1 Sunda Hamuleinid’a 10:13 - Bible azumeina

¹³ Saul mi mit ni yam tcho mam mba mi lat avok Ma didinid’a, kayam mi ngom nga zlad’a hi Ma didinid’a d’i. Mi mit ni yam djop pa mi i djopa avun suma azuleinid’a mi.

1 Sunda Hamuleinid’a 10:13 ပူးပေါင်းရင်းမြစ်များ

2 Amuleina 21:6

Mi he goroma vama ngat buzu ma ngala, mi vandjaf kumana teteng, mi nga mi djop fileina, mi tin suma a djop ki suma azulei suma a nga de zlad’a yam vama nga mbana mi, mi le sun da tchod’a ngola avok Ma didina á zalam hurumu.

Sawal la giled’a 25:3

Suma a tin huruzi kangâ pet a mba mbut zulona d’i; suma a mba mbut zulonina ni suma a le suma tchod’a bei zlat ba na.

Sawal la giled’a 73:27

Gola! Suma a wal lei dei ki sed’engâ a mba ba woyo, suma a arang ngei suma a nga tit d’ingêr avorong nguo na, ang mba b’lagazi woyo.

Buzuk ka Abud’a 22:18

Mbeî agi tchagi suma djop fileina woyo.

Zla d’a d’ogolâ 2:22

Wani suma asa’atna, a mba dabazi woi yam ambasa; suma a nga d’engzeng nguo na, a mba yozi woi kat mi.

Isai 19:3

Ve tad’a hi Ezipte-nid’a mba d’i dap peyo. An mba ni pleyêzi d’al mazina woyo, a mba djop alo ma ka zlad’a ki suma a djop ki suma azuleinina ki suma mbuta ki suma a nga de zlad’a yam vama nga mi mbana mi.

Isai 8:19

Suma hiuna a nga dala: Agi tchenegi suma a nga djop ki suma azuleinina ki suma a nga de zlad’a yam vama nga mi mbana suma a nga kud’us tazi d’oze a de zlad’a kä kuruzi krovona. A de kua ala: Suma a ndak á djop alo mazina d’oze á djop suma azuleina yam suma a nga ki irazina d’uo zu? Le a dagi hina ni,

Sunda hi suma hi Levi-nid’a 19:31

Ar agi mbud’ugi iragi ata suma a nga djop ki muzuk ma tchonina d’oze suma a nga djop yam ahle suma a mba le avina d’i. Ar agi halazi tala agi mbud’ugi tagi ndjendjed’a ki sed’eziya d’a d’i, kayam an ni Ma didina Alo magina.

Sunda hi suma hi Levi-nid’a 20:6

Le sana mi i avun suma a nga djop ki suma azuleinina d’oze suma a nga de zlad’a yam ahle suma a nga mbana á mbut tam ndjendjed’a ki sed’eziya ni, an mba ni mbut iran ata sa máma, an mba ni pad’am mbei aduk sum mama.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.

1 Samuel 15:2

Wana ni zla d’a ded’a hi Ma didin ma ad’engêm kal petnid’a: Mi dala: An djib’er yam vama suma Amale’â a lum ki Israel-lâ kid’a a d’el lovota avorozi ata yima azi buzugï woi kur Ezipte-d’ina.

1 Samuel 15:23

So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.

1 Samuel 28:6

Saul mi djop Ma didina. Ma didina mi hulongôm nga humba kur adïd’a d’oze ki Urima d’oze avun suma djok vuna d’i.