1 Korente-na 2:11 - Bible azumeina

¹¹ Ni nge aduk suma ba, mi we djib’era hi sanid’a ge? Ni muzuk ma nga kuruma hol li? Hina mi, sana mi ndak á we djib’era hAlonid’a d’i, ni Muzu’â hAlonina hol.

1 Korente-na 2:11 ပူးပေါင်းရင်းမြစ်များ

Wana ni mbaktumba hi Job-pa 15:8

Ata yima Alona nga mi de zlad’ina, ang hum zu? Ang ki ned’a ni ang tu zu?

Zla d’a d’ogolâ 14:10

Sana mi we vama b’lagam hurum krovona ni mamu, sama ding nga mi b’rau furî mamba ki sed’em mbuo mi.

Zla d’a d’ogolâ 20:27

Muzu’â hi sanina ni lalamba hi Ma didina d’a nga d’i fek hur sana fefeka.

Zla d’a d’ogolâ 20:5

Djib’er ra kur sana krovod’a ni d’igi mbiyo ma galilei ma yiyi’â na, wani sama wad’ud’a nga mi we lovot ta mi ndat tei abud’a.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

1 Korente-na 12:8

Muzu’â hAlonina nga mi he sana tu á de zlad’a ki ned’a. Ni Muzuk ma tu máma ba, nga mi he mi sama dingâ á de zlad’a ki wad’ud’a mi.

1 Korente-na 2:10

Wani Alona mi tageizi ni yam Muzuk mama. Kayam le ni nga hurâ hAlona ma yiyik ma nga ngeid’ina pî, Muzuk mama mi ndak á fek ad’u ahlena pet.