1 Korente-na 5:1 - Bible azumeina

¹ Ami humumi ata yina pet ala mizeuna nga adigagiya. Aduk andjaf suma dingâ pî, andjaf mizeu ma hina na nga adigazi d’i. A nga dala sama dingâ adigagi mi vatchad’a habumba.

1 Korente-na 5:1 ပူးပေါင်းရင်းမြစ်များ

Ad’u Tinda 35:22

Wani ata yima Israel mi nga kaka kur ambas ndata tua na, Ruben mi i mi bur ki Bilha amam mba gora; Israel mi hum mi. Jakob groma ni dogo yam mbà.

Ad’u Tinda 37:2

Wana ni zla d’a ded’a yam Jakob ki gromid’a: Kid’a Josef bizamî dogo yam kid’iziyad’a, nga mi pol tumiyôna ki b’oziyoma, Bilha azi ki Zilpa aropma habuma grozina. Nga mi mba ki zla mazi d’a tchod’a mabumu.

Ad’u Tinda 49:4

Angî d’igi mbiyo ma nga mi sulul huhubupma na, wani ang mba kak ma avo’â d’i, kayam ang bur kamanda, ang mbut azang man ma burâ ndjendjed’a.

2 Samuel 16:22

A ve zlub’ud’a akulo yam gong nga amula mi Apsalom. Apsalom mi kal ad’u arop suma gureina habuma ir Israel-lâ pet.

2 Samuel 20:3

David mi kal avo hatam Jerusalem, mi yo amiyôm suma gurei suma dogo suma mam arazi nga á ngom vun azinina, mi tchuguzi kur yima dingâ woi vaziya. Nga mi ngomoziya, wani nga mi tchila gevezi d’i. Mi duguzi vunazi gak mat mazina; azi arî d’igi arop suma modonod’a na gak mat mazina.

1 Sunda Hamuleinid’a 5:1

Ruben Israel gorom ma ngolâ groma ba wana: Kayam Ruben ni gor ma ngolâ, wani kid’a mi bur katchad’a habumid’a, ahle suma ngad’a kam yam ngol mambina a hazi woi mi Josef ma Israel goromina groma. Ni hina ba, a b’ir nga simiyê Ruben ngad’a yam ngol mamba d’uo ni na.

Jeremi 2:33

Gagazi, agi wagi lemba kur tit magid’a á halagi lovot ta le mizeuna, gak agi mbud’ugi suma had’agi suma lovot ta le tchod’ina.

Ezekiyel 16:47

Ndak tit nga ni kur lovot mazid’a kur sun mazi d’a ndjendjed’a hina go d’i. Kayam tcho mazid’a ni vama akid’eina iragu! Wani ndak le tchod’a ngola kalazi azi d’ö!

Ezekiyel 22:10

Suma a nga bur karopma habuyozinina a nga kurungû, suma a nga bur karopma ata yima buzuna mi fazina a nga kurung mi.

Sunda hi suma hi Levi-nid’a 18:8

Ar ang bur katchabunga d’i, kayam ang mbut nabung zulona.

Sunda hi suma hi Levi-nid’a 20:11

Le sana mi bur katchabumba ni, mi lasî abumu. Sa máma katcha ndata djak, a tchazi woyo. Buzuwazi mba mi hulong kaziya.

Amos 2:7

a nga miret yam suma kid’aka kä, a nga hum zlad’a hi suma houd’id’a ata yima ka sariyad’a d’i. Gora kabum a nga zlap yam gor atcha d’a tud’a á b’lagan simiyên ma bei tchod’a ba na woyo.

Sunda hi suma a sunuzinid’a 15:20

Wani ei b’irizi mbaktumba ala azi tahle suma a ngad’azi á tuwal fileinina d’i, a le mizeuna d’i, a te vama guluta d’oze buzuna d’uo mi.

Sunda hi suma a sunuzinid’a 15:29

Agi tagi ahle suma a ngad’azi á tuwal fileinina d’i, agi tagi buzuna d’i, agi tagi vama guluta d’i, agi gologi tagi djivi ki mizeuna. Le agi walagi tagi woi kahle ndazina hina ped’u ni, agi mba kagagi ki lafiya d’a. Ar Alona mi ndjunugiya.

