1 Korente-na 7:2 - Bible azumeina

² Wani yam zla d’a mizeuna, djivid’a sama lara pî mi vatchad’a, atcha d’a lara pî ti ve ndjufâ mi.

1 Korente-na 7:2 ပူးပေါင်းရင်းမြစ်များ

Zla d’a d’ogolâ 18:22

Sama mi fe atchad’ina, mi fe ni vama djivina, ni he d’a hawa d’a Ma didina mi humzid’a mi.

Zla d’a d’ogolâ 19:14

Azina ki ndjondjoîd’a ni djo ma abuyod’a a nga hum mi grod’ina, wani atcha d’a wad’ud’a ni he d’a hawad’a hi Ma didinid’a.

Malatchi 2:14

Agi nga dagi ala: Ni kayam me hina ge? Ni kayamba Ma didina ni ma glangâsâ adigang kamang nga azong nga ndjun nda ang djin vunang ki sed’et ta ang wal lei ki sed’eta.

Matiye 5:32

Wani an nga ni dagiya, sama dik amambina, le nga ni yam mizeuna d’uo ni, ni mam ba, mi tinit á le mizeuna. Sama vatcha d’a digit teid’ina, mi le ni mizeuna mi.

1 Korente-na 6:18

Ar agi walagi woi ki mizeuna. Tcho d’a pet ta sana nga mi lata, tin ni woi abu atam pid’agï, wani sama nga mi le mizeunina mi le ni tam tchod’a.

1 Korente-na 7:1

Ki tchetchemba, an nga ni dagi yam zla d’a agi b’irindji kur mbaktumbid’a. Wani nga djivid’a á sana mi vatchad’a d’i.

1 Korente-na 7:3

Ar mandjufâ mi bur kamamba yam min mata, ar atchad’a ti bur ki ndjuvut ata min mamba mi.

1 Korente-na 7:9

Wani le agi ndak á vagi tagi d’uo ni, ar agi vigigi tagiya. Djivid’a agi vigigi tagi á d’el djib’er ra tchod’a.

Efes-sâ 5:28

Hina mi, mbeî andjuveina a le yam amiyôzina d’igi ni hliu tazi na. Sama nga mi le yam amambina, mi le ni yam mam tamba.

Efes-sâ 5:33

Wani zla ndata ni kagi mi. Ar nge nge pî mi le yam amamba d’igi mam tambina. Ar atcha d’a lara ge pî ti he ngola mi ndjuvut mi.

1 Tasaloni’â 4:4

ar nge nge pî adigagi mi we lovota á vamamba ata lovot ta d’ingêra ki hud’a mi,

1 Timote 4:3

Sum ndazina a nga hat suma ala nga djivid’a sa mi vatcha d’i, mi te te ma tetengâ d’uo mi. Wani Alona mi le te máma kayam suma a he gagazid’ina ki suma a we gagazid’ina a le mersi kamu, a tumu.

Suma ka sariyad’a 21:22

Le abuyozi d’oze b’oziyozina a mba a tchi tazi gevemiya ni, ami mba dazi ala: Ami nga tchenegiya, ar agi humumi yam zlad’a hi suma hi Benjamin-nid’a, kayam ata yima ami durumi suma Jabes-sina, ami fami nga lovota á hazi aropma tutu pet tuo d’igi ni agi ba, hazi grogi suma aropma d’uo na. Sa mi ndak á tchugugi zlad’a kagi ala agi tchilagi ni yam gun ta d’a agi gunugi tagi d’a d’i.