1 Korente-na 3:13 - Bible azumeina

¹³ sunda hi nge nge pî ad’ut mba d’i nde woi ni kur bur ma ka sariyad’a. Kur bur máma a mba ndat tei ni kakud’a, kayam akud’a mba d’i kuk sunda hi nge nge pî á tagat tei abua.

1 Korente-na 3:13 ပူးပေါင်းရင်းမြစ်များ

Isai 28:17

An mba ni hle gagazid’a d’igi regle ma nga ahlena na, an mba ni hle d’ingêra d’igi nivo ma gol gongîyona na mi. Mogoina mba mi pleyêgi yima ka zla ma agi ngeyegi tagi kuana woyo, mbina mba mi hle yi magi ma aboi ma agi kagagi kuana woi mi.

Isai 8:20

agi hulongôzi ded’a ala: Mbeî ei hulongî yam gata ki zla d’a Ma didina mi ndeizi woid’a. Suma a tit nga yam vun ma he máma d’uo na, a mba we yima fod’a ki irazi d’i.

Jeremi 23:28

Ma didina mi dala: Ma djok vun ma adïd’a duma, ar mi ve nad’u adï mamba hol! Wani ma mi nga ki zla mandina, ar mi dat tei ata lovod’od’u! Ar agi ndjagagi asuna ki ir awuna d’i!

Jeremi 23:29

Zla manda ni d’igi akud’a na, ti ni d’igi marto d’a ad’eng nga ti to ahinad’a woid’a na mi d’uo zu? An Ma didina ni de na!

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Malatchi 3:17

Ma didin ma ad’engêm kal petna mi dala: An mba ni mbud’uzi sum mana kur bur ma an mba ni tak ad’eng manda woi kuana, an mba ni wazi hohowozi d’igi sana mi we gorom ma mi sunuma hohowom na.

Malatchi 3:2

Ni nge ba, mba mi so tam kur bur ma mba mamba ge? Ni nge ba, mba mi tchol avorom fata mba mi ndei woi d’a ge? Kayam mi hle tamî d’igi akud’a hi suma tchafid’a na, mi hle tamî d’igi sabulâ hi sama mbus barud’a hapina na mi.

Matiye 10:15

Gagazi, an nga ni dagiya, kur bur ma ka sariyad’a, sariya d’a a mba kat yam azì ma ngol mámid’a, kal la a kat yam Sodom ki Gomor-ra.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Wana ni Zla d’a Djivi d’a Luc mi b’irita 2:35

kayam djib’era hablau suma d’a nga ngeid’a kuruzid’a, mba d’i nde woyo. Ndak taka, ndaka mba d’i tchogok huruk d’igi mbigeu d’a fiyaka na mi.

Romê-na 2:16

Ni hina ba, bur tu Alona mba mi ka sariyad’a yam ahlena pet suma a nga ngeid’a kur sumina kayam Jesus Christ yam Zla man nda Djivi d’a an nga ni tchat walata.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

1 Korente-na 1:8

Ni mam ma mba mi hagi ad’enga gak bur ma dabid’a, tala agi kagagi suma bei zlad’a kagi ba kur bur ma mbad’a hi Saleina Jesus Christ-sâ na.

1 Korente-na 3:12

Wani sama mi min katna, le ni ki lora, d’oze kawei ma hapma, d’oze ahina d’a guzut kal teglesa, d’oze aguna, d’oze asuna, d’oze kuzad’a ni,

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

2 Timote 1:12

Kayam ndata, an nga ni fe ki ndaka wana, wani an nga ni le zulona d’i, kayam an we tetet ala mam ma an hum gagazid’ina, mi ndak á ngom vama mi handji abona gak bur máma.

2 Timote 1:18

Ar Salad’a mi wum hohowom kur bur máma. Ang we sun nda mam lat ki sed’en avo Efes-sa tetet.

2 Timote 3:9

Wani azi mba i avok ngol li, lili mazid’a mba d’i nde woi ir suma pet d’igi Janes azi ki Jambres na mi.

2 Timote 4:8

Ki tchetchemba, Alona nga mi ngom avaval la d’ingêr ra Salei ma ka sariya d’a d’ingêrina mba mi handji kur bur mámid’a. Wani ni yam an hol li, wani yam suma pet suma a nga le yam mba mambina mi.

Hebre-na 10:25

Ei arei tok meid’a woi d’igi suma dingâ a nga le na d’i, wani ei zud’i tei akulokulo, kayam agi wagi burâ hi Salad’ina mi ar go.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

1 Pierre 4:12

Buniyôn suma od’a, ar agi lagi atchap yam kuk ka ad’eng nga nga d’i kugugid’a d’i. Agi gologizi ni d’igi vama atchapma na d’uo mi.

2 Pierre 3:10

Wani burâ hi Salad’ina mba mi mba ni d’igi sama kula na. Kur bur máma akulod’a mba d’i kal lei ki siwel la ngola, ahle suma akulona pet akud’a mba d’i b’lagazi woyo. Andagad’a kahle suma kurutna pet a mba ngal lei mi.

2 Pierre 3:7

Wani akulod’a kandaga d’a tchetchemba a nga ngomozi ki zlad’a hAlonid’a tu ndata á b’lagazi woi kakud’a kur bur ma a mba ka sariyad’a yam suma tchona á b’lagazi woina.

Vama ndum mbeina 20:12

Bugola, an we suma mat suma nglona ki gugureina a nga tchola avok zlam mba amula. Mbaktumba teteng ti nga mala woyo; mbaktum mba dinga nga mala woi kua, ni mbaktum mba arid’a. A ka sariyad’a yam suma matna kahle suma a b’irizi kur mbaktum ndatina, ndak yam ahle suma azi lazina mi.