1 Samuel 25:28 - Bible azumeina

²⁸ An nga ni tchenengû, ang vat hurung ngei yam tchod’a hi an wei mangid’a. Kayam an we tetet ala Ma didina mba mi he lovota mi sum mangâ á te leud’a teteu, kayam ang nga kur ayîna hi Ma didinina. Kur kak mang nga yam andagad’id’a, a mba fe vama tcho atang ngi.

1 Samuel 25:28 ပူးပေါင်းရင်းမြစ်များ

2 Samuel 5:2

Avok ka Saul nga tamula kami tua d’a, ni ang ba, i ki Israel-lâ á durâ, ang hulong ki sed’ezi mi. Ma didina mi dang ala: Ni ang ba, mba pol man suma Israel-lâ, ang mba kak amulâ hi Israel-lîna mi.

2 Samuel 7:11

Kur atchogoi d’a an tin suma nglo suma avok man suma Israel-lîd’a, an hazi tuk tad’a, an pad’azi woi abo mazi suma djangûna. Ki tchetchemba, an Ma didina nga ni dangû: An mba ni hang andjafâ.

2 Samuel 7:16

Sama ad’u andjavangâ mba mi tamula blagang gak didin; amul manga mba d’i giget ti gak didin.

2 Samuel 7:27

Kayam ni ang tang Ma didin ma ad’engên kal petna, Alona hi Israel-lîna ba, ang nde zla ndata woi mi an azong mangâ ala: An mba ni hang andjafâ. Ni kayam ndata ba, an azong mangâ ni fad’enga á tcheneng wana.

1 Amuleina 15:3

Abiyam mi le tchod’a d’igi abum na, mi le nga yam Ma didina Alo mama ki hurum tu d’igi abum ngolo David na d’i.

1 Amuleina 15:5

ma mi le Ma didina tam djivid’a bei mi tchila vun ma hed’a ba na, wani ni zlad’a hi Uri ma Het-nid’a hol.

1 Amuleina 9:5

an mba ni kagang yam zlam mang nga amula ngingring yam Israel-lâ burâ ki burâ d’igi an de mabung David na ala: Ad’u andjavang ang mba ba bei fe sama mba mi vrak blangâng á kak yam zlamba hi Israel-lîd’a d’i gak didin.

1 Sunda Hamuleinid’a 17:10

Kur atchogoi d’a an tin suma nglo suma avok man suma Israel-lîd’a, an hulong mang suma djangûna yazi kä ad’ungû. Ki tchetchemba, an Ma didina nga ni dangû: An mba ni mbud’ung andjavang andjaf ma amula.

1 Sunda Hamuleinid’a 17:25

Ni kayam ndata ba, ni ang tang Alo mana ba, ang nde zla ndata woi mi an azong mangâ ala: An mba ni mbud’ung andjavang andjaf ma amula, ni hina ba, an azong mangâ ni fad’enga á tcheneng wana.

2 Sunda Hamuleinid’a 20:15

Mi de ki delem akulo ala: Agi suma Juda-na, agi suma Jerusalem-ma ki ang tang amulâ Josafat, agi humugiya! Ma didina mi dala: Agi lagi mandar ri, ar vun adigagi pat abo azigar suma mimiyâk ndazina d’i! Ni agi ba, mba durugi d’i, wani ni an Alo magina ba, mba ni dur ayîna kagiya.

Sawal la giled’a 7:3

Le d’uo ni, azi mba kizagan ndei d’igi azlona nga mi kizak sama mi vum ma sama sud’um mbei abom nga d’uo na na.

Sawal la giled’a 89:29

An mba ni tagam o manda burâ ki burâ; vun ma djin ma an djinim ki sed’ema mba mi ka’î hina ngingring.

Ndumba 23:21

Mi we nga tchod’a ata andjafâ hi Jakob-ma d’i. Mi we nga bei d’ingêra ata Israel-lâ d’uo mi. Ma didina Alo mazina mi nga ki sed’eziya. A nga hum del la subur amulâ nadigaziya.

