1 Korente-na 13:5 - Bible azumeina

⁵ Sama od’a nga mi le vama zulo d’i, nga mi hal va kayam tam mbi, hurum nga mi zal atogo d’i, nga mi ve sa kurum mbuo mi.

1 Korente-na 13:5 ပူးပေါင်းရင်းမြစ်များ

2 Samuel 10:3

suma nglo suma Amon-na a de mi salazina Hanun ala: Ang djib’er ala ná subur abung ba, David mi sunungî suma á b’lengêng hurung wan d’ang zu? Ná we fet azì ma ngolâ á b’lagam mbei ba, mam sunï azungeî mama geveng wan nduo zu?

Wana ni mbaktumba hi Job-pa 21:27

Gola! An we djib’er magid’a, an we djib’er magi d’a kurugi d’a agi min lan ki tchod’id’a mi!

Zla d’a d’ogolâ 14:17

Sama mi mbut ayîna atogo zaza’â mi le ni sun nda lilid’a, sama nga mi djib’er djib’er ra tchod’ina suma a nga noyôm mi.

Isai 3:5

Suma a mba djop vun taziya, nge nge pî mba mi djop vun ndrama, gogorâ mba mi nde ma mamarâ huneîd’a, ma ndak va nduo na mba mi nde ma suma a nga hum ngolina huneîd’a mi.

Jeremi 11:19

Wani an ni d’igi timi ma kukud’ok ma a im ata yima ngatina na. An we nga vunazi ma ndjak ma a ndjagam kan ala: Ei tchi angusâ woi ki vud’umu; ar ei kam mbei yam andagad’a hi suma a nga ki irazina, ar sa mi djib’er yam simiyêm bugol luo d’angû na d’i.

Ndumba 12:3

Wani Moise ni sama luluma ma kal suma yam andagad’ina petna.

Ndumba 16:15

Moise hurum zal ngola yam zla ndata, mi de mi Ma didina ala: Ang ve he d’a hawa mazid’a abozi d’i. An hle nga va mazi d’i, koro tu pî an ve nga d’i, an lazi nga vama tcho yan tu d’uo mi.

Ndumba 32:6

Moise mi de mandjafâ hi Gad-na kandjafâ hi Ruben-na ala: B’oziyogina a i dur ayîna mi, agi kagagi ka hî hawa mi zu?

Matiye 5:22

Wani an nga ni dagiya, sama layîna ki wiyemina, sariyad’a mba d’i vumu. Sama de mi wiyema ala: Ang ma yang nga kang nguo na, a im avok suma bak zlad’a. Wani sama de mi wiyema ala: Angî lilid’a na, mi ndak á kal kur aku d’a Jahanama.

Matiye 9:4

Jesus mi we djib’er ra kuruzid’a tcha, mi dazi ala: Ni kayam me ba, agi djib’eregi djib’er ra tchod’a na ge?

Marik 3:5

Mi pret tam mi golozi ki zlazi pet, hurum zal ngola, kayam me mi fe hur ma wurana yam hur mazi ma b’ala. Mi de mi sa máma ala: Ang mat abong ngeyo. Mi mad’am mbeyo; abom mbut blangâm ma adjeuna.

Wana ni Zla d’a Djivi d’a Luc mi b’irita 7:39

Kid’a Fariziyê ma yum yam tenina mi we hina d’a, mi de kurum ala: Sa máma ladjï ni ma djok vun Alona gagaziya ni, mi we wa atcha d’a domba, mi wat wa tit mata, kayam ndat natcha d’a tchod’a.

1 Korente-na 10:24

Ar sa mi hal vama lum mam tamba djivid’ina d’i, wani ar mi halî vama le wiyema tam djivid’ina.

1 Korente-na 10:33

Ar agi lagi d’igi an na. An lahlena pet ná le suma tazi djivid’a. An nga ni hal vama lan an tanda djivid’ina d’i, wani vama le suma ablaud’a ngola tazi djivid’ina, kayam azi fe suta.

1 Korente-na 11:18

Avok an hum ala ata yima agi nga togogi tuna, wala nga adigagiya. An djib’er ala zla d’a gagazid’a nga kur de ndata.

1 Korente-na 12:25

Kayam ndata, wala nga aduk hliu tad’a d’i, wani ir hliu tad’a teteng pet ti nga d’i djib’er yam tad’u.

1 Korente-na 7:36

Wani sama lara pî ma djib’er ala gorom mba weid’a bizat kal wa ni, le mi djib’er kurum ala ti ve mandjufâ ni, mi le ni vama hurum minima. Ar goromba ti ve mandjufâ, mi le nga ni tcho d’i.

2 Korente-na 5:19

Ni yam Christ ba, Alona mi zlap suma pet darigïd’a ki mam tamba, nga mi djib’er yam tchila mazid’a d’i. Kayam ndata, mi hami sun nda zlap suma darigïd’a ki mamba á ded’a.

Galat-na 5:13

B’oziyona, Alona mi yagi mi pad’agi woi da’, wani ar pat ndata mbut ni vama le sun nda yam minda hi sa magi ma adjeunid’a d’i, wani agi sunugi tagi ki od’a.

Filip-ma 2:21

Kayam suma hiuna a nga djib’erî yam ahle mazina, wani nga ni yam ahlena hi Jesus Christ-sâ d’i.

Filip-ma 4:8

B’oziyona, zla d’a ara: Ar agi tinigi djib’er magid’a yam ahle suma djivi suma ndak á giled’ina kahlena pet suma gagazina kahle suma a yorozina kahle suma d’ingêrâ kahle suma yed’etna kahle suma djivi suma ndak á hud’ina.

2 Tasaloni’â 3:7

Kayam agi tagi wagi ala djivid’a agi tid’igi balum asemiya, kayam kak mami d’a adigagid’a ami lami nga azulomba d’i.

2 Timote 2:10

Kayam ndata, an ve tan ad’enga kur ahlena pet yam suma Alona mi manazina, kayam azi fe sut ta Jesus Christ nga mi hat mi sumid’a, zlapa ki subur ra didinda mi.

2 Timote 4:16

Wani ata yima sariya man nda avoka, sa nga ki sed’en ndi, wani azi pet a aranu. Ar Alona mi ndum tcho ndata kazi d’i.

Jacques 1:19

B’oziyon suma an le kagi heîna, agi wagi djiviya. Ar nge nge pî mi hum zlad’a atogo, wani mi le lilinga á ded’a. Ar mi mbut ayîna atogo zak kuo mi,