1 Korente-na 5:13 - Bible azumeina

¹³ Wani ni zla magid’a á ka sariyad’a yam suma Toka d’igi mbaktumba hAlonid’a ti de na ala: Ar agi digigi sama tchona woi adigagiya.

1 Korente-na 5:13 ပူးပေါင်းရင်းမြစ်များ

Sawal la giled’a 50:6

Ar akulod’a ti tak d’ingêr mamba woyo, kayam mam mi ma ka sariyad’a. Tchol ndjö

Ma tchi wala 9:18

Ned’a ti kal ahle suma sï suma dur ayîna. Wani sama le tcho ma tuna, nga mi b’lak ahle suma djivina woi ablaud’a.

Matiye 18:17

Le mi humuzi nga d’uo ni, ang de zla ndata woi mi Toka. Le mi hum nga Toka d’uo mi ni, ang golomî d’igi sama angeina d’oze sama tar lombod’a na.

Sunda hi suma a sunuzinid’a 17:31

Mi de na kayam mi nga wa bur ma mam mba mi ka sariya d’a d’ingêra yam suma kur duniyad’ina ki sama mam tinima. Kid’a mi tchol sa máma akulo aduk suma matnid’a, mi le glangâsâ woi kam avok suma pet ala mam mba mi le na.

Romê-na 2:16

Ni hina ba, bur tu Alona mba mi ka sariyad’a yam ahlena pet suma a nga ngeid’a kur sumina kayam Jesus Christ yam Zla man nda Djivi d’a an nga ni tchat walata.

1 Korente-na 5:1

Ami humumi ata yina pet ala mizeuna nga adigagiya. Aduk andjaf suma dingâ pî, andjaf mizeu ma hina na nga adigazi d’i. A nga dala sama dingâ adigagi mi vatchad’a habumba.

1 Korente-na 5:2

Agi nga suburugi ni tagi zango zu? Wani agi nga had’agi hurugi á digigi sama le sunda hina d’a woi adigagi d’uo zu?

1 Korente-na 5:5

agi hagi sama hina na abo Seitan kayam mi b’lagam hliwimu. Hina wani, muzugam mba mi fe suta kur burâ hi Salad’a Jesus-d’a.

1 Korente-na 5:7

Ar agi pad’agi anguf fa adjeud’a woyo, kayam agi mbud’ugi yed’et d’igi afut ta awili d’a bei angufid’a na. Kayam vun til mei ma Pa’â mi tin ad’ud’a nata yima a ngat Christ d’igi Gor timi mei ma Pa’â na na.

Gat ta a hat á mbàd’id’a 13:5

Ma djok vun máma d’oze ma vana nde tam mbei iram máma, agi tchum mbeyo, kayam mi de ni zla d’a kak djangûna ki Ma didina Alo magi ma buzugugï woi kur ambas sa Ezipte-d’a ma mi tchugugi akulo woi kur azì ma a lagi magomba kuana. Sa máma mi min d’ezegi ni woi kur lovot ta Ma didina Alo magina mi hagi vuna kat á tid’igi kuad’a. Hina wani, agi mba d’elegi tcho d’a led’a adigagiya.

Gat ta a hat á mbàd’id’a 17:12

Le sama le yam mba ad’enga, le mi hum nga zlad’a hi ma ngat buzu ma nga mi le sunda avok Ma didina ki ma ka sariyad’a d’uo ni, ar agi tchagi sa máma woyo. Hina wani, agi mba d’elegi tcho d’a led’a aduk Israel-lâ.

Gat ta a hat á mbàd’id’a 17:7

Suma glangâsâ a yo abozi akulo avok kikidji á tchumî aziya, ablau d’a peta ti yo abot ni bugolo. Hina wani, agi mba d’elegi tcho d’a led’a woi adigagiya.

Gat ta a hat á mbàd’id’a 21:21

Ata yi máma suma kur azì mam ma ngolîna pet a durum kahinad’a, a tchum mbeyo. Hina wani, agi mba d’elegi tcho d’a led’a woi adigagi kayambala Israel-lîna pet a huma, a le mandarâ d’a.

Gat ta a hat á mbàd’id’a 22:24

agi buzuguzi woi avun azina, agi duruzi kahinad’a zla tazi djak. Agi tchazi woyo, kayam gor atcha ndata ti yi nga akulo d’i, kayam ahle ndazina a le ni hur azina avo, kayam sa máma mi burî katcha d’a sama dingâ mi kata. Hina wani, agi mba d’elegi tcho d’a led’a woi adigagiya.

Hebre-na 13:4

Ar tela ti ka’î vama hud’a avok suma pet. Ar atchad’a ki ndjuvut a ka’î suma d’engzengâ aduk taziya, kayam Alona mba mi ka sariyad’a yam suma e’eûd’a ki suma mizeuna.

2 Pierre 2:9

Kayam Salad’a mi we lovota á pat suma a nga tit blogoma woi kur kuka, á ngom suma tchona gak bur ma ka sariyad’a mi.

Suma ka sariyad’a 20:13

Ki tchetchemba, agi hami suma asa’at suma a nga Gibeya-na, kayam ami tchazi woi á pat tchod’a woi aduk Israel-lâ. Wani suma hi Benjamin-na a min nga a hum b’oziyozi suma Israel-lâ d’i.