1 Korente-na 4:4 - Bible azumeina

⁴ Kayam an we tetet ala zla nga kan ndi, wani ni kayam ndata ba, an ni ma bei zlad’a kana d’i. Salad’a ni sama kan sariya kana.

1 Korente-na 4:4 ပူးပေါင်းရင်းမြစ်များ

Wana ni mbaktumba hi Job-pa 15:14

Sana ni nge ba, mi dala mam mi sama yed’etna ge? Sama atchad’a ti vud’uma mi ndak á kak sama d’ingêrâ zu?

Wana ni mbaktumba hi Job-pa 25:4

Ni nana ba, sana mi mbut sama d’ingêrâ avok Alona ge? Ni nana ba, sama atchad’a vud’uma mi mbut sama yed’etna ge?

Wana ni mbaktumba hi Job-pa 27:6

An tcholî yam d’ingêr manda, an nga ni ar tan tchuk lus si, hurun nga mi van ki zla yam tu d’uo mi.

Wana ni mbaktumba hi Job-pa 40:4

Ang nga kad’enga d’igi an Alona na zu? Deleng nga breîd’a ni d’igi manda na mi zu?

Wana ni mbaktumba hi Job-pa 9:20

Le an ni sama d’ingêrâ pî, vunan mba kan sariyad’a kanu. Le an ni sama bei zlad’a kana pî, vunan mba mi mbud’un sama zla nga kama.

Sawal la giled’a 130:3

Ma didina, Salad’a, ladjï ang nga ndumî tchod’a hi sumid’a ni, ni nge ba, mba mi kak karid’a avorong nge?

Sawal la giled’a 143:2

Ang ka sariyad’a yam an azong mangâ d’i, kayam sama d’ingêr nga yam andagad’a avorong ngi.

Sawal la giled’a 19:12

Ma didina, ni vun mang ma hed’a ba, nga mi had’an an azong mangâ; sama nga mi tit kama, nga mi fe wurak ka ngola kua.

Sawal la giled’a 26:12

Asen nga tchola ad’enga ngingring yam gagazid’a; an mba ni gile Ma didina aduk toka teteng mi.

Sawal la giled’a 50:6

Ar akulod’a ti tak d’ingêr mamba woyo, kayam mam mi ma ka sariyad’a. Tchol ndjö

Zla d’a d’ogolâ 21:2

Nge nge pî nga mi djib’er ala sun mam mba led’a ni djivid’a iramu, wani Ma didina ni sama nga hurîna.

Zla d’a d’ogolâ 29:26

Suma ablaud’a a nga hal lovota á mbut tazi djivid’a avok ma te yamba, wani Ma didina ni ma ka sariyad’a yam nge nge pî na.

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

Sunda hi suma a sunuzinid’a 23:1

Ata yi máma, Paul mi so iram ata suma b’ak zlad’a, mi dazi ala: B’oziyona, an nga avok Alona ki hur ma tuna gak ini.

Romê-na 2:13

Kayam ni suma a nga hum gata ki humazi go na ba, a mba mbut suma d’ingêrâ avok Alona d’i, wani ni suma a nga ge yazi kä ad’utna hol.

Romê-na 4:2

Le Abraham Alona mi mbud’um sama d’ingêrâ ni yam sun mam mba led’a ni, mi fe ni vama subur tama. Wani mi ndak á subur tam avok Alona d’i,

1 Korente-na 4:3

Le agi kagi sariyad’a kan ndoze suma duniyad’a a ka sariyad’a kanu ni, an gol ni vama akid’eina hawa. An tan ndak á ka sariyad’a yam tan ndi.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.