1 Korente-na 5:11 - Bible azumeina

¹¹ Wani an dagi ni yam sama yi tam ala mam mi kretiyêna na. Wani le ni ma mizeuna, d’oze ma a’arad’a, d’oze ma tuwal fileina, d’oze ma ngul suma, d’oze ma gurut ki süma, d’oze ma kula, ar agi lagi darigïd’a ki sed’em mbi, ar agi tagi va ki sed’em mbuo mi.

1 Korente-na 5:11 ပူးပေါင်းရင်းမြစ်များ

Sawal la giled’a 10:3

Sama asa’atna nga mi subur tam yam tamu, sama hal ahlena hi sumina nga mi ngulung ang Ma didina, nga mi golong is mi.

Sawal la giled’a 101:5

Sama mi ka hula yam ndromina, an mba ni bam mbeyo; suma a nga fo avilid’a mi ndrozinina, an mba ni arazi woyo.

Ezekiyel 22:12

Suma a nga ve beged’a gumun á tchi matnina a nga kurungû, suma a nga hal beged’a ki mbinina a nga kurungû, suma a nga b’at ahlena abo ndrozinina a nga kurung mi. Wani a mar rei kanu. An Salad’a Ma didina ni de na.

Matiye 18:17

Le mi humuzi nga d’uo ni, ang de zla ndata woi mi Toka. Le mi hum nga Toka d’uo mi ni, ang golomî d’igi sama angeina d’oze sama tar lombod’a na.

Matiye 23:25

Ni zla d’a hohoud’a kagi agi suma hat gata ki Fariziyê suma lop ira, kayam agi nga mbuzugi huyok kopma ki tazana woi yed’et, wani huruzi ma krovona mi ni oîd’a ki kula ki djib’er ra bei ve tad’a ba d’a.

Wana ni Zla d’a Djivi d’a Luc mi b’irita 18:11

Fariziyê máma mi tchol tchen hina yam tamba ala: Alona, an lang mersi kayam an nga d’igi suma hiu suma kula d’oze suma bei d’ingêrâ d’oze suma mizeuna na d’i, d’igi ma ve lombod’a ma wana na d’uo mi.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

Sunda hi suma a sunuzinid’a 1:15

Kur bur máma Pierre mi tchol akulo aduk b’oziyom suma a nga tokina, a ni d’igi kis yam dok mbà na, mi dazi ala:

Sunda hi suma a sunuzinid’a 9:17

Ata yi máma, Ananiyas mi iya. Mi kal avo, mi tin abom kamu, mi dum ala: Wiyena Saul, Salad’a Jesus ma nde tam mbei irang kur lovot ta ang mba ki d’ina, mi sununï ni mamu, kayam irang mal leyo, ang oî ki Muzuk ma bei tchod’a ba na mi.

Romê-na 13:13

Ar ei tid’i d’ingêr d’igi tit ta faleid’a na, bei batranga, bei guruta ki süma, bei le mizeuna, bei gaulangâ, bei yalâ, bei yungôra mi.

Romê-na 16:17

B’oziyona, an nga ni gigid’egi yam suma a nga mba ki wala suma a nga vit suma a he gagazid’ina woina. Azi ni suma hat mazid’a ndjak nga ki hat magi d’a agi vat adjeud’a d’uo na. Ar agi walagi woi dei ki sed’eziya.

1 Korente-na 10:14

Buniyôn suma an le kagi heîna, agi walagi woi dei ki filei ma tuwala.

1 Korente-na 11:21

Ata yima agi nga avun tenina, nge nge pî nga mi b’at tam á hle te mama. Kayam ndata, suma dingâ a nga ki meid’a, suma dingâ a nga gurut mi.

1 Korente-na 5:13

Wani ni zla magid’a á ka sariyad’a yam suma Toka d’igi mbaktumba hAlonid’a ti de na ala: Ar agi digigi sama tchona woi adigagiya.

1 Korente-na 6:10

suma kula, suma a’arad’a, suma gurut ki süma, suma ngul suma, suma tchiget suma ki suma hina na a ndak á kal kur leud’a hAlonid’a d’i.

