1 Korente-na 6:15 - Bible azumeina

¹⁵ Agi wagi ala hliu tagi ni ir hliu tad’a hi Christ-sa. An ndak á hle ir hliu tad’a hi Christ á mbud’ut ir hliu tad’a hatcha d’a gaulangâ zu? Nga na d’i!

1 Korente-na 6:15 ပူးပေါင်းရင်းမြစ်များ

Ad’u Tinda 44:17

Josef mi dazi ala: Hawa yak! An ndak á le hina d’i! Sama an fe kopma aboma, ni mam ba, mi ar magom mana; wani agi suma dingâ igi gen abugi hawa.

Wana ni Zla d’a Djivi d’a Luc mi b’irita 20:16

Mi mba mi ba suma sun ndazina woyo, mba mi he asine máma woi mi suma dingâ. Kid’a suma a hum zla ndatid’a, a dala: Ar ahle ndazina mba d’i.

Romê-na 12:5

Ei ni hina mi. Le ei nablaud’a pî, ei ni hliu ma tuna zlapa tu ki Christ. Ei pet zlabei ata tei tu d’igi ir hliuna teteng kur hliu ma tuna na mi.

Romê-na 3:31

Na ni he gagazi meid’a ti mbut gata vama hawana zu? Nga na d’i! Wani he gagazid’a ti hei nad’enga á sira gata memet.

Romê-na 3:6

Nga na d’i! Le Alona ni ma bei d’ingêrâ ni, ni nana ba, mba mi ka sariyad’a yam suma duniyad’a ge?

Romê-na 6:15

Ni nana ge? Ei mba lei tchod’a kayambala ei nga ad’u gata d’i, wani ei nad’u sumad’a hAlonid’a d’a zu? Nga na d’i!

Romê-na 6:2

Nga na d’i! Ei suma boi woi ata tchod’ina, ei dok i avogovok kur tchod’a d’ei zu?

Romê-na 7:13

Na ni vama djivina mi mbut vama tchana zu? Nga na d’i! Wani ni tchod’a ba, ti tchan ndeyo. Wani ata yima tchod’a ti le sunda yam vun ma hed’a hi gatina, ti tak kei ala tcho d’a tata ni vama tchona. Hina, yam vun ma hed’a ba, tchod’a ti mbut tcho d’a ngol la kala.

Romê-na 7:7

Kayam ndata, ei mba dei nana ge? Gata ni tchod’a zu? Nga na d’i! Wani gata ti tagan tcho manda. Ladjï gata ti dala: Ang le d’od’oka d’i d’uo ni, an ndak á we d’od’oka d’i.

1 Korente-na 11:3

Wani an min ala agi wagi ala Christ ni yam andjofâ pet, mandjufâ ni yam amamba, Alona ni yam Christ mi.

1 Korente-na 12:27

Agi pet ni hliu tad’a hi Christ-sa, nge nge pî ni ir hliu ta ndata.

1 Korente-na 6:13

Agi nga dagi ala: Tena ni yam haid’a, haid’a ni yam tena mi. Gagazi, wani Alona mba b’lagazi woi djak. Hliu tad’a nga ni yam mizeuna d’i, wani ni yam Salad’a. Salad’a ni yam hliu tad’a mi.

1 Korente-na 6:17

Wani sama zlap tu ki Salad’ina mi mbut ni muzuk ma tuna ki mamu.

1 Korente-na 6:19

Agi wagi nga d’ala hliu tagi ni gong nga kud’ora hAlona d’a Muzuk mam ma bei tchod’a ba ma mi hagizi nga kurugina d’uo zu? Agi nga ni yam tagi d’i.

1 Korente-na 6:3

Agi wagi nga d’ala ei mba kei sariyad’a yam malaikana d’uo zu? Na ni ei ndagei á ka sariyad’a duniya d’a wanda d’uo zu?

Galat-na 2:17

Wani ata yima ami nga halami lovota á mbut d’ingêr zlapa tu ki Christ-sâ, le a fami suma tchona d’igi andjaf suma dingâ na ni, na ni Christ mi mbut ma sunda hi tchod’ina zu? Nga na d’i!

Galat-na 3:21

Na ni gata nga d’i kak djangûna ki vun ma hled’a hAlonina zu? Nga na d’i! Le gat ta Alona mi hat adjeud’a ndak á he arid’a mi suma ni, sana mi ndak á mbut d’ingêr avok Alona yam ngom mba mi ngom gata mi.

Galat-na 6:14

Wani an nga ni subur tan yam vama ding ngi. An subur tan ni yam agu ma b’ala hi Salad’a Jesus Christ-sâ hol. Ni kayam agu mam ma b’ala ba, an mit tei ata duniyad’a, duniyad’a ti mit tei atan mi.

Efes-sâ 4:12

Mi le na á mbut suma hAlonina memet á le sunda, á wul hliu tad’a hi Christ-sa akulo kur he gagazid’a,

Efes-sâ 5:23

Kayam mandjufâ ni yam atchad’a d’igi Christ ni yam Toka na mi. Christ tamba ni Ma sut Tok kala ni hliwimu d’a.

Efes-sâ 5:30

kayam ei ni ir hliu tamu.

Kolos-sâ 2:19

kayam mi ve nga Christ ma ala ni yamba na d’i. Ni kayam Christ ba, hliu ta ndata pet nga d’i fe tena, nga d’i djin zlapa tu ata ir ra lara ge pet ata sidei mama, nga d’i wul akulo d’igi Alona mi min na mi.