1 Korente-na 4:12 - Bible azumeina

¹² Ami nga kawami ki sunda á fe te mamina. Ata yima azi nga ngulumina, ami nga b’ami vuna kaziya. Ata yima azi nga djobomi vunamina, ami nga vami tamiya.

1 Korente-na 4:12 ပူးပေါင်းရင်းမြစ်များ

Matiye 5:11

Le suma a nga ngulugi a nga djobogi vunagiya, le a nga de zla d’a tcho d’a teteng nga kad’a kagi kayambala agi ni man suma hata d’a ni, agi lagi furîd’a.

Matiye 5:44

Wani an nga ni dagiya, agi lagi od’a yam magi suma djangûna, agi b’agi vuna yam suma a nga gagi vunina, agi lagi djivid’a mi suma a nga noyôgina, agi tchenegi Alona yam suma a nga lagi tchod’ina, yam suma a nga djobogi vunagina mi.

Wana ni Zla d’a Djivi d’a Luc mi b’irita 23:34

Jesus mi dala: Abunu, ang vat hurung ngei kaziya, kayam azi we nga vama azi nga luma d’i. A b’rau baru mamba aduk taziya, a tumut gumara.

Wana ni Zla d’a Djivi d’a Luc mi b’irita 6:28

Agi b’agi vuna yam suma a nga gagi vunina, agi tchenegi Alona yam suma a nga lagi ndakina mi.

Jean 15:20

Agi djib’eregi yam zla d’a an dagizid’a ala: Azongâ nga mi kal salama d’uo d’a. Le azi djobon vunanu ni, a mba djobogi vunagi hina mi. Le azi ngom zla manda ni, a mba ngom zla magid’a mi.

Sunda hi suma a sunuzinid’a 18:3

Kayam sun mazi d’a led’a ni tu, mi kak ki sed’eziya. A le sunda zlapa, kayam azi ni suma tchil tandana.

Sunda hi suma a sunuzinid’a 20:34

Agi tagi wagiya, an le sunda kabon á fe vama kid’agana ki ma hi suma zlapa ki sed’ena.

Sunda hi suma a sunuzinid’a 7:60

Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.

Romê-na 12:14

Ar agi tchenegi Alona ala mi b’e vunam yam suma a nga djobogi vunagina. Ar agi tchenem ala mi b’e vunam kaziya, mi gazi vuna d’i.

Romê-na 12:20

Wani d’igi mbaktumba hAlonid’a ti de na ala: Le mang ma djangûna meid’a nga d’i tchumu ni, ang hum tena mi te; le vunam mi so ni, ang hum mbina mi tche mi. Hina wani, ni d’igi ang togomî gordjona kam na.

Romê-na 8:35

Sama ndak á walei woi ki od’a hi Christ-sa ni nge ge? Ndaka, d’oze kid’eî ira, d’oze djop vuna, d’oze meid’a, d’oze hohoud’a, d’oze bad’a, d’oze matna zu?

1 Korente-na 9:6

D’oze an ki Barnabas, ami tamid’a ndagami á d’elemi tami bei le sunda á fe te mamina mi d’uo zu?

2 Korente-na 11:8

An tar ahlena abo Tok ka dinga, ni fe beged’a abozi á bongôn lovota á ndjunugiya. Kid’a an sä hatagid’a, ahle suma kid’agana an tin nga aneka yam sa adigagi d’i,

Efes-sâ 4:28

Sama kul adjeuna, ar mi kul luo d’a, wani ar mi le ni sunda kabom á fahlena á ndjun suma houd’a.

1 Tasaloni’â 2:9

B’oziyomina, agi nga djib’eregi yam sun mamid’a ki ndak mamid’a. Kid’a ami tchagi wal Zla d’a Djivid’a hAlonid’a, ami lami sunda andjege ki faleya, kayam ami mbud’umi vama ane’â yam sa adigagi d’i.

2 Tasaloni’â 3:8

Ami tami nga avu hi sa hawa d’i, wani kur ndaka ami lami sunda andjege ki faleya, kayam ami mbud’umi vama anek yam sa adigagi d’i.

1 Timote 4:10

Kayam ndata, ei nga lei sunda ki ndjigeta, kayam ei tini huri ni yam Alo ma arina, mam mi Ma sut suma petna, kal pet ni suma he gagazid’ina.

1 Pierre 2:23

Ata yima a nguluma, mi hulong nga ngula balum mbi. Ata yima mi fe ndakina, mi ngop nga sa d’i, wani mi ar zla mamba abo Alo ma ka sariya d’a d’ingêrina.

1 Pierre 3:14

Wani le agi nga fagi ndaka yam d’ingêra ni, agi lagi furîd’a ngola. Ar agi lagi mandarâ abo suma d’i, ar vunadigagi d’i pat tuo mi,

1 Pierre 3:9

Agi hulongôgi tchod’a kayam tchod’a d’i, ar agi hulongôgi ngula yam ngula d’uo mi. Wani agi b’agi ni vuna kaziya, kayam ata yima Alona yagina, mi hle vunam ala mam mba mi b’e vunam kagiya.

1 Pierre 4:19

Kayam ndata, suma a fe ndaka yam minda hAlonid’ina, ar a i avogovok kur djivi d’a led’a, a he tazi abo Ma d’engzeng ma lahlena petna mi.

Jude 1:9

Wani ata yima Michel ma ngolâ hi malaikanina tamba mi nga mi yal ki Diable ata yima a tchi tazi tuguyod’a yam mad’a Moise-sâ, mi kam nga sariya d’a tchod’a kam mbi, wani mi dum ala: Ar Ma didina mi ngobongû.