1 Korente-na 7:5 - Bible azumeina

⁵ Agi d’elegi tagi d’i, agi minigi tagi ndjö, ar agi ndjagagi vunagi á tchen Alona tua ba, agi hulong zlabagiya. Hina wani, Seitan mba mi fe lovota á kugugi d’i, kayam agi nga kad’enga á d’el hliu tagi d’i.

1 Korente-na 7:5 ပူးပေါင်းရင်းမြစ်များ

Buzuk ka Abud’a 19:15

Mi dazi ala: Agi minigi tagi gak burâ hindi, ar agi zlabagi kamiyôgina d’uo mi.

Buzuk ka Abud’a 21:10

Le mi vatcha d’a ding kad’u ni, ar mi ka va mat tei d’i, nala, tena, d’oze baruna, d’oze bur ma ki sed’et á atchad’ina.

Joel 2:16

Agi togogi suma á togogi tok ka a tinit irat vata, agi togogi suma nglona ki kemba ki gugurei suma tchapona mi. Ar sama tel atchad’a awilina kamam mba mi teleta a buzuk kei kur gong mazi d’a burâ.

Zakari 7:3

á djop suma ngat buzuna ki suma djok vuna ala: Na ni ami tchimi d’elemi tami bei te tena kur til ma vahlâ baba d’igi ami nga lami avok dei hina zu?

Matiye 17:21

Wani andjaf muzuk ma hina na, ang tchen nAlona ki d’el tad’a bei te tena tua ba, ang digim mbeyo.]

Matiye 19:11

Wani Jesus mi dazi ala: Suma pet a ndak nga á ve zla ndata d’i, wani ni suma Alona mi hazi ad’engina hol.

Matiye 4:10

Jesus mi hulong dum ala: Seitan, ang huttcha woi dei, kayam a b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

1 Korente-na 7:4

Kayam atchad’a nga kad’enga yam hliu tat ti; hliwit ni hi ndjuvutna. Mandjufâ nga kad’enga yam hliu tam mbuo mi; hliwimî hamambina mi.

1 Tasaloni’â 3:5

Wani ata yima an ndak á ve tan nduo na, an sunugi sä Timote atogo zak á wäd’u he gagazi magid’a. An le mandarâ ala dam ma lopma Seitan mi lobogi wa. Hina, sun mamid’a ami lat adigagid’a pet mba d’i mbut ni vama hawa na.