Matiye 5:16

Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Wana ni Zla d’a Djivi d’a Luc mi b’irita 23:41

Sariya meid’a ni d’ingêr, kayam ei fei ni wuraka yam sun mei d’a led’a, wani sama wana mi le nga tcho d’i.

Wana ni Zla d’a Djivi d’a Luc mi b’irita 23:47

Ata yima ma ngol ma azigarâ abom kis ma Romê-na mi wahle suma a lenina, mi gile Alona mi dala: Gagazi, sa máma ni sama d’ingêrâ.

1 Samuel 15:28

Ata yi máma Samuel mi dum ala: Ma didina mi haû wa ini leu manga woi aduk Israel-lâ, mi hat wa mi sama djivi ma kalang angâ.

1 Samuel 17:47

Ablau suma tok pet wana a mba wala Ma didina nga mi min ni mbigeu d’a fiyaka ki djamba á kus ayîna d’i; mam tamba ni ma kus ayîna, mba mi hagi ini abomiya.

1 Samuel 18:17

Saul mi de mi David ala: Goron nda ngola Merap wana, an mba ni hangzi atchad’a; ang durun ayîna kad’engêngû, ang dur ayîna hi Ma didinina. Mi djib’er kurum ala: Ar an tchumî an ndi, wani Filistê-na a tchumî aziya.

1 Samuel 2:35

Bugola, an mba ni tin ma ngat buzu ma d’engzeng ma mba mi lahlena kur min mandina. An mba ni hum grona á kak suma ngat buzuna burâ ki burâ avok amul ma an manama.

1 Samuel 22:14

Ahimelek mi hulong de mamulâ ala: Ni nge ba, aduk azungeî mangâ pet, ni ma d’engzengâ d’igi akunongâ David na ge? Ni ma ge yam kä ad’u gat manga, a nga hum ngola avo hatangâ mi.

1 Samuel 24:11

Ki tchetchemba, ang we ki irang ala Ma didina mi hang ini abon kur zul ahinad’a. A dan ala an tchangû, wani an arangû, an dazi ala: An min tin abon ata salana d’i, kayam mam mi ma Ma didina mi tinim amulina.

1 Samuel 24:17

Ata yima David vunam dap zla d’a ded’a mi Saul dapma, Saul mi dala: Gorona David, gagazi ni deleng zu? Saul mi nde tchina ki delem akulo.

1 Samuel 24:21

Gola! Ki tchetchemba, an we woi tetet ala ang mba tamula; leu d’a Israel-la mba d’i arî abongû.

1 Samuel 24:4

Mi mbaza avun kangâna hi tumiyôna ma nga go avun lovotina. Zul ahinad’a nga kua, mi kal kua á ö bageid’a. Wani David ki sum mama a nga kaka sä azud’u.

1 Samuel 25:24

Ti ge tat kä asemu, ti dum ala: Salana, tchod’a ni manda. Ang aran an wei manga ni dang zlad’a, ang hum zlad’a hi an wei mangid’a.

1 Samuel 29:3

Azigar suma nglo suma Filistê-na a djop ala: Hebre suma wana a mba ka hî ná le me ge? Akis mi hulong dazi ala: Ni David azongâ hi Saul amulâ hi Israel-lîna. Mi nga ki sed’en ni dedei burâ ablaud’a ki bizad’a mi. Dedei d’a mam mbad’a, an fe nga vama tcho atam mbi.

1 Samuel 30:26

Kid’a mi mbaza avo Siklak-ka, mi sun ahle suma mam prud’uzïna he d’a hawad’a mi suma nglo suma Juda-na, mi buniyôma, mi dazi ala: Wana ni he d’a hawad’a hahle suma an prud’uzï abo suma djangûna hi Ma didinina!