1 Korente-na 13:13 - Bible azumeina

¹³ Ki tchetchemba, ahlena hindi a nga: Gagazi d’a hed’a, hur ma tinda ki od’a. Wani ma kalazi ki ngolina ni od’a.

1 Korente-na 13:13 ပူးပေါင်းရင်းမြစ်များ

Sawal la giled’a 146:5

Sama Alona hi Jakob-ma nga mi ndjunuma ni ma nga ki furîd’ina; ni ma tin hurum yam Ma didina Alo mamina mi.

Sawal la giled’a 42:11

Tan tchuk wa susub’ok, ata yima man suma djangûna a nga mbud’un zulona ki zla mazi d’a ded’a burâ ki burâ ala: Alo mangâ, mi nga ni lara ge d’a.

Sawal la giled’a 43:5

An nga ni djop tan ala: Ni kayam me ba, an mbut hohoud’a hina ge? Ni kayam me ba, an djib’er hina ge? An tin hurun ni yam Alo mana, an mba ni gilem kua. Mam mi Alo man ma sud’una.

Wana ni Zla d’a Djivi d’a Luc mi b’irita 10:27

Mi hulong dum ala: Ang le yam Ma didina Alo mangâ ki hurung pet ki tang pet kad’engêng pet ki djib’er manga pet mi. Ang le yam ndrangâ d’igi ang tanga na mi.

Wana ni Zla d’a Djivi d’a Luc mi b’irita 22:32

wani an tchen wa Alona kangû, kayam he gagazi manga kid’ak ki. Wani ata yima ang hulong kur lovot mangina, ar ang sira b’oziyongâ.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

1 Korente-na 14:1

Kayam ndata, ar agi halagi ni od’a. Ar agi b’ad’agi tagi yam he d’a hawa d’a Muzu’â hAlonina mi hagizid’a, kal pet ná djok vun Alona.

1 Korente-na 16:14

Ar agi lagi sun magid’a pet ni ki od’a.

1 Korente-na 3:14

Le sunda hi sama mi min yam ad’u ge ndatina ti ngal nga woi d’uo ni, sa máma mba mi fe wuraka.

1 Korente-na 8:1

Agi djobon yam ahle suma a ngad’azi buzuna mi fileinina. Ei pet wei ala: Ei nga ki wed’a. Wani wed’a nga d’i mbut sana yamba ad’enga, wani od’a nga d’i wuli nakulo kur he gagazid’a.

1 Korente-na 8:3

Wani sama le yam Alonina, Alona nga mi wumu.

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

2 Korente-na 5:15

Mi mit ni yam suma pet, kayam suma a nga kaka karid’ina a nga kaka karid’a ni yam tazi d’i, wani ni yam mam ma mi mit mi tchol akulo kazina.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Filip-ma 1:9

Vama an tchen Alona kagina ba wana: Ar o magid’a ti zul avogovok zlapa ki wed’a ki wad’ud’a pet mi,

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

Kolos-sâ 1:5

Kayam ndata, agi tinigi hurugi yam vama Alona nga mi ngomom sä akulo kagina. Ni vama agi humum zlam avok dei ata yima a tchagi wal zla d’a gagazid’ina, nala, Zla d’a Djivid’a.

Kolos-sâ 3:14

Kal pet, ar agi tchugugi o d’a ala ni ziyo ma ndak á djinigi tuna d’a atagiya.

1 Tasaloni’â 1:3

Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

1 Tasaloni’â 5:8

Wani ei ni suma hafatina á kagei irei sik. Ar agi tchugugi he gagazi magid’a ki o magid’a atagi d’igi sana mi tchuk kongrongâ atam na, ar agi kulubugi hur ma tin mala ni sut magid’a na kagi d’igi sana mi kulup djumba kam na mi.

1 Timote 1:5

Vun ma he máma djivi mamba ni o d’a ndeï kur hur ma djivina ki djib’er ra krovo d’a djivid’a ki he gagazi d’a irata.

2 Timote 1:7

Kayam Alona mi hei nga ni Muzuk ma mandarâ d’i, wani mi hei ni Muzuk ma mi hei ad’enga ki od’a ki ned’ina.

Hebre-na 10:35

Ar tagi tchuk lus yam vama agi tinigi hurugi kama d’i, kayam wurak mamba nga ngola.

Hebre-na 10:39

Wani ei nga naduk suma a nga hulong bugol á bad’a woina d’i, wani ei naduk suma a he gagazid’a suma a nga kur lovot ta sutina.

Hebre-na 6:11

Ami minimi ala ar nge nge pî adigagi mi kuk tam á we vama agi tinigi hurugi kama tetet gak bur ma dabid’a.

Hebre-na 6:19

Tin hur mei máma nga mi vei kä d’igi kawei ma valumba kä na na. Hur mei ma tin ma gagazi mama mi nga tchola ngingring nga mi kal lei bugol baru d’a ka ira kur gong nga kud’ora hAlona d’a akulod’a gak mi nde woi krovo kur yima a tinim iram vama.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.

1 Jean 2:10

Sama nga mi le yam wiyemina, mi nga ni kaka kur b’od’a, vama puk wiyema kur tchod’ina mi nga atam mbi.

1 Jean 2:14

Gugureina, an nga ni b’irigi kayam agi wagi wa Abui Alona da’. Abuyonu, an nga ni b’irigi kayam agi wagi wa mam ma nga ei avok deina. Azungeîna, an nga ni b’irigi kayam agi ni suma ad’enga, zlad’a hAlonid’a ti nga kaka kurugiya, agi kuzugi wa yam Ma tchona da mi.

1 Jean 2:24

Kayam ndata, agi ngomogi zla d’a agi humugizi avok deid’a kurugiya. Le zla d’a agi humugizi avok deid’a nga kaka kurugiya ni, agi mba kagagi zlapa tu kAlona Goroma kAbum mi.

1 Jean 3:3

Nge nge pî ma nga ki hur ma tin mama yam Christ-sâ, nga mi ngom tam yed’et, d’igi Christ tamba ni Ma bei tchod’a ba na mi.

1 Jean 3:9

Nge nge pî ma Alona mi vud’uma, nga mi i avok kur tcho d’a led’a d’i, kayam mi hle ni zlad’a hAbum Alonid’a. Nga mi i avok kur tcho d’a led’a d’uo d’a, kayam Alona mi vud’um mi mamu.