1 Korente-na 9:1 - Bible azumeina

¹ An ni gor vuta d’uo zu? An ni ma a sunuma d’uo zu? An we Jesus Saleina d’uo zu? Agi ni sun man nda led’a yam Salad’id’a d’uo zu?

1 Korente-na 9:1 ပူးပေါင်းရင်းမြစ်များ

Sunda hi suma a sunuzinid’a 13:2

Kid’a azi nga le sunda mi Salad’a a nga d’el tazi bei te tenid’a, ata yi máma, Muzuk ma bei tchod’a ba na mi dazi ala: Agi tinin Barnabas azi ki Saul irazi vazi á ndak vun sun nda an yazi kata.

Sunda hi suma a sunuzinid’a 14:14

Wani ata yima suma a sunuzina Barnabas azi ki Paul a hum hina na, a haû baru mazina woyo, a ring a kal aduk ablau suma,

Sunda hi suma a sunuzinid’a 14:4

Wani ablau suma kur azì ma ngol mámina a wal kä mbà, suma hiuna ad’u Juif-fâ, suma hiuna ad’u suma a sunuzina mi.

Sunda hi suma a sunuzinid’a 23:11

Kur andjege ndata, Salad’a mi nde tam mbei ir Paul, mi dum ala: Ang ve tangû, kayam d’igi ang le glangâs mana ka hî avo Jerusalem na, mbeî ang mba le glangâsâ avo Rom mi.

Sunda hi suma a sunuzinid’a 9:15

Wani Salad’a mi dum ala: Ang iya, kayam sa máma ni sama an manam á tagan simiyên ndei avok andjaf suma dingâ kamulei mazina ki Israel-lâ mi na.

Sunda hi suma a sunuzinid’a 9:17

Ata yi máma, Ananiyas mi iya. Mi kal avo, mi tin abom kamu, mi dum ala: Wiyena Saul, Salad’a Jesus ma nde tam mbei irang kur lovot ta ang mba ki d’ina, mi sununï ni mamu, kayam irang mal leyo, ang oî ki Muzuk ma bei tchod’a ba na mi.

Sunda hi suma a sunuzinid’a 9:3

Kid’a mi nga kur tita tua d’a, mi mba go ki Damas. Atogo hina zak, b’od’a ti tcholï akulo, ti wile nguyumu.

Sunda hi suma a sunuzinid’a 9:5

Mi djobom ala: Salana, angî nge ge? Mam hulong dum ala: Ni an Jesus ma ang nga djobon vunana.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

Romê-na 11:13

Ki tchetchemba, an nga ni dagi agi andjaf suma dingâ ala: An ni ma a sunun yam andjaf suma dingîna. Kayam ndata, an le furîd’a á tak sun manda woi abua.

1 Korente-na 1:1

Ni an Paul ma Alona mi yan kur min mamba mi mbud’un ma a sunuma hi Jesus Christ-sâ, zlapa ki wiyeina Sosten.

1 Korente-na 10:29

An nga ni de ni yam djib’er ra kurugi krovod’a d’i, wani ni yam djib’era hi sama dingîd’a. Sana tu adigagi mba mi djobon ala: Ni kayam me ba, djib’era hi sama dingîd’a ti ka sariyad’a kan an ma zla nga kan nduo na ge?

1 Korente-na 10:30

Le an le mersi mAlona yam vama an nga ni tuma ni, ni kayam me ba, a lazan yam te ma an le mersi mAlona kama ge?

1 Korente-na 11:16

Wani le sa min á tchi tuguyod’a yam zla ndata ni, ar mi wala ami d’oze Toka hAlonid’a ti nga ki zla d’a ding yam hat ndata d’i.

1 Korente-na 3:6

An ni ma ped’a, Apolos ni ma vo mbina kama, wani Alona ni ma wuluma.

1 Korente-na 9:19

An nga ni magom hi sa d’i, wani an mbut magoma hi sumina pet, kayam an fe suma ablaud’a ngola.

2 Korente-na 10:7

Agi nga gologi ahle suma a nga abu pid’ak iragina. Le sama djib’er ala mam mi sana hi Christ-sâ ni, ar mi djib’er hina ala ami tami ni suma hi Christ-sâ d’igi mam na mi.

2 Korente-na 11:5

An wala suma agi nga golozi ala ni suma a sunuzi suma nglona na a kalan nga ki va tu d’i.

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

Galat-na 1:1

Ni an Paul. An ni ma a sunuma hi sumina d’i, d’oze hi sa d’uo mi, wani ni hi Jesus Christ kAbui Alona ma mi tcholom akulo aduk suma matna karid’ina.

Galat-na 5:1

Christ mi pad’ei woi kur magomba da’. Kayam ndata, ar agi kagagi ngingring kur pat ndata. Ar agi hulongôgi kur magomba d’uo d’a.

1 Tasaloni’â 2:6

Ami nga halami subura hi suma atagi d’oze magid’a d’oze hi suma ding nguo mi. Ami ni suma a sunumina hi Christ-sâ, ami ndak á vami ahlena abogiya.

1 Timote 2:7

Kayam ndata, mi yan á tchi wala, mi tinin ma a sunuma á hat andjaf suma dingâ kur he gagazid’a, kur zla d’a irata mi. An nga ni de ni zla d’a gagazi d’a bei ka zlad’a ba d’a.

2 Timote 1:11

Alona mi tinin á tchi wal Zla d’a Djivi ndata, mi mbud’un ma a sunuma á hat suma mi.