1 Korente-na 11:32 - Bible azumeina

³² Wani ata yima Salad’a mi kei sariyad’a keina, mi gad’ei ni gad’a, kayam sariyad’a hAlonid’a ti vei ki suma bei he gagazi suma yam andagad’ina tu d’i.

1 Korente-na 11:32 ပူးပေါင်းရင်းမြစ်များ

2 Samuel 7:14

An tanda mba ni ka’î abumu, mam tamba mba mi ka’î gorona. Le mi le tchod’a ni, an mba ni gad’am ki totogod’a hi sumid’a, an mba ni tom d’igi suma a to grozina na.

Sawal la giled’a 118:18

Ma didina mi ngobonu, wani mi han nga abo matna d’i.

Isai 1:5

Ata yima agi tcholi ad’enga ngingring i avogovo’â, agi min ala mi togi nata yima lara d’ei ge? Yagi pet ni mbuleina, hurugi pet ni tugud’eid’a mi.

Jeremi 7:28

Bugola, ang dazi ala: Agi nandjaf ma bei hum vun Ma didina Alo magina. Agi ni suma min hum ngopa d’uo na, agi aragi d’engzenga woyo, agi tuvot tei mi.

Sofoni 3:2

Azi hum nga yid’a hi Ma didinid’a d’i, a nga min ngop pa mi ngobozid’a d’i, a nga tin huruzi kam mbi, a nga hut gevem mam Alo mazina d’uo mi.

Romê-na 3:19

Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi.

Romê-na 5:16

He d’a hawad’a hAlonid’a ti nga ni d’igi tchilad’a hi sama tu mámid’a na d’i. Sariya d’a kad’a ti mba ni yam tchilad’a hi sama tu mámid’a, wani he d’a hawa d’a ti mba bugol tchila d’a ablaud’id’a, ti pat zlad’a woi yam suma.

1 Korente-na 1:20

Ki tchetchemba, sama ned’a mi nga ni lara ge? Sama hat suma mi nga ni lara ge? Sama tchi tuguyo ma kur atchogoi d’a wandina mi nga ni lara ge? Alona mi tagei nga ala ned’a hi duniya d’a wanda ni lilid’a d’uo zu?

1 Korente-na 1:21

Suma duniyad’a yam ne mazid’a a we nga Alona d’i. Kayam ndata, Alona kur ne mamba mi nga hurum á sut suma a he gagazid’a yam wal mami d’a tchi d’a lilid’ina.

1 Korente-na 11:30

Ni kayam zla ndata ba, suma ablaud’a adigagi a nga tugud’eid’a, suma homozed’a a nga, suma dingâ ablaud’a a bo wa mi.

1 Korente-na 11:31

Wani le ei nga kei sariyad’a yam teya ni, sariyad’a hAlonid’a mba d’i vei d’i.

1 Korente-na 11:33

Kayam ndata, b’oziyona, ata yima agi nga togogi avun tena hi Salad’ina, ar agi djubugi tagiya.

Gat ta a hat á mbàd’id’a 8:5

Agi wagi kurugi ala Ma didina Alo magina mi had’agi ni d’igi sana mi hat goroma na.

1 Timote 1:20

Himene ki Alezandre a nga aduk sum ndazina. An hazi wa abo Seitan kayam mi gad’aziya, kayam azi las Alona d’i.

1 Jean 5:19

Ei wei ala ei ni suma Alona mi vud’ina, duniyad’a pet nga nabo Ma tchona mi.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.