1 Korente-na 11:17 - Bible azumeina

¹⁷ Wani an nga ni gad’agi ni gad’a, an nga ni suburugi ni subura d’i, kayam ata yima agi nga togogina, agi nga lagi tchod’a kal djivid’a.

1 Korente-na 11:17 ပူးပေါင်းရင်းမြစ်များ

Zla d’a d’ogolâ 27:5

Ngop pa ngop sana avunamba kal o d’a a lat kä gumunda.

Sunda hi suma hi Levi-nid’a 19:17

Ang ve wiyengâ kurung ngi, ang ngop ndrangâ yam tcho mamba. Hina wani, tcho mamba mba d’i vang ngi.

Romê-na 13:3

Kayam suma a le sun nda djivid’ina a nga ki mandarâ avok suma te yamba d’i. Wani suma a le sun nda tchod’ina a nga le mandarâ avoroziya. Ang min le mandara ma te yamba d’uo zu? Ang le ni djivid’a. Hina wani, mam mba mi yorongû.

1 Korente-na 11:2

An nga ni suburugi kayamba agi nga djib’eregi kan kur ahlena peta, agi nga tid’igi yam hat ta an had’agizid’a mi.

1 Korente-na 11:20

Kayam ndata, ata yima agi nga togogina, agi nga tagi ni tena hi Salad’ina d’i.

1 Korente-na 11:22

Na ni agi tagi nga kaziyagi ma agi tagi tchagi kuana d’uo zu? Na ni agi gologi Toka hAlonid’a is á mbut suma a nga ki va d’uo na zulona zu? An dagi nana? An suburugi kayam ndata zu? Nga na d’i! An ndak á suburugi kayam ndata d’i.

1 Korente-na 11:34

Le sana meid’a tchumu ni, ar mi teï avo hatamu, kayam Alona mi kagi sariyad’a kagi ata yima agi nga togogi kuana d’i. Fata an mbaza hatagid’a, an mba ni min ahle suma a arâ.

1 Korente-na 14:23

Kayam ndata, le suma Toka ki zlazi pet a nga toka, le agi nga dagi zlad’a ki vun ma tetengâ, le suma bei wad’ud’a d’oze suma bei he gagazid’a á tchuk adigagiya ni, a mba dagi ala agi ni lilid’a d’uo zu?

1 Korente-na 14:26

B’oziyona, ei dei nana ge? Ata yima agi nga tokina, sama dingâ nga mi hle sawala, ma dingâ nga mi hat suma, ma dingâ nga mi nde ad’u ahlena abu mi, ma dingâ nga mi de zlad’a ki vuna hi suma tetengâ, ma dingâ nga mi väd’u zla ndata woi abua. Ar agi lagi ahlena pet á ndjun Toka á wulut akulo kur he gagazid’a.

Hebre-na 10:25

Ei arei tok meid’a woi d’igi suma dingâ a nga le na d’i, wani ei zud’i tei akulokulo, kayam agi wagi burâ hi Salad’ina mi ar go.

1 Pierre 2:14

d’oze suma te yamba ki mazi suma a sunuzi á gat suma a nga le tchod’ina, á yor suma a nga le djivid’ina mi na.