1 Korente-na 16:13 - Bible azumeina

¹³ Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.

1 Korente-na 16:13 ပူးပေါင်းရင်းမြစ်များ

2 Samuel 10:12

Ang ve tang ad’enga, ei soi tei ad’enga yam sum meina, yam azì mei ma nglona hAlo meinina. Ar Ma didina mi le vama hurum vuma!

1 Amuleina 2:2

An nga ni mit ni mid’a. Wani ang ve tang ad’enga, ang ka’î mandjufâ.

1 Sunda Hamuleinid’a 19:13

Ang ve tang ad’enga, ei soi tei ad’enga yam sum meina, yam azì mei ma nglona hAlo meinina. Ar Ma didina mi le vama hurum vuma!

1 Sunda Hamuleinid’a 28:10

Ki tchetchemba, ang wala Ma didina mi manang wa, kayambala ang minim gong nga mba d’i mbut ni yima a tinim iram vama d’a. Ang ve tang ad’enga, ang le sunda mi.

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Sawal la giled’a 31:24

Agi suma d’ingêrâ hi Ma didinina, agi lagi kamu. Ma didina nga mi ngom suma a hum gagazid’ina, nga mi gat suma yam mba ad’enga gat ta tchod’a.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Daniel 10:19

Bugola, mi dan ala: Ang ma Alona mi le kang heîna, ar ang le mandar ri. Ar ang kak ki b’leng nga halasa, ang ve tang ad’enga, ang ve tang ad’enga. Ata yima nga mi dan zlad’ina, an hulong fad’enga. An dum ala: Ang de, kayam ang han ad’enga da’.

Daniel 11:32

Mam mba mi lop suma a nga d’engzeng yam vun ma djin ma Alona mi djinim ki sed’ezina d’uo na ki vunam ma mbulâ. Wani suma d’engzeng yam Alo mazinina pet, a mba tchol ad’enga ngingring yam zla mazid’a.

Wana ni mbaktumba hi Aze-d’a 2:4

Ki tchetchemba, Ma didina mi dala: Zorobabel, ang ve tangû; ma ngol ma ngat buzuna Josue Josadak goroma, ang ve tangû; agi suma yam ambasina pet, agi vagi tagiya, agi lagi sunda, kayam an nga ki sed’egiya.

Zakari 8:13

Agi suma kur leu d’a Juda-d’ina ki suma kur leu d’a Israel-lina, adjeu agi mbud’ugi ni d’igi suma a gazi vunina na aduk andjaf suma, wani ki tchetchemba, an nga ni sud’ugiya, agi mba mbud’ugi ni suma a b’e vuna kazina. Agi vagi tagi ad’enga, ar agi lagi mandar ri!

Zakari 8:9

Ma didin ma ad’engêm kal petna mi dala: Agi vagi tagi ad’enga! Ki tchetchemba, agi humugi zlad’a hi vun man ma hle ma suma djok vuna a dum zlam mbei adjeu ata yima a gäd’u gong man nda kud’ora kä á mindina.

Matiye 25:13

Jesus mi de kua ala: Kayam ndata, agi kagagi ki ndjola, kayam agi wagi nga burâ d’oze lera d’i.

Matiye 26:41

Agi kagagi ki ndjola, agi tchenegi Alona, kayam agi tchugugi kur kuka d’i. Gagazi, hurâ mina, wani hliu tad’a amangeîd’a.

Wana ni Zla d’a Djivi d’a Luc mi b’irita 21:36

Wani ar agi burugi sena d’i, ar agi tchenegi Alona kayam agi fagi ad’enga á sud’ugi woi abo ahle suma a nga mbana, á tchologi avok an Gor Sana mi.

1 Korente-na 14:20

B’oziyona, ar agi djib’eregi d’igi gugureina na d’i. Ar agi kagagi ni d’igi gugureina na yam tchod’a, wani ar agi djib’eregi ni d’igi suma a djengâ na.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

2 Korente-na 1:24

Kayam ami minimi á te yam he gagazi magid’a d’i, kayam agi nga kaka ngingring kur he gagazid’a, wani ami min ei lei sunda zlapa tu yam djivi magid’a.

