1 Korente-na 3:17 - Bible azumeina

¹⁷ Le sana mi b’lak gong ndata woyo ni, Alona mba mi b’lagam mbei mi, kayam gong ndata ni vama Alona mi tinim iram vama. Agi tagid’a ni gong mam ndata mi.

1 Korente-na 3:17 ပူးပေါင်းရင်းမြစ်များ

Ad’u Tinda 28:17

Mi le mandarâ, mi dala: Yi máma ni yima mandarâ; gagazi, nazina hAlonina, ni vun azì ma akulona mi.

1 Sunda Hamuleinid’a 29:3

Wani yam hat hur man ma yam gong nga kud’ora hAlo manid’a, an he lora ki kawei ma hapma suma an ni nga ki na, bei ndum ahlena pet suma an minizi yam yima a tinim iram vama ba.

Sawal la giled’a 74:3

Ang i gak ata yima mi b’lak kei dedeina. Ma djangûna mi b’lak wa yi mang ma a tinim iram vama woi kakazeî.

Sawal la giled’a 79:1

Ni sawal la gile d’a Asaf mi hlata. Alo mamina, andjaf suma dingâ a kal wa kur ambas manga, a mbut wa gong mang nga kud’ora ndjendjed’a, a b’lak wa Jerusalem mbei kakazeî mi.

Sawal la giled’a 93:5

Ma didina, vun mang ma hed’a mi ndak memet, ar ang tin gong manga irat vat gak didin.

Sawal la giled’a 99:9

Agi hagi ngola mi Ma didina Alo meina, agi grivigi kä yam ahina mam mba a tinit irat vata, kayam Ma didina Alona ni ma bei tchod’a ba na!

Buzuk ka Abud’a 3:5

Alona mi dum ala: Ang hud’ï ka hî d’i, ang pat atuguruna woi asengû, kayam yima ang nga tchola kua wana nandaga d’a an tinit irat vata.

Isai 64:11

Ma didina, hina pet ni ang mba le va tu d’uo zu? Ang mba kak hawa hina mudjuk, ang ar ahle ndazina a kal yam ad’eng mamid’a zu?

Ezekiyel 43:12

Gat ta yam yina hi gong mandina ba wana: Yima akulo ma ngui ahina d’a fiyak ka ked’iwurengina pet ni yima a tinim iram vam ma kal tegles mi Ma didinina.

Ezekiyel 5:11

Ni kayam ndata ba, an Salad’a Ma didin ma bei matna nga ni dagiya: Kayamba agi mbud’un yi man ma an tinim iram vama ndjendjed’a ki filei magina pet ki sun magi d’a ndjendjed’id’a, an tanda mba ni hle iran ndei kagi bei ni wagi hohowogiya, an mba ni ngobogi bei ni wagi hohowogi ba mi.

Ezekiyel 7:22

An mba ni hle iran ndei yam suma a mba mbut gong man nda an tinit irat vata ndjendjed’ina. Suma asa’atna a mba kal kua, a mba mbud’ut ndjendjed’a.

Sunda hi suma hi Levi-nid’a 15:31

Agi walagi Israel-lâ woi ki ndjendje mazid’a, tala azi mbut yi man ma kak ma adigazina ndjendjed’a mbut ba, a bo d’a d’i.

Sunda hi suma hi Levi-nid’a 20:3

An tan mba ni mbut iran ata sa máma, mba ni pad’am mbei aduk sum mama, kayam mi he goroma malo ma a yum ala Molo’â, mi mbut zlub’u man nda kud’ora ndjendjed’a, mi lazan simiyên Ma bei tchod’ina mi.

Sofoni 3:4

Mam suma djok vuna a ni suma tit mazid’a nga ata yat tuo na, a ni suma mbut ira mi. Mam suma ngat buzuna a nga mbut ahle suma a tinizi irazi vazina ndjendjed’a, a nga tchila yam gata mi.

Ndumba 19:20

Sama ndjendje ma mi mbut nga tam yed’et tuo na, a mba pad’am mbei aduk ablaud’a, kayam mi mbut ni yima a tinim iram vam mi an Ma didinina ndjendjed’a. Mba mi ka’î ki ndjendjed’a hina, kayam a yamam nga mbiyo ma mbut sana yed’etna kam mbi.

1 Korente-na 3:16

Agi wagi nga d’ala agi ni gong nga kud’ora hAlona d’a Muzuk mama nga kaka kuruta d’uo zu?

1 Korente-na 3:18

Ar sa mi lop tam mbi. Le sama ding adigagi mi djib’er ala mam mbut sama ned’a kur duniyad’a ka hî ni, ar mi mbut tam lilid’a kayam mam mbut sama ne ma gagazina.