1 Korente-na 13:6 - Bible azumeina

⁶ Sama od’a tam nga d’i lum djivid’a yam tchod’a d’i, wani tam mbi lum djivid’a ni yam gagazid’a.

1 Korente-na 13:6 ပူးပေါင်းရင်းမြစ်များ

Sawal la giled’a 10:3

Sama asa’atna nga mi subur tam yam tamu, sama hal ahlena hi sumina nga mi ngulung ang Ma didina, nga mi golong is mi.

Sawal la giled’a 119:136

Iran nga d’i djang simina d’igi mbina na, kayam suma a nga ngom gat manga d’i.

Buzuk ka Abud’a 18:9

Jetro mi le furîd’a yam djivi d’a Ma didina mi lat ki Israel-lîd’a ki prut ta mi prud’uzi woi abo Ezipte-nid’a mi.

Zla d’a d’ogolâ 14:9

Suma lilid’a a gol tchod’a ni vama luna iraziya, wani ang fe djivid’a naduk suma d’ingêrâ.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Jeremi 20:10

An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

Wana ni mbaktumba hi Oze-d’a 4:8

Ahle suma ngat buzu suma sum mana a nga hazi yam tcho mazid’ina a mbut ni te mazina. Ni kayam ndata ba, a min ala sum mana a i avogovok kur tcho d’a led’a!

Wana ni mbaktumba hi Oze-d’a 7:3

Azi nga lamulâ tam djivid’a kasa’at mazid’a, a nga le suma avok sumina tazi djivid’a ki zla mazi d’a kad’a mi.

Mise 7:8

Mami ma djangûna, ar ang le furîd’a kami d’i! Le ami pugumi kä pî, ami mba hulong tcholomi akulo; le ami nga kaka kur nduvunda pî, Ma didina ni b’o mamid’a.

Matiye 18:13

Gagazi, an nga ni dagiya, le mi fum wa ni, mi nga ki furîd’a yam ma tuna kal suma dok zlengâ yam zlengâ suma a vit nga woi d’uo na.

Wana ni Zla d’a Djivi d’a Luc mi b’irita 22:5

Azi le furîd’a, a hlum vunazi á hum beged’a.

Romê-na 1:32

Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Filip-ma 1:18

Wani le azi nga tchi wal zlad’a hi Christ-sa ata yat tuo d’oze ata yad’u ni, ndolon nga d’i. A tchi wala yam Christ ngola da’. Kayam ndata, an nga ni le furîd’a kam kua kam kua,

Filip-ma 1:4

Kur tchen manda pet, an nga ni tchen Alona kagi ki furîd’a,

Filip-ma 3:18

Kayam suma dingâ ablaud’a a nga tid’a, ni suma an nga ni dagi zla mazid’a teteuna. Ki tchetchemba, an nga ni dagi kua ki simina iranu: Sum ndazina ni suma a kak djangûna ki matna hi Christ ma mi mit ata agu ma b’alina.

2 Tasaloni’â 2:12

Kayam suma pet, suma a he nga gagazid’a yam gagazid’a d’uo wani tazi d’i lazi djivid’a ni yam tchod’ina, Alona mba mi kazi sariyad’a kaziya.

2 Jean 1:4

An nga ki furî d’a ngola heî kayam an fe grok suma ding suma a nga tit kur gagazid’a d’igi Abui mi hei vuna na na.