1 Korente-na 4:6 - Bible azumeina

⁶ B’oziyona, an nga ni dagi zla manda ki d’a hi Apolos-sa d’igi vama simata na á had’agiya, kayam agi wagi ad’u zla d’a d’ogol la wanda ala: Ar sa tchila yam zla d’a a b’irita d’uo d’a. Hina wani, ar agi suburugi tagi yam sama dingâ á gologi ma ding is si.

1 Korente-na 4:6 ပူးပေါင်းရင်းမြစ်များ

Sawal la giled’a 146:3

Agi tinigi hurugi yam suma nglona d’oze yam suma ad’engêzi ndak á sut sa d’uo na d’i.

Sawal la giled’a 8:4

Ata yima an gol akulod’ina, nala, sun nda ang lat kabonga, ata yima an gol tilâ ki tchitchiud’a suma ang tinizi sä akulonina,

Isai 2:22

Agi tinigi hurugi yam sama nga mi muzuk katchinama d’uo d’a. Sana zlamî zla me ko ge?

Sunda hi suma a sunuzinid’a 18:24

Kur bur máma ma Juif-fâ, simiyêm ala Apolos, ambas mamba ni Alezandri, mi mba Efes. Ni ma we zla d’a ded’a heîna, mi we mbaktumba hAlonid’a ngola heî mi.

Sunda hi suma a sunuzinid’a 19:1

Kid’a Apolos nga kur Korente tua d’a, Paul nga mi tit yam yima akulona handaga ndatina. Mi mba kur Efes, mi fe suma hat suma dingâ a nga kua.

Romê-na 12:3

Kayam he d’a hawa d’a Alona mi handjï kur djivi mambid’a ba, an nga ni de mi nge nge pî adigagiya, ar sa djib’er ala mam kal suma hiuna d’i. Wani ar mi djib’erî djib’er ra irat ta ndak ata he gagazi d’a Alona mi b’rawat mi suma tutu peta.

1 Korente-na 1:12

Wana ni vama an min dagizina: Suma dingâ adigagi a nga dahlena teteng ala: An ni ma hi Paul-lâ, ma dingâ ala: An ni ma hi Apolos-sâ, ma dingâ ala: An ni ma hi Pierre-râ, ma dingâ ala: An ni ma hi Christ-sâ mi.

1 Korente-na 1:19

Kayam ndata, mbaktumba hAlonid’a ti dala: An mba ni b’lak ned’a hi suma ned’ina woyo, An mba ni mbut wed’a hi suma wed’a vama hawana mi.

1 Korente-na 1:31

Kayam ndata, d’igi mbaktumba hAlonid’a ti de na ala: Sama min subur tama, ar mi subur tamî yam sun nda Ma didina mi lata.

1 Korente-na 13:4

Sama od’a nga mi ve tamu, nga mi le djivid’a, nga mi le yungôr ri. Sama od’a nga mi subur tam mbi, nga mi le yam mba ad’eng nguo mi.

1 Korente-na 3:19

Kayam ned’a kur duniyad’a ka hid’a ni lilid’a ir Alona. D’igi mbaktumba hAlonid’a ti de na ala: Alona mi vik suma ned’a ki lem mazid’a.

1 Korente-na 3:21

Kayam ndata, nga djivid’a sana mi subur tam yam sa d’i. Kayam ahlena pet ni magina.

1 Korente-na 5:2

Agi nga suburugi ni tagi zango zu? Wani agi nga had’agi hurugi á digigi sama le sunda hina d’a woi adigagi d’uo zu?

1 Korente-na 5:6

Subur ta magid’a nga ata yat ti. Agi wagi nga d’ala anguf fa ngiyeûd’a nga d’i subur afuta d’uo zu?

1 Korente-na 8:1

Agi djobon yam ahle suma a ngad’azi buzuna mi fileinina. Ei pet wei ala: Ei nga ki wed’a. Wani wed’a nga d’i mbut sana yamba ad’enga, wani od’a nga d’i wuli nakulo kur he gagazid’a.