1 Korente-na 6:6

Na ni djivid’a sana mi kal yam wiyema avok suma bei he gagazid’ina zu?

1 Korente-na 6:9

Agi wagi tetet ala suma a lahle suma ata yazi d’uo na a mba kal kur leud’a hAlonid’a d’uo d’uo zu? Ar agi lobogi tagi d’i. Suma mizeuna, suma tuwal fileina, suma e’eûd’a, suma a bur ki ndrozi andjofîna,

1 Korente-na 7:12

An nga ni de mi suma dingâ, wani ni Salad’a d’i. Le kretiyê ma nga katcha d’a bei he gagazid’id’a ba, le d’i min á kak ki sed’emu ni, ar mi digit tei d’i.

1 Korente-na 7:15

Wani sama bei he gagazid’a, le mi min á wal kamam mba he gagazid’id’a ni, ar mi wala, kayam zla d’a hina d’a d’el nga wiyeina ki wiyeid’a d’i, kayam Alona yagi ná kak ki b’leng nga halasa.

1 Korente-na 8:11

Ni yam we manga ba, ang b’lak wiyeng ma amangeî ma Christ mi mit kama zu?

Galat-na 2:12

Kayam avok ka suma Jacques mi sunuzina a nga bei mbad’a tua d’a, mam nga mi te tena ki b’oziyoi andjaf suma dingâ. Wani ata yima azi mbazina, mam wal tam mbei bei te tena ki sed’ezi kayam mi le ni mandara suma a min ngat andjaf suma dingâ bayâd’ina.

Efes-sâ 5:18

Ar agi gurud’ugi ki süma tala mi igi kur tit ta batranga d’a d’i. Wani agi oyôgi ni ki Muzu’â hAlonina.

Efes-sâ 5:5

Agi wagi woi tetet ala sama mizeuna, sama le sun nda ndjendjed’a, sama le d’od’oka yam beged’ina, nala ma tuwal fileina, suma hina na a mba te leud’a hi Christ-sa kAlona d’i.

Kolos-sâ 3:5

Kayam ndata, agi tchagi ahle suma kurugi suma yam andagad’a ka hina woyo, nala, mizeuna, sun nda ndjendjed’a, e’eûd’a, a’arad’a ki d’od’ok ka tuwal fileina mi.

2 Tasaloni’â 3:14

Sama ge nga yam kä ad’u zla d’a ami b’irit kur mbaktum mba wanda d’uo ni, agi gologi tagi djivi ki sed’emu. Ar agi zlabagi ki sed’em mbi, kayam zulona lumu.

2 Tasaloni’â 3:6

B’oziyomina, ami nga hagi vuna ki simiyê Saleina Jesus Christ ala ar agi walagi woi ki b’oziyoina pet suma azulom suma a nga tit bugol hat ta ami had’azizid’a d’uo na.

1 Timote 3:3

Ni ma bei gurut ki süma, ni ma bei to sana, ni ma halasâ, ni ma bei le huneîd’a, ni ma bei le yam beged’ina mi.

1 Timote 6:5

ki tuguyod’a hi suma djib’er mazid’a b’lak keina. Zla d’a gagazid’a nga kuruzi d’i, a nga djib’er ala he gagazi d’a yam zlad’a hAlonid’a ni lovot ta fe beged’a.

2 Jean 1:10

Sama mba gevegi ki hata hi Christ-sa d’uo na, ar agi vum avo hatagi d’i, agi gum depa d’uo mi.

Vama ndum mbeina 2:14

Wana ni vama an mining nguo kama: Ang nga ki suma a ve hata hi Baläm ma mi hat Balak á tchuk Israel-lâ kur tchod’a á tahle suma a tuwal ki fileinina, á le mizeuna mi.

Vama ndum mbeina 2:20

Wani vama an mining nguo kama ba wana, kayam ang ar Jezabel, atcha d’a nga d’i yi tat ala ndat ni d’a djok vun Alona d’a, ti nga d’i vit man suma sunda woyo, nga d’i had’azi á le mizeuna, á tahle suma a tuwal ki fileinina mi.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.