1 Korente-na 16:22 - Bible azumeina

²² Sama nga mi le yam Salad’a d’uo na, ar Alona mi gum vuna. Maranata, nala, Salamina, ang mbeya!

1 Korente-na 16:22 ပူးပေါင်းရင်းမြစ်များ

Sawal la kal teglesa 1:7

Ang ma an hurun vang heîna, ang danu, ang i pol tumiyô mangâ ni lara ge? ang i tuguzi tazi falei ni lara ge? Ni kayam me ba, an mbut d’igi atcha d’a nga d’i halang aduk tumiyôna hi ndrongîna na ge?

Sawal la kal teglesa 5:16

Vunam mbulâ, zlam lan heî! Agi yugunei suma Jerusalem-ma, wana ni ma an le kam heîna, wana ni banan ma kokodjona!

Isai 5:1

Ar an hle sawala mi banana. Ni sawala hi ma an hurun vum heî ki guguzlu mambina. Ma an hurun vum heîna mi nga adjeu kasine ma guguzlud’a, mi ni yam yima nding ma tub’ad’a heîna.

Matiye 10:37

Sama le yam abum mboze asum kalan ana, mi ndak nga sa mana d’i. Sama le yam goroma d’oze goromba kalan ana, mi ndak nga sa mana d’uo mi.

Jean 14:15

Jesus mi dazi kua ala: Le agi lagi kanu ni, agi ngomogi vun man ma hed’a.

Jean 14:21

Sama ve vun man ma hed’a ma nga mi ngomoma, ni ma nga mi le kana. Sama nga mi le kana, Abun mba mi le kamu, an mba ni le kam an mba ni tagam tan mi.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

Jean 15:24

Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak.

Jean 16:14

Mam mba suburunu, kayam mba mi yoï nahle suma atana ba, mba mi dagiziya.

Jean 8:42

Jesus mi dazi ala: Ladjï Alona nAbugiya ni, agi mba lagi kanu, kayam an tcholï ni gen Alona ba, ni mba wana, kayam an mba ni yam tan ndi, wani ni mam ba, mi sununïya.

Sunda hi suma a sunuzinid’a 23:14

Azi mbaza gen nglo suma ngat buzuna ki suma nglona, a dazi ala: Ami gunumi tami ki gun nda tchod’a ala ami tami va d’i gak ami tchami Paul mbeî tua.

Romê-na 9:3

An tan min ala le ni vama nda’â ni, an mbut sama vun ma ged’a hAlonina kama á wal lei ki Christ yam b’oziyon suma ala nandjavanu na.

1 Korente-na 12:3

Kayam ndata, an min agi wagi woi tetet ala sama Muzu’â hAlona nga mi tagam lovotina, mi ndak á dala: Jesus ni sama a gum vunina d’i. Wani sama ndak á dala: Jesus ni Salad’a ma bei Muzuk ma bei tchod’a ba na mi tagam lovotina nga d’uo mi.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Efes-sâ 6:24

Ar Alona mi ve suma pet suma a nga le yam Saleina Jesus Christ ki od’a bei dabid’a ba d’ina sumad’a.

Filip-ma 4:5

Ar agi tagagi luluma magid’a woi avok suma pet, kayam Salad’a mi ar go á mbad’a.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.

1 Pierre 1:8

Mam ma agi wagizi nga d’uo na pî ba, agi nga lagi kamu. Mam ma agi wagizi nga ki iragi ki tchetchemba d’uo pî ba, agi hagi gagazid’a kam mi. Kayam ndata, agi nga lagi furî d’a kal tegles sa ngol la sana mi ndak á dat ki vunam mbuo d’a,

1 Pierre 2:7

Yam agi suma hagi gagazid’a, ndat nahina d’a guzut kal teglesa iragiya, wani yam suma bei he gagazid’ina, ahina d’a suma djak gonga a gat teid’a, ni d’a mbut ta djik gong nga akulod’a.

1 Jean 4:19

Ei nga lei od’a, ni kayamba Alona mi le kei adjeud’a.

1 Jean 5:1

Nge nge pî ma mi he gagazid’a ala: Jesus ni Christ-zu na, Alona mi vud’um mi mamu. Nge nge pî ma nga mi le yam Abum Alonina, mi le ni yam goroma mi.

Vama ndum mbeina 22:20

Sama de woi yam ahle ndazina petna, mi dala: Â, an nga ni mba ka tchetchem. Amin! Ang mbeya, Salamina Jesus!