Galat-na 5:1

Christ mi pad’ei woi kur magomba da’. Kayam ndata, ar agi kagagi ngingring kur pat ndata. Ar agi hulongôgi kur magomba d’uo d’a.

Efes-sâ 3:16

An nga ni tchen Alo ma subur mamba kal teglesâ, kayam mi hagi ad’enga kurugi kad’enga hi Muzuk mamid’a.

Efes-sâ 6:10

Vama arâ, agi siragi ngingring zlapa tu ki Salad’a, kur sib’ika had’eng mambid’a mi.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Filip-ma 4:1

Kayam ndata, b’oziyon suma od’a, an nga ni hat hurun ngola á wagiya, kayam agi ni furî manda ki subur manda. Buniyôn suma od’a, ar agi kagagi ngingring kur tit magid’a zlapa ki Salad’a.

Filip-ma 4:13

An ndak á lahlena pet yam ad’eng nga Christ mi handjid’a.

Kolos-sâ 1:23

Wani mbeî agi kagagi ngingring kur he gagazid’a, bei gigeta ba yam hur magi ma tinda yam Zla d’a Djivi d’a agi humuta. Ni Zla d’a Djivi d’a tchat walat tei yam andagad’a peta. Kayam ndata, an Paul ni mbut azong ma sunda kad’u.

Kolos-sâ 4:12

Wiyegina Epafras azongâ hi Jesus Christ-sâ, mi gagi depa. Mi nga mi so tam kur tchen mamba kagiya, kayam agi ndagagi memet á wagi minda hAlonid’a tetet mi.

Kolos-sâ 4:2

Agi aragi bei tchen Alona d’i, agi kagagi ki ndjola, agi lagi mersi mAlona mi.

1 Tasaloni’â 3:8

Ki tchetchemba, le agi nga kaka ngingring zlapa tu ki Salad’a ni, ami nga karid’a.

1 Tasaloni’â 5:6

Kayam ndata, ar ei buri sena d’igi suma hiuna na d’i, wani ei kagei irei sik ki ndjola.

2 Tasaloni’â 2:15

Kayam ndata, b’oziyomina, ar agi kagagi ngingring kur hat ta ami had’agizid’a ki zla d’a ami dagizid’a ki mbaktum mba ami b’irigizid’a mi.

1 Timote 6:12

Ang dur ayî ma djivina yam he gagazid’a á ve ari d’a didin nda Alona mi yang kat ata yima ang de woi avok suma glangâsâ ablaud’ina.

2 Timote 2:1

Kayam ndata, ang gorona Timote, ar ang sira kur suma d’a zlabei tu ki Jesus Christ-sa.

2 Timote 4:5

Wani ang gol tang djivi kur ahlena pet, ang ve tang kur djop vuna, ang tchi wal Zla d’a Djivid’a, ang ndak vun sun nda Alona mi hangzid’a memet mi.

2 Timote 4:7

An dur wa ayî ma djivina, an dap wa vun ring mana, an ngom wa he gagazi manda mi.

Josue 1:18

Sama lara ma humung nga vunang nguo, mi ge nga yam kä ad’u vun ma he ma ang mba huma pet tuo na, a tchum mbeyo. Wani ang ve tang ad’enga, ang so tang mi.

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

1 Pierre 4:7

Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona.

1 Pierre 5:8

Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.

Vama ndum mbeina 16:15

Salad’a mi dala: Ang huma, an nga ni mba ni d’igi sama kula na. Sama nga kaka ndjola, mi ngom baru mamba tala mi tit gandilad’a ba, suma a wum zulo mama d’uo na, mi le furîd’a.

1 Samuel 4:9

Agi Filistê-na, ei vei teya! Ei kagei andjofâ! Ar ei mbud’i magumeina hi Hebre-na d’igi azi ni magumei meina avok na d’i; ei vei teya! Ei duriziya!