1 Korente-na 4:7 - Bible azumeina

⁷ Sama mbud’ung kal suma dingâ ni nge ge? Ni me ba Alona mi hangzi nga d’uo ge? Le mi hangziya ni, ni kayam me ba ang subur tang d’igi Alona mi hangzi hawa ni mam mbuo na ge?

1 Korente-na 4:7 ပူးပေါင်းရင်းမြစ်များ

Zla d’a d’ogolâ 2:6

Kayam ni Ma didina ba, nga mi he ned’a; wed’a ki zla d’a irata a buzugï navunam mi.

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Daniel 5:18

Amulâ, Alo ma kal teglesâ mi tin abung Nebukanezar amul ma ngolâ, mi hum ngola ki hud’a ki subura mi.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Wana ni Zla d’a Djivi d’a Luc mi b’irita 19:13

Mi yi azungeî mama dogo, mi hazi bege d’a lora tutu. Mi dazi ala: Agi i mbud’ugi abogi ki bege ndata gak an hulongîya.

Jean 1:16

Ni yam ndak memet mamba ba, ei pet fei sumad’a yam ndrat sumad’a.

Jean 3:27

Jean mi hulong dazi ala: Le Alona mi he va mi sa d’uo ni, sana mi ndak á le va yam tam mbi.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

Romê-na 12:3

Kayam he d’a hawa d’a Alona mi handjï kur djivi mambid’a ba, an nga ni de mi nge nge pî adigagiya, ar sa djib’er ala mam kal suma hiuna d’i. Wani ar mi djib’erî djib’er ra irat ta ndak ata he gagazi d’a Alona mi b’rawat mi suma tutu peta.

Romê-na 12:6

Wani ei nga ki he d’a hawad’a teteng d’igi Alona mi heizi hawa na. Le sana adigei mi nga ki he d’a hawad’a á djok vun Alona ni, ar mi le hina kur ad’enga hi he gagazi mambid’a.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

1 Korente-na 3:5

Apolos ni nge ge? An Paul ni nge ge? Ami nazungeîna hAlona suma agi hagi gagazid’a yam wal mazi d’a tchid’ina. Nge nge pî adigami nga mi ndak vun sun nda Salad’a mi humzi á led’id’a.

1 Korente-na 5:6

Subur ta magid’a nga ata yat ti. Agi wagi nga d’ala anguf fa ngiyeûd’a nga d’i subur afuta d’uo zu?

1 Korente-na 7:7

An min ala suma pet a ka’î d’igi an na. Wani nge nge pî ni ki he d’a hawa d’a Alona mi humzid’a, ma hina ni ki mamba, ma hina ni ki mamba mi.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

1 Pierre 4:10

Nge nge pî adigagi mi nga ki he d’a hawad’a hAlonid’a. Kayam ndata, ar agi lagi sunda ki sed’et á ndjun suma hiuna d’igi sama d’engzeng ma yam he d’a hawa d’a teteng nga Alona mi humzid’a na.