1 Korente-na 15:19 - Bible azumeina

¹⁹ Le ei tini huri yam Christ ni yam kak meid’a yam andaga d’a ka hid’a go ni, ei ni suma hohoud’a kal suma dingâ pet.

1 Korente-na 15:19 ပူးပေါင်းရင်းမြစ်များ

Sawal la giled’a 17:14

Ma didina, ang prud’un ndei abo sum ndazina. Azi ni suma yam andagad’a ka hina. Suma b’rau mazid’a ni ka hî kur duniya ndatina. Ang hobozi hayazi ki vama ang ngazizi kazina, ang hobozi grozina, a ar ad’ud’a mi grozi ngolona mi.

Ma tchi wala 6:11

Ata yima zla d’a de d’a nga kua wü na, zla d’a de d’a hawa yaka nga kua mi. Sana mi fe ni djiviya me kua ge?

Ma tchi wala 9:9

Ang kak ki furîd’a katcha d’a ang hurung vata ki kak mang nga hawa yak ka yam andaga d’a Alona mi hangzi kur kak mang nga hawa yak ka yam andagad’a ka hid’a. Wana ni b’rau manga yam sun mang nga ang lat ka hî yam andagad’a ki kaud’id’a.

Matiye 24:9

Kayam ndata, azi mba hagi abo suma a mba djobogi vunagiya, a mba tchagi mi. Andjaf suma pet a mba noyôgi woi yam simiyên mi.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

Wana ni Zla d’a Djivi d’a Luc mi b’irita 8:14

Andjaf ma mi nde aduk aweid’ina ni suma a hum zlad’a wani ata yima azi ina, djib’era hi duniyad’id’a ki beged’a ki d’od’oka hi duniyad’id’a a hebezi ped’et, a le nga irâ tetet ti.

Jean 16:2

Suma a mba digigi woi abu kur gongîyo mazi suma toka. Yina nga mi mba, ata yi máma, sama lara pî ma mba mi tchagina, mba mi djib’er ala mam le ni sunda mAlona.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

1 Tasaloni’â 1:3

Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

2 Timote 1:12

Kayam ndata, an nga ni fe ki ndaka wana, wani an nga ni le zulona d’i, kayam an we tetet ala mam ma an hum gagazid’ina, mi ndak á ngom vama mi handji abona gak bur máma.

2 Timote 2:4

Azigar ma dur ayîna nga mi tin hurum yam vama blogoma d’i, kayam mi min á le mam ma ngolâ tam djivid’a.

2 Timote 3:12

Wani suma pet suma a min tit bugol Alona zlapa ki Jesus Christ-sâ, a mba djobozi vunazi mi.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.

Vama ndum mbeina 14:13

An hum dela ti tcholï akulo, ti dan ala: Ang b’ir kur mbaktumba ala: Suma a nga bo kur sunda hi Salad’id’a ki tchetchembina, a mba le furîd’a. Muzu’â hAlonina mi de na ala: Gagazi, azi ndak á tuk tazi kur sun mazi d’a kaud’a, kayam sun mazi d’a djivid’a nga d’i tit ad’uziya.