1 Korente-na 9:23

An le hina pet ni yam Zla d’a Djivid’a á fe wurak manda kua.

2 Korente-na 10:12

Kayam ami min suburumi tami ki suma a nga hle yazi akulona d’i, ami nga ngami tami ki sed’ezi d’uo mi. Wani ata yima azi tazi nga nga tazi ki tazina, ne mazid’a kid’aga.

2 Korente-na 10:15

Ami nga suburumi tami yam sunda hi suma dingâ d’a nga kur haga mamid’a d’uo d’a d’i. Wani ami min ala he gagazi magid’a ti wul akulo. Hina wani, sun mamid’a mba d’i i avogovok ngola adigagiya, wani ni yam nga d’a Alona mi ngamizid’a teteu.

2 Korente-na 10:7

Agi nga gologi ahle suma a nga abu pid’ak iragina. Le sama djib’er ala mam mi sana hi Christ-sâ ni, ar mi djib’er hina ala ami tami ni suma hi Christ-sâ d’igi mam na mi.

2 Korente-na 11:4

Le sana mi mba hatagi mi tchagi wala Jesus ma ding ma ami tchagizi nga walam mbuo na, d’oze le agi vagi muzuk ma ding ma agi vum nga adjeu d’uo na, d’oze le agi hagi gagazid’a yam zla d’a djivi d’a ding nga ami tchagizi nga walat tuo d’a ni, agi nga vagizi atogo zak.

2 Korente-na 12:19

Gak ini agi nga djib’eregi ala ami halami ná pad’ami zlad’a woi kami avorogiya zu? Nga na d’i! Ami dami yam minda hi Christ-sa avok Alona. Buniyômi suma od’a, ami lami hina pet á wulugi akulo kur he gagazid’a.

2 Korente-na 12:20

An nga ni le mandarâ, fata an mbaza hatagid’a, dam an mba ni fagi d’igi an min na d’uo kla. Agi mba fan d’igi agi minigi na d’uo kla mi. An nga ni le mandarâ, dam yalâ ki yungôra kayîna, ngengâ, ngula, zla d’a de d’a tchod’a, tum didi’â ki batranga a nga adigagi kla.

2 Korente-na 12:6

Le an min subur tanu ni, an mba ni mbut ma lilid’a d’i, kayam an de ni zla d’a gagazid’a. Wani an ar bei subur tanu, kayam ar sa mi djib’er kan kal vama mi wum atana, d’oze vama mi humum avunana d’uo mi.

2 Korente-na 4:15

Ahle ndazina pet a le ni kagiya, tala Alona mi ve suma sumad’a avogovok kayam suma a le mersi yam subura hAlonid’a kam kua kam kua d’a.

Kolos-sâ 2:18

Ar sa mi yogi wurak magid’a ata lovot ta ge yamba kä kukud’uk á kud’or malaikana d’i. Sama hina na mi tin djib’er mamba ni yam ahle suma a nde tazi woi irama. Ni sama yam mba ad’enga kur djib’er mamba hi hliwim mba hawa yakina,

1 Tasaloni’â 1:5

Kayam Zla d’a Djivi d’a ami tchagizi walata ni ki zla d’a ded’a go d’i, wani ni kad’enga ki ndjunda hi Muzuk ma bei tchod’a ba nid’a, zlapa ki we d’a gagazid’a hi Zla d’a Djivi ndatid’a mi. Kayam agi wagi ni nana ba, ami tid’imi adigagi á ndjunugi ge.

2 Timote 2:10

Kayam ndata, an ve tan ad’enga kur ahlena pet yam suma Alona mi manazina, kayam azi fe sut ta Jesus Christ nga mi hat mi sumid’a, zlapa ki subur ra didinda mi.