Salomon tamba mi le yam Ma didina, mi nga tit yam vun ma he ma abum David mi humzina. Wani mi hahle suma ngat buzuna mAlona ki dubang ma his djivid’ina nata yima teteng ma akulo ndingâ.
Moise mi de mi Ma didina ala: Gola! Ni ang ba, dan ala: Ang buzuk sum ndazina woyo, wani ang tagan nga sama ang mba sunum ki sed’ena d’i. Wani ang dan ala: An wang ki simiyêngû, an wang hohowongû mi.
An wangî avok ka bei an kolong kur asung ba d’a; avok ka bei ang ndeï woi kur asung ba d’a, an tining irang vangû, an tining man ma djok vuna mandjaf suma.
An ni Ma pol tumiyô ma djivina. D’igi Abun mi wan an wAbun mi na, an we tumiyô mana, tumiyô mana a wan mi. Kayam ndata, an nga ni he tan ndei á matna yam tumiyô mana.
Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.
Alona mi noî nga mam suma mi wazi avok deina woi d’i. Kayam agi wagi zla d’a mbaktumba hAlonid’a ti dat yam Elie ata yima mi kal yam Israel-lâ avok Alona ala:
Ki tchetchemba, ei nga wei woi tetet ti, d’igi sana nga mi gol tam kur kotroma na. Wani ata yi máma ei mba wei tei ira ki ira. Wani ki tchetchemba, an we nga tetet ti, wani ata yi máma an mba ni we woi tetet d’igi Alona nga mi wan tetet na mi.
Wani d’igi mbaktumba hAlonid’a ti de na ala: Vama sana mi wum nga d’uo mi humum nga d’uo mi na, vama sana mi djib’erem nga d’uo mi na, ni vama Alona mi minim yam suma a nga le kamina.
Wani ki tchetchemba, agi wagi wa Alona, kal pet Alona mi wagi mi. Ni nana ba, agi dok hulongôgi ata hat ta adjeu d’a amangeî d’a hohoud’a d’ei ge? Agi min mbud’ugi magumei mazina d’ei zu?
Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.
Sama ve tam ad’enga kur kukina, mi le furîd’a ata yima mi ve tam ad’enga kur kuk mambina, mba mi fe avaval la bei b’lak ka Salad’a mi hle vunam kat mi suma a nga le kamid’a.
B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.
Mam ma agi wagizi nga d’uo na pî ba, agi nga lagi kamu. Mam ma agi wagizi nga ki iragi ki tchetchemba d’uo pî ba, agi hagi gagazid’a kam mi. Kayam ndata, agi nga lagi furî d’a kal tegles sa ngol la sana mi ndak á dat ki vunam mbuo d’a,
An we yi mang ma kaka, ni yima zlamba hi Seitan-nid’a ti nga tinda kuana. An we ang nga ve tang ad’enga kanu, ang tin nga vunang yam he gagazi d’a ang hat kan kur bur ma a tchi Antipas man ma glangâs ma d’engzengâ adigagi ata yima Seitan mi nga kaka kuana d’i.
An wang ndak manga ki hou manga, wani angî sama ndjondjoîna. An we zla d’a tcho d’a suma a yi tazi ala azi ni Juif-fâ na a nga dat kanga, wani azi ni Juif-fâ d’i, azi ni toka hi Seitan-nda.
