1 Korente-na 8:7 - Bible azumeina

⁷ Wani suma pet a we nga ad’u gagazi ndata d’i. Suma dingâ a hat ki fileina, le a te te ma hina na ni, a djib’er ala ni te ma a ngad’am buzuna mi fileinina gagazi. Kayam djib’er ra kuruzid’a namangeîd’a, azi mbut ndjendjed’a yam te ma hina na.

1 Korente-na 8:7 ပူးပေါင်းရင်းမြစ်များ

Sunda hi suma a sunuzinid’a 15:20

Wani ei b’irizi mbaktumba ala azi tahle suma a ngad’azi á tuwal fileinina d’i, a le mizeuna d’i, a te vama guluta d’oze buzuna d’uo mi.

Romê-na 14:14

Kayam an nga zlapa tu ki Salad’a Jesus, an wala vama ndjendje ma yam tama nga d’i. Wani vama ndjendjed’a ir sanina, mi ni ndjendjed’a iram mam hol.

Romê-na 15:14

B’oziyona, an tanda ni we woi tetet ala agi ni suma djivina, agi wagi ad’u ahlena pet, agi ndak á had’agi tagi mi.

1 Korente-na 10:25

Ar agi tagi hliuna pet ma a nga guzum mbei ad’u su’îna bei djib’eregi kam kurugi krovo ba.

1 Korente-na 8:1

Agi djobon yam ahle suma a ngad’azi buzuna mi fileinina. Ei pet wei ala: Ei nga ki wed’a. Wani wed’a nga d’i mbut sana yamba ad’enga, wani od’a nga d’i wuli nakulo kur he gagazid’a.

1 Korente-na 8:4

Hina, yam ted’a hahle suma a ngad’azi buzuna mi fileinina, ei wei ala: Fileina ni vama gagazi kur duniyad’a ka hî d’i, wani Alona ni tu go.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.