1 Samuel 6:9 - Bible azumeina

⁹ Agi gologiziya! Le amuzleina a hle wa lovot ta i yam ambas sa Israel-la abo ma Bet-Semes-sâ ni, d’obot nala nAlona hi Israel-lâ ba, mi mbei ndak ndata keya. Le a hle lovot ta dinga ni, ei mba wei ala ni mamba nga mi djobei vunei ki ndak ndata d’i, wani ndak ndata ti mba kei ni vat hawa.

1 Samuel 6:9 ပူးပေါင်းရင်းမြစ်များ

2 Samuel 1:6

Gor azong máma mi hulong dum ala: An fe Saul nga yam ahina d’a Gilbowa-d’a, mi ge nga tam avun asap mamba. Gol wani, pus ma dur ayîna teteng ki suma djang akulumeina a ar go a tewemu.

1 Amuleina 4:9

Bendeka ni ma yam azì ma Makas-sâ ki ma Sälbim-ma ki ma Bet-Semes-sâ ki ma Elon-na ki ma Bet-Hanan-na mi na;

2 Sunda Hamuleinid’a 25:21

Ata yi máma Jowas amul ma Israel-lâ mi i á dur ayîna ki Amasiya amul ma Juda-na avo Bet-Semes sa kur ambas sa Juda-d’id’a.

Buzuk ka Abud’a 8:15

Ata yi máma suma kumana a de mi Faron ala: Vama le wana nad’enga hAlonid’a! Wani Faron mi b’al hurum kiki, mi hum nga Moise azi ki Aron d’igi Ma didina mi dazi adjeu na d’i.

Ma tchi wala 9:11

An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Wana ni Zla d’a Djivi d’a Luc mi b’irita 10:31

Ma ngat buzuna, mi hleï lovot ndata. Kid’a mi wumba, mi d’es seyo, mi kala.

Josue 15:10

Ti yoï hagad’a Bäla abo ma fladegena yam ahina d’a Seir-ra, ti kal gen ahina d’a agud’a kata abo ma norâ, nala, Kesalon, ti sulugot kä Bet-Semes, ti hleï Timna.

Josue 21:16

kazì ma Ayin-na ki yima huyogoma, kazì ma Juta-na ki yima huyogoma zlapa kazì ma Bet-Semes-sâ ki yima huyogoma mi. Azì ma nglo ma zlengâ máma ni handjaf ma mbàna, nala, Juda ki Simeon.

1 Samuel 6:10

Filistê-na a lahle suma azi dazi kazina, a yo amuzlei suma arop suma grozina a nga tchapona ad’uzina mbà, a gazi pusâ ad’uziya, a tchuk grozina avo.

1 Samuel 6:12

Amuzleina a hle lovot ta Bet-Semes-sa d’ingêr. Azi nga i kur lovot ndata ki tchina, a nga i abo mandjuf fuo mi na, abo ma gula d’uo mi. Amulei suma Filistê-na a i bugol pusâ gak a mbaza ir haga d’a Bet-Semes-sa.

1 Samuel 6:3

Azi hulong dazi ala: Le agi min hulongôgi zandu’â hAlona hi Israel-lîna ni, agi hulongôm hawa d’i. Wani agi hagi he d’a hawad’a yam zla d’a vagid’a mAlona hi Israel-lîna. Wani tagi mba d’i tchuk simetna. Ata yi máma agi mba wagi ala doli Alona nga mi aragi bei ngopa d’uo ni na.