1 Korente-na 1:11

Kayam b’oziyoi suma avo hi Klowe-na a dan ala huneîd’a ti nga adigagiya.

1 Korente-na 5:11

Wani an dagi ni yam sama yi tam ala mam mi kretiyêna na. Wani le ni ma mizeuna, d’oze ma a’arad’a, d’oze ma tuwal fileina, d’oze ma ngul suma, d’oze ma gurut ki süma, d’oze ma kula, ar agi lagi darigïd’a ki sed’em mbi, ar agi tagi va ki sed’em mbuo mi.

1 Korente-na 6:13

Agi nga dagi ala: Tena ni yam haid’a, haid’a ni yam tena mi. Gagazi, wani Alona mba b’lagazi woi djak. Hliu tad’a nga ni yam mizeuna d’i, wani ni yam Salad’a. Salad’a ni yam hliu tad’a mi.

1 Korente-na 6:18

Ar agi walagi woi ki mizeuna. Tcho d’a pet ta sana nga mi lata, tin ni woi abu atam pid’agï, wani sama nga mi le mizeunina mi le ni tam tchod’a.

1 Korente-na 6:9

Agi wagi tetet ala suma a lahle suma ata yazi d’uo na a mba kal kur leud’a hAlonid’a d’uo d’uo zu? Ar agi lobogi tagi d’i. Suma mizeuna, suma tuwal fileina, suma e’eûd’a, suma a bur ki ndrozi andjofîna,

2 Korente-na 12:21

An nga ni le mandarâ ala fata an hulongza adigagid’a, Alo mana mba mi hulongôn yan kä kua avorogiya, an mba ni tchi yam ablau suma a le tchod’a adjeu a ar nga tcho mazid’a ki ndjendjed’a ki mizeuna ki gaulangâ woi d’uo na mi.

2 Korente-na 2:5

Le sana mi lan vama zal hurâ ni, mi zalan ni an hurun tu d’i, wani mi zalî hur suma hiuna adigagi mi. An b’irigi ná tinigi anek ka ngola kagi d’i.

2 Korente-na 7:12

Wani an b’irigi mbaktum ndata ni yam sama mi le tchod’ina d’oze ni kayam sama mi lum tchod’ina d’uo, wani ni kayam agi wagi hat hur magina kami avok Alona.

Galat-na 5:19

Wani sunda hi sa mei ma adjeunid’a ti ni woi abu pid’agï, nala, mizeuna, ndjendjed’a, gaulangâ,

Efes-sâ 5:3

Wani agi ni suma a tinigi iragi vagina. Kayam ndata, ar mizeuna ki sun nda ndjendjed’a ki a’arad’a, ar agi yazi simiyêzi adigagi d’i.

Gat ta a hat á mbàd’id’a 22:30

Ar sa mi vatchad’a habumba á we gandilad’a habumba d’i.

Gat ta a hat á mbàd’id’a 27:20

Sama mi bur katchad’a habumbina, Ma didina mi gum vuna, kayam mi mbut nabum zulona! Ablau suma petna a hulong ded’a ala: Amin!

Kolos-sâ 3:5

Kayam ndata, agi tchagi ahle suma kurugi suma yam andagad’a ka hina woyo, nala, mizeuna, sun nda ndjendjed’a, e’eûd’a, a’arad’a ki d’od’ok ka tuwal fileina mi.

1 Tasaloni’â 4:7

Alona mi yï ná le mizeuna d’i, wani ná kagei ni suma yed’etna.

Vama ndum mbeina 2:21

An arat wa yina kayam ti mbut hurut yam tcho mata, wani ndat min mbut hurut yam mizeu matna d’i.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

1 Samuel 2:24

Grona, agi aragi zla ndata woyo. Ahle suma an nga ni humuzi kagi avun sumina nga djivi d’i. Agi ni zud’ugi suma hi Ma didinina á tchila yam gat mamba.