1 Korente-na 11:27 - Bible azumeina

²⁷ Kayam ndata, le sama lara ma nga mi tavungôna hi Salad’ina d’oze mi tche kop mama ata lovod’om mbuo ni, mi le ni tchod’a ki hliuna ki buzuna hi Salad’ina mi.

1 Korente-na 11:27 ပူးပေါင်းရင်းမြစ်များ

Ndumba 9:10

Ang i de mi Israel-lâ ala: Ma didina mi dala: Le sana adigagi ini d’oze kur atchogoi d’a nga mbad’a mi mbut tam ndjendjed’a ki matna d’oze mi i akoi d’a dei d’a ni, mba mi le vun til ma Pa’â á suburun an Ma didina.

Ndumba 9:13

Le sana mi yed’et mi i nga akoid’a d’uo ba, mi d’el tam mbei á le vun til ma Pa’â ni, sa máma a mba pad’am mbei aduk sum mama; kayam mi he nga he d’a hawad’a mi an Ma didina kur bur ma a ngama d’i, sa máma mba mi zi aneka hi tcho mambid’a kamu.

Matiye 22:11

Wani ata yima amulâ mi kal avo á gol suma mi yazina, mi we sama dingâ mi tchuk nga baru ma tela atam mbi.

Jean 6:51

An ni te ma hari ma tcholï akulona. Sama lara pî ma te te mámina, mba mi kak karid’a gak didin. Te ma an mba ni humzina ni hliwinu, ni ma an mba ni hum yam arid’a hi suma kur duniyad’ina.

1 Korente-na 10:21

Agi ndak á tchagi kopma hi Salad’ina ki kopma hi muzuk ma teteng ma tcho ma fileina zlapa tu d’i. Agi ndak á kagagi avun tabulâ hi Salad’ina ki tabulâ hi muzuk ma teteng ma tcho ma fileina zlapa tu d’uo mi.

1 Korente-na 11:29

Kayam le sana nga mi tavungôna nga mi tche kopma bei mi wad’ud’a ala ni hliuna hi Salad’ina ni, mi te mi tche sariyad’a kamu.

Hebre-na 10:29

Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu?