1 Sunda Hamuleinid’a 10:4 - Bible azumeina

⁴ Ata yi máma Saul mi de mi sama mi zim ahle mam suma sïnina ala: Ang pat mbigeu mang nga fiyaka, ang tchogonu; ar suma bei ngat bayâ ndazina a mba tchan tchi ba a lazan ndi. Wani sama zim ahle mam suma sïnina mi min ndi, kayam nga mi le mandarâ ngola. Ata yi máma Saul mi pat mbigeu mam mba fiyaka, mi ge tam avunad’u.

1 Sunda Hamuleinid’a 10:4 ပူးပေါင်းရင်းမြစ်များ

2 Samuel 1:20

Ar agi dagi zla ndata woi kur azì ma ngol ma Gat-na d’i, ar agi tchat walat tei ir palum mba Askalon-nda, tala arop suma Filistê-na a furîya d’a d’i, d’oze arop suma hi suma bei ngat bayâd’ina a ayâd’a d’uo mi.

2 Samuel 1:6

Gor azong máma mi hulong dum ala: An fe Saul nga yam ahina d’a Gilbowa-d’a, mi ge nga tam avun asap mamba. Gol wani, pus ma dur ayîna teteng ki suma djang akulumeina a ar go a tewemu.

2 Samuel 17:23

Ata yima Ahitofel mi we d’ala a ve nga d’al mama d’uo d’a, mi nga yam koro mama, mi i avo hatamu, mi de vunam mi sum mama, mi tchuk ziyona kelem mi tchi tamu. A tozom kur zula habumba.

1 Amuleina 16:18

Ata yima Zimri mi wala azigarâ a hle wa azina da na, mi kal kur azì ma amula, mi do akud’a kamu, mi ngal tam mbeyo.

1 Sunda Hamuleinid’a 10:3

Zozok ayîna mi tok yam Saul, suma yeûd’a a sisiwim yeûd’a, mi nga mi zlak abozi djidjik.

1 Sunda Hamuleinid’a 10:5

Kid’a sama zim ahle mam suma sïnina mi wum mi mit da d’a, mi ge tam avun mbigeu mam mba fiyaka, mi mit ki sed’em mi.

Sunda hi suma a sunuzinid’a 1:18

Sa máma mi gus asinena ki wurak mam mba tchod’a, mi ge tam kä, hayam mun ndeyo, aruwad’am buzuk kei mi.

Sunda hi suma a sunuzinid’a 16:27

Kid’a ma ngol ma ngom vun gong nga dangeina mi zlit akulod’a, mi we vun gongîyo suma dangeina a mal leyo, mi pat mbigeu mam mba fiyaka á tchi tamu, kayam mi djib’er ala suma dangeina pet a ring wa.

Suma ka sariyad’a 15:18

Ata yi máma vunam so, mi tchen Ma didina ala: Kayam ni ang ba, han an azong mangâ ad’enga á sut suma woi wana. Ki tchetchemba, an mit tei abo vun ma sod’a ba, ni ndabo suma bei ngat bayâd’a zu?

Suma ka sariyad’a 16:21

Suma Filistê-na a vumu, a tchom iram mbeyo, a i ki sed’em Gaza, a djinim ki kawei ma hleuna, a tinim á lut awuna kur dangeina.

Suma ka sariyad’a 9:54

Ata yi máma na wat, mi yi gor azong ma nga mi zi ahle mam suma sinina, mi dum ala: Ang pat mbigeu mang nga fiyaka, ang tchanu! Ar a davin kan ala atchad’a ba, ti tchanu d’i. Gor azong mama mi tchogom mi tchumu.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.

1 Samuel 17:26

David mi de mi azigar suma gevem go na ala: Sama tchi ma Filistê máma woi mi pat zulona woi yam Israel-lîna, mba lumî nana ge? Ma Filistê ma bei ngat bayâ máma ni nge ko ba, mi ngul b’ranga hAlo ma bei matnina na ge?

1 Samuel 17:36

Ni hina ba, an tchi azlona azi ki ursâ, an mba ni le ki ma Filistê ma bei ngat bayâ máma ni hina mi, kayam mam ngul b’ranga hAlo ma bei matnina.

1 Samuel 31:4

Ata yi máma Saul mi de mi sama zim ahle mam suma sïnina ala: Ang pat mbigeu mang nga fiyaka, ang tchogonu; ar suma bei ngat bayâ ndazina a mba tchan tchi ba a lazan ndi. Wani sama zim ahle mam suma sïnina mi min ndi, kayam nga mi le mandarâ ngola. Ata yi máma Saul mi pat mbigeu mam mba fiyaka, mi ge tam avunad’u.