1 Korente-na 15:10 - Bible azumeina

¹⁰ Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

1 Korente-na 15:10 ပူးပေါင်းရင်းမြစ်များ

Matiye 10:20

Kayam ni agi ba, mba dagi d’i, wani ni Muzu’â hAbugi ma nga kurugina ba, mba mi zud’ugi á ded’a.

Matiye 25:16

Ata yi máma na wat, ma ve talanda vahlâ, mi i mbut abom ki sed’ed’u, mi fe mbina kat kua vahl.

Romê-na 11:1

An nga ni djop ala: Na ni Alona mi ar sum mama woi zu? Nga na d’i! Kayam an tanda ni ma Israel ma ad’u andjafâ hi Abraham-ma, ma ad’u andjafâ hi Benjamin-na mi.

Romê-na 12:3

Kayam he d’a hawa d’a Alona mi handjï kur djivi mambid’a ba, an nga ni de mi nge nge pî adigagiya, ar sa djib’er ala mam kal suma hiuna d’i. Wani ar mi djib’erî djib’er ra irat ta ndak ata he gagazi d’a Alona mi b’rawat mi suma tutu peta.

1 Korente-na 15:11

Le an ndoze le ni azi pî, ami tchagi wala ni na, agi hagi gagazid’a kat mi.

1 Korente-na 15:2

Le agi nga siragi yam Zla d’a Djivi ndata ngingringû ni, agi mba fagi suta kad’u. Le agi vagizi ndinding nguo ni, he gagazi magid’a ni hawa.

1 Korente-na 3:10

Yam he d’a hawa d’a Alona mi handjid’a, an le wa sunda d’igi ma d’al ma gäd’u gongina na. Wani ki tchetchemba, sama dingâ nga mi min kad’u. Wani ar nge nge pî, mi gol tam djivi ki min nda mam nga mi min akulo kata.

1 Korente-na 3:6

An ni ma ped’a, Apolos ni ma vo mbina kama, wani Alona ni ma wuluma.

1 Korente-na 4:7

Sama mbud’ung kal suma dingâ ni nge ge? Ni me ba Alona mi hangzi nga d’uo ge? Le mi hangziya ni, ni kayam me ba ang subur tang d’igi Alona mi hangzi hawa ni mam mbuo na ge?

2 Korente-na 12:11

An nga ni de zlad’a ni d’igi sama lilid’a na, wani agi lan kad’enga ni agiya. Djivid’a ni agi ba, yoronu, kayam an ni va d’i. Wani suma agi nga golozi ala ni suma a sunuzi suma nglona na a kalan nga ki va tu d’i.

2 Korente-na 3:5

Ami ndak á lami va yam tami d’i, wani ad’eng mamid’a ti tcholï nata Alona.

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

Galat-na 2:8

Kayam Alo ma pat Pierre mi tinim ma a sunuma yam suma Juif-fîna, ni mam ba, mi pad’an tinin ma a sunuma yam andjaf suma dingîna mi.

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

Filip-ma 4:13

An ndak á lahlena pet yam ad’eng nga Christ mi handjid’a.

1 Tasaloni’â 5:12

Wani b’oziyomina, ami nga tchenegiya, ar agi gagi yagi kä avok suma a nga le sunda adigagi suma Salad’a mi tinizi avorogi á d’obogi á had’agi mi na.

1 Timote 4:10

Kayam ndata, ei nga lei sunda ki ndjigeta, kayam ei tini huri ni yam Alo ma arina, mam mi Ma sut suma petna, kal pet ni suma he gagazid’ina.