi tchazina hol.

2 Amuleina 5:1

Ma ngolâ hi azigar ma Siri-na a yum ala Näman, salama mi lum ad’um heî, mi suburum heî mi. Ni kayam mam ba, Ma didina mi had’enga mi suma Siri-na á kus ayîna. Mam mi grang ma gagazina, wani mi ni libina.

1 Sunda Hamuleinid’a 11:13

Mi nga zlapa ki David avo Pas-Damim. Kur yi máma suma Filistê-na a tok tazi á duruziya. Azigar suma Israel-lâ a ring avoroziya. Kur yi máma asine ma awu orsâ mi nga kua.

1 Sunda Hamuleinid’a 11:15

Bur tu, suma hindi suma aduk grang suma dok hindina a i gen David yam ahinad’a go ki zul ahina d’a Adulam-mba. Filistê-na a ve nga anguvora kur hor ra Refa-d’a.

Sawal la giled’a 144:10

Ang ma nga sut amuleinina, ang sud’un an azong mangâ David woi avun mbigeu d’a fiyak ka tchi matna.

Sawal la giled’a 18:50

Kayam ndata, Ma didina, an mba ni suburung aduk andjaf suma, an mba ni gileng simiyêng ki sawala mi.

Zla d’a d’ogolâ 21:31

A nga ngom akulumeina ni yam bur ma dur ayîna, wani kusa tcholî ata Ma didina.

1 Samuel 14:23

Kur bur máma Ma didina mi had’enga mi Israel-lâ á kus ayîna; ayî máma mi i gak mi kal lei yam Bet-Aven.

1 Samuel 19:5

Mi he tam mbeyo, mi tchi ma Filistê-na. Ma didina mi le ki sed’em mi sut Israel-lâ pet sut ta ngola. Ang tang we ki irangû, ang le furîd’a. Ni kayam me ba, ang le tchod’a á tchi ma bei zlad’a kama David bei lovod’ot ke?